BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق تۇلەكتەر شەتەلدىك ۋنيۆەرسيتەتتەردە تىكەلەي وقۋعا مۇمكىندىك الدى

فوتو: интернеттен

نازاربايەۆ زياتكەرلىك مەكتەبىنىڭ تۇلەكتەرى گەرمانيانىڭ جوعارعى وقۋ ورىندارىندا foundation كۋرسىن وقىماي-اق، تىكەلەي ٴبىرىنشى كۋرسقا قابىلداناتىن بولدى، دەپ حابارلايدى ۆaq.kz ٴتىلشىسى.

گفر ٴبىلىم جانە مادەنيەت مينيسترلەر كەڭەسى گەرمانيالىق جوعارى وقۋ ورىندارىنا نازاربايەۆ زياتكەرلىك مەكتەپتەرىنىڭ تۇلەكتەرىنە ارنالعان ارنايى نۇسقاۋلىق جىبەرگەن. وندا اتالعان مەكتەپتەردىڭ سەرتيفيكاتى گەرمانيادا جوعارى باعالاۋعا يە بولاتىنى ايتىلعان.

«كەڭەس زياتكەرلىك مەكتەپتەر تۇلەكتەرىنىڭ سەرتيفيكاتىن گەرمانيانىڭ جوعارى وقۋ ورىندارىندا تىكەلەي ٴبىلىم الۋعا جارامدى دەپ تاپتى. بۇل تۋرالى قازاقستانداعى گفر-دىڭ توتەنشە جانە وكىلەتتى ەلشىسى رولف مافاەلدىڭ «نازاربايەۆ زياتكەرلىك مەكتەپتەرى» دببۇ-نىڭ باسقارما ٴتورايىمى كۇلاش ٴشامشيدينوۆاعا جولداعان رەسمي حاتىندا جازىلعان»، - دەلىنگەن اتالعان مەكەمەنىڭ ٴباسپاسوز قىزمەتى تاراتقان حابارلامادا.

نەمىس ەلشىسى جولداعان حاتتا، زياتكەرلىك مەكتەپتەردىڭ nis grade 12 certificate سەرتيفيكاتى گفر-دە مويىندالۋى ماتەماتيكا، تەحنيكا، مەديسينا، قوعامدىق، الەۋمەتتىك، ەكونوميكالىق عىلىمداردى جانە ٴتىلدى مەڭگەرۋ سالالارىن، ٴارى سپورت جانە ونەر ماماندىقتارى بويىنشا گەرمانيالىق جوعارى وقۋ ورىندارىندا ٴبىلىم الۋعا مۇمكىندىك بەرەتىنى ايتىلعان.

ياعني اتالعان سەرتيفيكاتتىڭ كومەگىمەن زياتكەرلىك مەكتەپتى بىتىرگەن قازاقستاندىق تۇلەكتەر گەرمانيانىڭ ۋنيۆەرسيتتەرىندە foundation كۋرسىن وقىماي-اق، تىكەلەي ٴبىرىنشى كۋرسىنا وقۋعا تۇسە الادى.

نۇسقاۋلىق 2018 جىلدىڭ جازعى سەمەسترىنەن باستاپ كۇشىنە ەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي