قازاقستان وقۋشىلارى ieso وليمپياداسىنان جەڭىسپەن ورالدى - ٴبىلىم & عىلىم|17 تامىز 2018، 11:47
كۋرسى ۆاليۋت وبنوۆليايۋتسيا
استانا:

قازاقستان وقۋشىلارى ieso وليمپياداسىنان جەڭىسپەن ورالدى

تايلاندتا جەر عىلىمدارى تۋرالى حالىقارالىق ieso 2018 وليمپياداسى ٴوز مارەسىنە جەتتى. ناتيجەسىندە، الماتىلىق وقۋشى اقنازار قاجىمۇرات كۇمىس جۇلدەنى، ال ونىڭ توپتاعى ارىپتەسى اسىلبەك ٴومىرزاق قولا جۇلدەنى يەلەندى، دەپ حابارلايدى baq.kz اقپارات اگەنتتىگى.

بۇدان باسقا، قازاقستاندىقتار ارالاس توپ قۇرامىندا دا باسقا ماراپاتتارعا يە بولدى. كاميلا قاجەن ٴوز توبىمەن بىرگە جارىستىڭ ەكى تۇرىنەن - earth system project (esp) جانە international team field investigation (itfi) – ەكى بىردەي التىندى جەڭىپ الدى.

«بۇل جارىستاردىڭ ماقساتى بالالاردىڭ حالىقارالىق كومانداداعى جۇمىستارى ارقىلى داعدىلارى مەن بىلىمدەرىن تەكسەرۋ»، - دەپ اتاپ ٴوتتى شاحماردان ەسەنوۆ اتىنداعى ٴعىلىمي-بىلىم بەرۋ قورىنىڭ جوبالار ۇيلەستىرۋشىسى، اكادەميك نۇرسۇلتان نۇرمۋحانوۆ.

ٴبىزدىڭ وتانداستارىمىز — يسلام ايتۋعانوۆ پەن اسىلبەك ٴومىرزاق — ٴوز كوماندالارىمەن حالىقارالىق ٴبىلىم بايقاۋىنىڭ قولا جۇلدەسىن ەنشىلەدى. ناتيجەسىندە، قازاقستان قانجىعاسىندا 6 جۇلدە.

«وليمپيادا باعدارلاماسىنىڭ ەكى جوبادان تۇرعانى ماعان قاتتى ۇنادى، ويتكەنى جوبا ٴوزىڭنىڭ توبىڭداعى بالالارمەن جانە دە ەكىنشى جوبا رەتىندە الەمنىڭ ٴتۇرلى ەلدەرىنەن كەلگەن بالالارمەن جۇمىس جاساۋعا مۇمكىندىك بەردى. سونىڭ ارقاسىندا مەن تەك قانا كوپتەگەن ٴوزىمنىڭ قۇرداستارىممەن تانىسىپ قانا قويعان جوقپىن، سونىمەن قاتار جەر عىلىمدارىنا قاتىستى ٴبىزدىڭ عالامشارىمىزداعى جاھاندىق پروبلەمالار جايلى دا حاباردار بولدىم»، - دەدى بايقاۋدىڭ قول جۇلدەگەرى ي.ايتۋعانوۆ.

تاپسىرمالارىن ويداعىداي ورىنداۋ ٴۇشىن، وقۋشىلارعا گەولوگيا، گەوفيزيكا، مەتەورولوگيا، وكەانوگرافيا جانە استرونوميا سالاسىنداعى بىلىمدەر قاجەت بولدى. ماحيدولا ۋنيۆەرسسيتەتىنىڭ كامپۋسىندا وتكەن وليمپيادا الەمنىڭ 39 ەلىنەن 280 وقۋشى مەن مەنتورلاردى جينادى.

ەستەرىڭىزگە سالا كەتەيك، ieso –گە ۇلتتىق قۇرامانى ىرىكتەۋ 2018 جىلدىڭ باسىندا ٴوتتى. وتكەن جىلى فرانسيادا وتكەن ieso ٴبىزدىڭ جاس وتانداستارىمىز ٴۇشىن جەكە ەسەپتەگى ٴبىر جەڭىسپەن (كۇمىس) جانە دە ارالاس حالىقارالىق كوماندا قۇرامىنداعى (قولا) ەكى جەڭىسپەن اياقتالعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي