kaz minerals شقو-دا ٴبىلىم گرانتتارىن بولۋدە

فوتو: ашық дереккөзден

kaz minerals توبى اقتوعاي كەن بايىتۋ كەشەنى ورنالاسقان شىعىس قازاقستان وبلىسى اياگوز اۋدانىنىڭ تالانتتى مەكتەپ تۇلەكتەرىنە قولداۋ كورسەتۋ تۋرالى شەشىم قابىلدادى. «kaz minerals aktogay» جشس جوعارى وقۋ ورنىندا ٴبىلىم الۋ ٴۇشىن تۇلەكتەرگە گرانت بولەدى جانە اياگوز پوليتەحنيكالىق كوللەدجىن جابدىقتاۋدى قارجىلاندىرادى، دەپ حابارلايدى baq.kz اقپارات اگەنتتىگى.

بۇل ماقساتتارعا كومپانيا 94 ملن تەڭگەدەن استام قاراجات بولەدى.

اقتوعاي، قوپا جانە تاڭسىق اۋىلدارىنىڭ مەكتەپ تۇلەكتەرىنىڭ گرانتتارىنا 30،4 ملن تەڭگە بولىنەدى. كومپانيانىڭ گرانتىنا يە بولۋ ٴۇشىن مەكتەپ تۇلەگى بۇت-دە 90 بالدان تومەن بولمايتىن ناتيجە كورسەتۋى ٴتيىس. سونىمەن قاتار، مەكتەپتە وقىعان كەزدەگى ۇلگەرىمى جاقسى بولعانى، رەسپۋبليكالىق جانە حالىقارالىق دەڭگەيدەگى وليمپيادالاردا، كونكۋرستاردا جانە تۋرنيرلەردەگى جۇلدەلى ورىنداردىڭ بولعانى ابزال. ۇمىتكەرلەردى ارنايى قۇرىلعان كوميسسيا ىرىكتەيدى. ەگەر ناتيجەلەرى بىردەي ەكى ستۋدەنت بولسا، حالىقتىڭ از قامتىلعان توبىنان شىققان تۇلەككە باسىمدىق بەرىلەدى.

تۇلەكتەر د.سەرىكبايەۆ اتىنداعى شقمتۋ-دە ٴبىلىم الاتىن بولادى. وقۋ ورنىمەن كەلىسىم جاسالدى. وقۋدى ٴتامامداعان ماماندار كومپانيانىڭ كاسىپورىندارىنا جۇمىسقا قابىلدانادى. قاجەتتى ماماندىقتاردىڭ ٴتىزىمى جاڭارتىلىپ وتىرادى. وقۋ مەرزىمى – 4 جىل.

ٴبىر ستۋدەنتكە ارنالعان گرانتتىڭ سوماسى – جىلىنا 760 مىڭ تەڭگە. ونىڭ ىشىنە وقۋدىڭ اقىسى، شاكىرتاقى جانە جاتاقحانانىڭ اقىسى كىرەدى. ٴبىرىنشى كۋرستىڭ ٴبىرىنشى سەمەسترىندە ستۋدەنتتىڭ شاكىرتاقىسى 15 مىڭ تەڭگەنى قۇراسا، كەيىن ۇلگەرىمىنە وراي 30 مىڭ تەڭگەگە دەيىن جەتۋى مۇمكىن. ۇلگەرىمى ناشار ستۋدەنتتەرگە شاكىرتاقى تولەنبەيدى. كەزەكتى سەسسيا قاناعاتتانارلىقسىز باعامەن اياقتالسا، وقىتۋ شارتى بۇزىلادى.

تاعى 63،6 ملن تەڭگە اياگوز پوليتەحنيكالىق كوللەدجىندەگى ەكى سىنىپتى قايتا جابدىقتاۋعا بولىنەدى. بولىنگەن قاراجاتقا ەلەكتريكتەر مەن دانەكەرلەۋشىلەردىڭ سىنىپتارىنا زامانۋي جابدىقتار ورناتىلادى جانە بولمەلەر جوندەلەدى. ورناتىلاتىن جابدىقتار اقتوعاي كبك-دە قولدانىلاتىن جابدىقتارعا سايكەس كەلەدى. سونىمەن قاتار، كوللەدج تۇلەكتەرى اقتوعاي كەن ورنىندا وندىرىستىك تاجىريبەدەن وتەدى جانە بوس ورىن بولسا، جۇمىسقا قابىلدانادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!