BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

google-دە جۇمىس ىستەيتىن قازاق تۋعان جەرىنە كەلدى ەكسكليۋزيۆ

فوتو: Автор

اقش-تىڭ كاليفورنيا شتاتىنداعى google كومپانياسىنىڭ باس كەڭسەسىندە ەڭبەك ەتەتىن پاۆلودار قالاسىنىڭ تۋماسى قۋات ەسەنوۆ اراعا ٴتورت جىل سالىپ، تۋعان جەرىنە كەلدى. سوزگە ساراڭ وقىمىستى شەتەلدەگى ٴومىرى مەن جۇمىسى تۋرالى ايتىپ بەردى، دەپ حابارلايدى baq.kz ايماقتاعى ٴتىلشىسى.

قۋات ەسەنوۆ – پاۆلودار قالاسىنداعى دارىندى بالالارعا ارنالعان №8 مەكتەپ-ليسەيىنىڭ تۇلەگى. بۇگىندە الەمدەگى ۇزدىك كومپانيادا جۇمىس ىستەيتىن phd دوكتورى lt –تەحنولوگيالار سالاسىندا قىزمەت ەتەدى.

30 جاسار ينجەنەر google كومپانياسىنا ماسساچۋسەتس تەحنولوگيالىق ينستيتۋتىن ٴتامامداعان سوڭ جۇمىسقا ورنالاسقان.

«الىپ كاسىپورىننىڭ ماماندارى مەنىمەن سۇحبات جۇرگىزدى. كەزدەسۋ ٴساتتى ٴوتتى. وعان قوسا، «microsوft» كومپانياسىندا از-كەم تاجىريبەم بولدى. ەڭ باستى ارتىقشىلىعىم – حالىقارالىق ماتەماتيكالىق وليمپيادالارداعى جەڭىستەرىم»، - دەيدى قۋات ەسەنوۆ.

وقۋشى كەزىندە دارىندى بالانى ەلباسى نۇرسۇلتان نازاربايەۆ «التىن بالا» دەپ اتاعان. مەملەكەت باسشىسىنىڭ وسىنداي مارتەبە بەرۋى دە ورىندى. ولاي دەيتىنىمىز، قۋات ەسەنوۆ گيننەستىڭ رەكوردتار كىتابىنا الەمنىڭ ەڭ تيتۋلدى وقۋشىسى رەتىندە ەندى. وقىمىستى 9-11 سىنىپ ارالىعىندا گرەسيا، جاپونيا، شوتلانديادا وتكەن حالىقارالىق ماتەماتيكالىق وليمپيادالاردا التى التىن، ٴبىر كۇمىس جانە ٴبىر قولا مادەلگە يە بولعان.

«التىن بالانىڭ» اناسى اننا نۇريدەنقىزىنىڭ ايتۋىنشا، قۋاتتىڭ بويىندا ەسەپ-قيساپقا دەگەن ىنتا ٴۇشىنشى سىنىپتا پايدا بولعان. سول ساتتە الەمنىڭ جانە قازاقستاننىڭ ماتەماتيكتەرى قۋاتتىڭ دارىندىلىعى تابيعاتتىڭ سىيى دەگەن پىكىر بىلدىرگەن.

جاس عالىم «ەكىنشى ەسىمىنە» ەتى ۇيرەنىپ كەتكەنىن ايتادى.

«تۋعان جەرىمە كەلگەندە، ەرتىس ٴوڭىرىنىڭ تۇرعىندارى مەنى «التىن بالا» دەپ اتايدى. ارينە، قۋانىشتىمىن. بالا كەزىمدە مەكتەپ مەن ٴۇشىن اسا ماڭىزدى بولدى. جالپى، جاراتىلىستانۋ عىلىمدارىنا جوعارى سىنىپتا بەت بۇردىم»، - دەيدى ول.

قۋات پاۆلودارعا سوڭعى رەت ٴتورت جىل بۇرىن كەلىپتى. الەمدىك ٴىت-نارىعىندا جوعارى سۇرانىسقا يە مامان جۇمىسىنىڭ قاۋىرت بولعاندىعىنان، اتا-انالارىنا ٴجيى كەلە قويمايتىنىن جاسىرمادى.

«google كومپانياسىنداعى جۇمىس ٴتارتىبى مولشەرلەنبەگەن، قانداي دا ٴبىر شەكتەۋلەر جوق. ٴبىر سوزبەن ايتقاندا، بارلىعى ەركىن. ساعات سانىن ەشكىم ەسەپتەمەيدى. جۇمىس ورنىمىز كوۆوركينگ-ورتالىققا ۇقسايدى. ٴبىزدىڭ قىزمەتكەرلەر كەز كەلگەن يدەيانى، جوبانى بىرلەسىپ تالقىلاۋعا ٴازىر. ارىپتەستەرىمنىڭ اراسىندا قىتايلىقتار، جاپوندىقتار كوپ»، - دەيدى قۋات.

ەمەن-جارقىن اڭگىمە بارىسىندا قۋات ەسەنوۆ جالدامالى پاتەردە تۇراتىنىن ايتتى.

«جالاقىمنىڭ كولەمى تۋرالى ايتا المايمىن، ارينە. ۇلكەن كاسىپورىنداردا ەڭبەكاقى از ەمەس. سەبەبى، ٴومىر ٴسۇرۋ دەڭگەيى جوعارى. ماسەلەن، كاليفورنيا شتاتىندا ٴومىر ٴسۇرۋ ٴۇشىن 130 مىڭ دوللار ازدىق ەتۋى مۇمكىن. دەگەنمەن، پاتەر ساتىپ الاتىنداي جاعدايعا جەتكەن جوقپىن. بوس ۋاقىتىمدا تابيعات اياسىندا سەرۋەندەۋگە، ۆەلوسيپە تەبۋگە بارامىن»، - دەيدى قۋات.

دارىندى جىگىت بولاشاقتا قازاقستانعا ورالۋدى جوسپارلاماعانىن جەتكىزدى.

«ازىرگە اقش-تا ەڭبەك ەتكىم كەلەدى. دەگەنمەن، تۋعان جەرىمدى ۇمىتىپ كەتتى دەۋگە كەلمەيدى. مەنىڭ ويىمشا، بۇگىنگى الەمدە شەكتەۋ جوق، وقۋعا دا، ٴبىلىم الۋعا دا مۇمكىندىكتەر بار»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
03 جەلتوقسان 2018, 13:56
ناۋقاس، google جانە ەمشى اپا
كوممەنتاريي