عىلىم اكادەمياسىنىڭ پرەزيدەنتتەرى كەزدەستى

فوتو: Автор

استانا. baq.kz ٴتىلشىسى. بۇگىن رەسەي عىلىم اكادەمياسىنىڭ پرەزيدەنتى الەكساندر سەرگەەۆ پەن قر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ كەزدەسىپ، ەكى ەل اراسىنداعى عىلىمي بايلانىس جايىندا ٴسوز قوزعادى.

«ەكى ەل اراسىنداعى عىلىمي دامۋ جىل سايىن وسىپ-وركەندەۋدە. بىرنەشە اپتادان سوڭ رەسەيدەگى عالىمداردىڭ شەشىمىمەن ەكى ەل اراسىنداعى جاڭا جوبانى باستايتىن بولامىز. رەسەي عىلىم اكادەمياسىنا قازاقستانمەن تاجىريبە الماسقان ٴتيىمدى. سالىستىرمالى تۇردە ٴبىر-بىرىمىزدى تولىقتىراتىن بولامىز دەگەن ويدامىن. سونىڭ ىشىندە مىنا باعىتتار بويىنشا جۇمىستار جۇرگىزىلەتىن بولادى: فۋندامەنتتىك زەتتەۋ، قولدانبالى جۇمىستاردى تولىقتىرۋ، ٴارتۇرلى سالاداعى زەرتتەۋ باياندامالارى. ٴبىز سىزدەرمەن ەكى ەل ەكونوميكاسى وسىنداي زەرتتەۋلەردى قاجەت ەتەتىنىن كورىپ ٴجۇرمىز. ونىڭ ناتيجەسىنە جاي جوسپاردان تەxنيكاعا جەتكەندە عانا جەتىستىك دەپ ساناۋىمىز كەرەك. رەسەي عىلىم اكادەمياسى 2 جىل بۇرىن وسىنداي جوسپار قۇرعان جانە ونىڭ جۇمىسىن باستاپ كەتكەن. وسى كەزدەسۋدەن كەيىن قازاقستانمەن بىرىگىپ جاڭا ىزدەنىستەرگە جول اشاتىن بولادى»، - دەيدى الەكساندر سەرگەەۆ

قر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ ٴبىزدىڭ ەل رەسەيمەن تىعىز بايلانىستا ەكەنىن، ول بايلانىس كسرو كەزىنەن باستاپ، قازىرگى كەزگە دەيىن جالعاسىپ كەلە جاتقانىن ايتتى.

«باسشىلار اۋىسقانىمەن، جۇمىس نەگىزى ٴبىر ٴىزدى قالىپتاسقان. ٴبىز الەكساندر سەرگەەۆپەن بىرگە پەكين قالاسىندا 30 ەلدىڭ بىرىگىپ «اليانس» عىلىمي اكادەمياسىنىڭ اشىلۋىندا بولدىق. ال بۇگىن قازاقستاندا كەزدەسكەنىمە وتە قۋانىشتىمىن. بولاشاقتا بىرگە جۇمىستار جاسايتىن بولامىز. ناقتى قانداي جۇمىستار ەكەنىن ازىرگە ايتا المايمىن، ٴبىراق بولاشاققا جوسپارلارىمىز كوپ» - دەيدى مۇرات جۇرىنوۆ قازاقستان مەن رەسەيدىڭ عىلىمي بايلانىسى جايىندا.

سونداي-اق، ول رەسەي عىلىمىن اقش سياقتى الپاۋىت مەملەكەتتەر مويىنداعانىن ايتتى.

«كسرو كەزىندەگى رەسەي عىلىمى وتە ٴالدى بولدى. ٴتىپتى، ونى اقش سياقتى مەملەكەتتەر مويىندادى. ٴبىزدىڭ عالىمدار دا عىلىمداعى جولىن رەسەيدەن باستاعان. كسرو ىدىراعاننان كەيىن قارجىنىڭ جوقتىعىنان ەكى ەلدىڭ ٴعىلىم-بىلىم اكادەميالارى زارداپ شەكتى. سوعان قاراماستان قازاقستاندا ساقتالىپ قالعان عىلىمي ورتالىقتار بار. سولارعا قازىرگى تاڭدا جاڭارتۋ جۇمىستارى جۇرگىزىلىپ، قوسالقى ورتالىقتار اشىلىپ جاتىر» - دەيدى قر ۇلتتىق عىلىم اكادەمياسىنىڭ پرەزيدەنتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!