عالىمدار: جاڭا ديزەلدى اۆتوكولىكتەردىڭ 80% ەكولوگياعا زيان - ٴبىلىم & عىلىم|20 تامىز 2018، 21:16
كۋرسى ۆاليۋت وبنوۆليايۋتسيا
استانا:

عالىمدار: جاڭا ديزەلدى اۆتوكولىكتەردىڭ 80% ەكولوگياعا زيان

سوڭعى جۇرگىزىلگەن رەسمي زەرتتەۋلەر اۆتوكولىكتەر شىعاراتىن قالدىقتاردىڭ ناقتى كورسەتكىشىن ولشەۋگە مۇمكىندىك بەرمەيدى. عالىمداردىڭ جاقىندا جاريالاعان بايانداماسىنا سەنسەك، زاماناۋي اۆتوكولىكتەر بولەتىن اۋانى لاستايتىن قالدىقتاردىڭ كورسەتكىشى قالىپتى دەڭگەيدەن 25 ەسە كوپ بولۋى مۇمكىن، دەپ حابارلايدى baq.kz اقپارات اگەنتتىگى the independent باسىلىمىنا سىلتەمە جاساپ.

61 جاڭا ديزەلدى اۆتوكولىككە جۇرگىزىلگەن سوڭعى زەرتتەۋلەر ولاردىڭ 80 پايىزدان استامى ازوت وكسيدىنىڭ (nox) كولەمىن رۇقسات ەتىلگەن شەكتەن اسىراتىنىن انىقتادى.

وندىرۋشىلەردىڭ ايتۋىنشا، بۇل اۆتوكولىكتەردىڭ بارلىعى euro 6 رەسمي نورمالارىنا ساي كەلەدى. ياعني، ولار بۇل اۆتوكولىكتەردى تاريحتاعى ەڭ تازا كولىك قۇرالىنا تەڭەپ وتىر.

ايتا كەتۋ كەرەك، اۋانى لاستايتىن nox دەم الىس جولىنان باستاپ جۇرەك اۋرۋلارىنا دەيىن اسەر ەتەدى.

ورتاشا ەسەپپەن العاندا اۆتوكولىكتەر 0،27 گ / كم nox شىعارعان. ياعني، بۇل رەسمي ليميتتەن ٴۇش جارىم ەسەگە كوپ كورسەتكىش. اۆتوكولىكتەر ىشىندە subaru forester ەڭ ناشار ناتيجە كورسەتكەن. ول نورمادان nox كولەمىن 25 ەسە ارتتىرىپ وتىر.

زەرتتەۋ بارىسىندا اۆتوكولىكتىڭ قوزعالىسسىز تۇرعانداعى، سونىمەن قاتار كونديسيونەر مەن راديو، جارىعى قوسىلىپ تۇرعان كەزدەگى قالدىقتار كولەمى ولشەنگەن. اۆتووندىرۋشىلەر قاۋىمداستىعىنىع ديرەكتورى مايك حوۋز ەۋروستاندارتتا مۇلدەم باسقا تەست جۇرگىزىلەتىندىكتەن، ناتيجەلەرىنىڭ ٴارتۇرلى بولاتىنىن ايتىپ وتىر. دەگەنمەن، 2015 جىلعى ديزەل داۋى كەزىندە volkswagen كومپانياسىنىڭ زەرتحانالىق تەستتەردى الداعانى انىقتالعان ەدى. ال بىلتىر قىركۇيەك ايىندا جاڭا زەرتتەۋلەر ەنگىزىلگەنىمەن، اۆتوكولىكتەردىڭ كوپ ۇلگىلەرى بۇل ۋاقىتقا دەيىن تەستتەن ٴوتىپ ۇلگەرگەن.

ايتا كەتۋ كەرەك، ۇلىبريتانيا 2040 جىلعا دەيىن ساتىلىق دەڭگەيدە جانارماي مەن ديزەلدى كولىكتەردىڭ ساتىلىمىنان باس تارتۋعا كوشپەك.

اعىلشىن تىلىنەن اۋدارعان: التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي