ديابەتكە كوپ جۇمىس ىستەيتىن ايەلدەر ٴجيى شالدىعادى – عالىمدار

كانادانىڭ زەرتتەۋشىلەرى اپتاسىنا 45 ساعاتتان استام جۇمىس ىستەيتىن ايەلدەردىڭ ديابەتكە ۇشىراۋ ٴقاۋپى 60%-دان استام ەكەنىن ايتتى، دەپ حابارلايدى baq.kz اقپاراتتىق اگەنتتىگى science daily پورتالىنا سىلتەمە جاساپ.

زەرتتەۋ بارىسىندا عالىمدار 12 جىل بويى (2003 جىلدان 2015 جىلعا دەيىن) دەنساۋلىق ساقتاۋ سالاسىنداعى زەرتتەۋلەر مەن مەديسينالىق انىقتامالاردىڭ دەرەكتەرىن پايدالانا وتىرىپ 35-74 جاس ارالىعىنداعى 7655 كانادالىق ەر مەن ايەلدىڭ دەنساۋلىق كورسەتكىشتەرىنە مونيتورينگ جۇرگىزدى.

قاتىسۋشىلار جۇمىس ساعاتتارىنىڭ سانىنا قاراي ٴتورت توپقا ٴبولىندى: ٴبىرىنشى جۇمىس اپتاسىنا 15-تەن 43 ساعات، ەكىنشى 34-40 ساعات، ٴۇشىنشى 41-44 ساعات، ال ٴتورتىنشى - 45 ساعات نەمەسە ودان كوپ.

ناتيجەسىندە، عالىمدار باسقا توپتارعا قاراعاندا، اپتاسىنا 45 ساعات نەمەسە ودان دا كوپ جۇمىس ىستەيتىن ايەلدەردىڭ 63% ديابەتتەن زارداپ شەگەتىنىن انىقتادى. شىلىم شەگۋ، فيزيكالىق بەلسەندىلىك نەمەسە دەنە سالماعىنىڭ يندەكسى سياقتى باسقا دا تاۋەكەل فاكتورلارى شامالى ٴرول وينايدى.

زەرتتەۋشىلەردىڭ ايتۋىنشا، ۇزاق جۇمىس كۇن ٴۇي شارۋاشىلىعىنداعى ىس-شارالارمەن تولىقتىرىلىپ، ايەل دەنەسىندە سوزىلمالى سترەستىك رەاكسيا تۋدىرادى. عالىمدار ەر ادامدارعا اپتاسىنا 47 ساعاتتان ارتىق جۇمىس ىستەۋگە، ال كوپ جۇكتەلگەن جانە ٴۇي شارۋاسىنا تيەلەتىن ايەلدەرگە - 34-تەن ارتىق جۇمىس ىستەمەۋگە ۇسىنىس جاسادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!