BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

فينليانديانىڭ باس كوميسسارى «زياتكەر ۇرپاق» جوباسىنا قاتىستى

«قازاقستان 2050» جالپىۇلتتىق قوزعالىسىنىڭ ۇيىمداستىرۋىمەن استاناداعى «nurorda» دارىندى بالالارعا ارنالعان ٴبىلىم-يننوۆاسيالىق ليسەيىندە «expo-2017» حالىقارالىق كورمەسىندەگى فينليانديانىڭ باس كوميسسارى سەۆەريي كەينالا «زياتكەر ۇرپاق» جوباسى اياسىندا شەبەرلىك سىنىبىن وتكىزدى، دەپ حابارلايدى baq.kz اقپارات اگەنتتىگى.

باس كوميسساردىڭ قاتىسۋىمەن وتكەن شەبەرلىك سىنىبىنىڭ نەگىزگى تاقىرىبى مانساپتىق ٴوسۋ جولى جانە ونى ٴتيىمدى جوسپارلاۋ ادىستەرىنە ارنالدى. سپيكەر رەتىندە ول كاسىبي ٴوسۋدىڭ باستى ٴتورت جولىن ۇسىندى.

«اۋەلى ساپاعا ٴمان بەرىپ ۇيرەنۋ كەرەك. ساپاعا جەتۋ ٴۇشىن ٴبىلىم مەن ماسەلەنى ٴتيىمدى شەشۋدىڭ تەتىكتەرىن جەتىك مەڭگەرگەن دۇرىس. ەكىنشى ٴبىر ايتارىم، سالاۋاتتى ٴومىر سالتىن ساقتاي وتىرىپ، جۇمىستا، ۇيدە جانە اينالاڭمەن بايلانىستى قالىپتاستىرۋ ٴۇشىن تەپە تەڭدىكتى ۇستاي بىلگەن ٴجون. تەك ٴبىر جاعىنا عانا ٴمان بەرۋ جەتىستىك اكەلمەيدى. ۇجىممەن جۇمىس - تابىسقا جەتۋدىڭ كەپىلى. مەن مۇنى سىزدەرگە ٴۇشىنشى كەڭەسىم رەتىندە ايتار ەدىم. ەڭ سوڭعىسىنا «قازىرگى ۋاقىت» دەگەن ۇعىمدى ايتۋعا بولادى. ٴبىز ٴومىر ٴسۇرىپ وتىرعان قوعام كۇن سايىن وزگەرىپ بارادى. جاڭا تەحنولوگيالاردىڭ پايدا بولۋى ٴبىزدىڭ وزگەرۋىمىزدى تالاپ ەتەدى. سوندىقتان، وزگەرىستەرگە بەيىم بولۋدى، تۇراقتى تۇردە ٴبىلىم الىپ وتىرۋدى ۇسىنار ەدىم»، - دەدى سەۆەريي كەينالا.

«قازاقستان 2050» جالپىۇلتتىق قوزعالىسىنىڭ «زياتكەر ۇرپاق» جوباسى قاتىسۋعا قىزىعۋشىلىق تانىتقان باس كوميسسار جوبانىڭ العا قويعان ماقساتى مەن مىندەتىن جوعارى باعالايتىندىعىن جەتكىزدى.

«جاستاردى تاربيەلەۋ ٴۇشىن «زياتكەر ۇرپاق» سياقتى جوبانىڭ بولۋى ماڭىزدى ەكەنىن ۇعىنۋىمىز كەرەك. جوبانىڭ كوزدەگەن مەجەسى كوڭىلىمنەن شىقتى. كۇننىڭ باستى تاقىرىپتارىن ورتاعا سالىپ، وقۋشىلار مەن ستۋدەنتتەرگە ارناپ تاماشا مۇمكىندىك ۇسىنىپ وتىرعان ۇجىمنىڭ جۇمىسىن باعالايمىن. ٴبىز ۇنەمى جەتىلىپ، وسۋگە ٴتيىسپىز. ول ٴۇشىن «زياتكەر ۇرپاق» سياقتى جوبانىڭ بولۋى زاڭدىلىق»، - دەدى باس كوميسسار.

ايتا وتەيىك، وقۋشىلارعا شەبەرلىك سىنىبىن وتكىزگەن سەۆەريي كەينالا فينليانديانىڭ تۋريزم، ينۆەستيسيا جانە ەكسپورت سالاسىندا لاۋازىمدى قىزمەتتەردى اتقارعان. سونداي-اق، ساۋدا ٴىسى بويىنشا حالىقارالىق دەڭگەيدەگى جاۋاپتى مىندەتتەردى دە ورىنداعان.

«قازاقستان 2050» جالپىۇلتتىق قوزعالىسىنىڭ جوبا مەنەدجەرى ەرالى بولاتوۆ ۇجىم اتىنان لاۋازىمدى تۇلعانىڭ «زياتكەر ۇرپاق» جوباسىنا قاتىسقانىنا العىس ايتا وتىرىپ، جوبا الداعى ۋاقىتتا دا جالعاسىن تاباتىندىعىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي