BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى كەيبىر جوو-نىڭ ٴبىلىم بەرۋ باعدارلاماسى تالاپقا ساي ەمەس

استانا، baq.kz. ەلىمىزدەگى جوعارى وقۋ ورىندارىنىڭ جاڭا رەيتينگى ٴتۇزىلدى. ونىڭ قورىتىندىسىندا تۇلەكتەردىڭ جۇمىسقا ورنالاسۋ كورسەتكىشىنىڭ تومەندىگى انىقتالىپ، كەيبىر ۋنيۆەرسيتەتتەردىڭ ٴبىلىم بەرۋ باعدارلاماسى تالاپقا ساي بولماي شىقتى.

بۇل تۋرالى بۇگىن ٴبىلىم جانە عىلىم مينيسترلىگى مەن «اتامەكەن» ۇلتتىق پالاتاسىنىڭ وكىلدەرى مالىمدەدى، دەپ جازدى «حابار24». رەيتينگتى ٴتۇزۋ ٴۇشىن تۇلەكتەر اراسىندا ساۋالناما جۇرگىزىلىپ، مەملەكەتتىك زەينەتاقى تولەۋ ورتالىعىنىڭ دەرەكتەرى سارالاندى. ٴسويتىپ، الەۋمەتتىك جانە تەحنيكالىق عىلىمدار بويىنشا ٴبىلىم العانداردىڭ جارتىسىنا جۋىعى ٴوز ماماندىعىنا ساي جۇمىس ىستەمەيتىنى بەلگىلى بولدى. ماسەلەن، «كەدەن ٴىسى» ديپلومىن يەلەنىپ، سول سالادا ەكى قولعا ٴبىر كۇرەك تابا الماي جۇرگەندەردىڭ سانى كوپ. سوندىقتان ماماندار ولقىلىقتىڭ ورنىن تولتىرۋ ٴۇشىن وقۋ باعدارلامالارىن تۇبەگەيلى جاڭارتۋدى ۇسىنىپ وتىر.

«جىل باسىندا 2000 وقۋ باعدارلامانىڭ رەيتينگىسىن جۇرگىزەمىز دەپ ايتتىق. سودان بەرى 3 كەزەڭىن جۇرگىزدىك. بۇگىن ٴ3-شى كەزەڭىن اياقتادىق. وعان 109 جوو 535 وقۋ باعدارلاماسى قاتىستىرىلدى»، - دەدى قر بعم ٴبىلىم جانە عىلىم سالاسىنداعى باقىلاۋ كوميتەتىنىڭ ٴتوراعاسى، تالعات ەشەنقۇلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي