ەلىمىزدە ۇبت-نى قايتا تاپسىرۋ باستالدى - ٴبىلىم & عىلىم|15 تامىز 2018، 11:28
كۋرسى ۆاليۋت وبنوۆليايۋتسيا
استانا:

ەلىمىزدە ۇبت-نى قايتا تاپسىرۋ باستالدى

قازاقستاندا 15 تامىزدان باستاپ ۇلتتىق ٴبىرىڭعاي تەستىلەۋدى قايتا تاپسىرۋ جانە كەشەندى تەستىلەۋ باستالدى، دەپ حابارلايدى baq.kz اقپارات اگەنتتىگى قر ٴبىلىم جانە عىلىم مينيسترلىگىنە سىلتەمە جاساپ.

تەستتى قايتا تاپسىرعىسى كەلگەندەر اعىمداعى جىلدىڭ 25 شىلدەسىنەن 3 تامىز ارالىعىندا ٴوتىنىش بەرگەن. بۇگىندە ولاردىڭ سانى 40 718 ادامدى قۇرادى. جالپى، ٴوتىنىش بەرۋشىلەردىڭ 66 پايىزى ۇبت مەن كت-نى قازاق تىلىندە، 33 پايىزى – ورىس تىلىندە جانە 11 ادام اعىلشىن تىلىندە تاپسىرماقشى.

بۇگىندە، قايتا تەستىلەۋدەن ٴوتۋ اقىسى – 2 242 تەڭگە، قازپوشتا نەمەسە حالىق بانك ارقىلى تولەۋگە بولادى.

قر بعم حابارلاعانداي، ۇبت-نى قايتا تاپسىرۋدىڭ بىرنەشە سەبەبى بار. سونىمەن، تۇلەكتەر ۇپاي سانى شەكتىك بالعا جەتپەي قالسا، ناتيجەسى جويىلسا نەمەسە ۇبت/كت-عا قاتىسپاسا ەمتيحاندى قايتا تاپسىرادى.

«بۇل جولى بەس ٴپان بويىنشا سۇراقتارعا تولىق ٴبىلىم بەرەتىن بولىمدە وقىعىسى كەلەتىن 18500 ادام جاۋاپ بەرەدى، ال قىسقارتىلعان باعدارلاما بويىنشا ٴبىلىم العىسى كەلەتىن 22 218 ادام ەكى پاننەن عانا تاپسىرادى»، - دەيدى ماماندار.

ۇلتتىق ٴبىرىڭعاي جانە كەشەندى تەستىلەۋ اعىمداعى جىلدىڭ 19 تامىزىنا دەيىن 40 جوو بازاسىندا جالعاسادى.

ايتا كەتەيىك، قايتا تاپسىرىلعان تەستتىڭ قورىتىندىسى سول كۇنى ۇلتتىق تەستىلەۋ ورتالىعىنىڭ سايتىندا جاريالانادى. ال، ەگەر كەلىسپەۋشىلىكتەر بولىپ جاتسا اپەلياسيانى سول كۇنى تۇسكە دەيىن تاپسىرىپ ۇلگەرۋ كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي