ەلىمىزدە 20 جوعارى وقۋ ورنىنىڭ ليسەنزياسى قايتارىپ الىندى  - ٴبىلىم & عىلىم|14 قاراشا 2018، 13:46
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە 20 جوعارى وقۋ ورنىنىڭ ليسەنزياسى قايتارىپ الىندى 

استانا، baq.kz ٴتىلشىسى. ٴبىلىم جانە عىلىم مينيسترلىگى تۇلەكتەردىڭ جۇمىسقا ورنالاسۋ كورسەتكىشى 50%-دان تومەن جيىرما جوو-نىڭ ليسەنزياسىن قايتارىپ الدى. بۇل تۋرالى ٴبىلىم جانە عىلىم ۆيسە-مينيسترى اسحات ايماعامبەتوۆ «نۇر وتان» پارتياسىنىڭ باستاۋىش ۇيىمدارىنىڭ رەسپۋبليكالىق فورۋمىندا مالىمدەدى.

«وزدەرىڭىز بىلەتىندەي، «بەس الەۋمەتتىك باستاما» شەڭبەرىندە ەلباسىنىڭ تاپسىرماسى بويىنشا قوسىمشا 20 مىڭ گرانت ٴبولىندى. بۇل گرانتتار بويىنشا ستۋدەنتتەر وقۋىن باستاپ كەتتى. ەندى وسىنداي مەملەكەتتەن قامقورلىق بولىپ جاتقاننان كەيىن ارينە، ٴبىزدىڭ وقۋ ورىندارىنىڭ جاۋاپكەرشىلىگى دە ارتتىرىلۋى كەرەك. وسى ماسەلەدە بىرىنشىدەن پروفيليزاسيا، ەكىنشىدەن جوو-لاردى ۇلكەيتۋ، ۇشىنشىدەن جوو-لار ٴتيىستى جۇمىسىن ورىنداي الماسا ليسەنزيالاردى قايتارىپ الامىز»، - دەدى ۆيسە-مينيستر.

اسحات ايماعامبەتوۆ قانداي جاعدايدا وقۋ ورىندارىنىڭ ليسەنزياسى قايتارىلاتىنىن ايتتى.

«قازىرگى تاڭدا ٴبىز 50 پايىزدىق نورمانى بەكىتتىك. ەگەر جوو تۇلەكتەرىنىڭ جۇمىسقا تۇرۋ كورسەتكىشى 50%-دان از بولسا، وندا بۇل بىرىنشىدەن بۇل ماماندىقتاردىڭ نارىققا قاجەتسىز ەكەنىن، ەكىنشىدەن ٴبىلىم ساپاسىنىڭ تومەندىگىن بىلدىرەدى، ياعني نارىق ولاردى جۇمىسقا العىسى كەلمەيدى. ەكى جاعدايدا دا ٴبىز ليسەنزيانى قايتارىپ الاتىن بولامىز. بۇگىنگە دەيىن مينيسترلىك 20 ليسەنزيانى قايتارىپ الدى. كەلەسى جىلى مەملەكەت باسشىسىنىڭ تاپسىرماسى نەگىزىندە بۇل جۇمىستى جالعاستىراتىن بولامىز»، - دەدى ايماعامبەتوۆ فورۋمدا.

وسىعان دەيىن ٴبىلىم جانە عىلىم ۆيسە-مينيسترى اسحات ايماعامبەتوۆ فورۋم بارىسىندا وقۋشىلار مەن مۇعالىمدەردىڭ جۇكتەمەسىن ازايتۋ، سونداي-اق مەكتەپ پسيحولوگتارىنىڭ سانىن كوبەيتۋ تۋرالى ايتقان بولاتىن. سونىمەن قاتار، ۇبت سۇراقتارىنا دا وزگەرىس ەنەتىنى تۋرالى ەسكەرتكەن ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي