برايل شريفتىندە وقۋلىق شىعاراتىن باسپا قۇرىلادى - ٴبىلىم & عىلىم|20 قاراشا 2018، 14:15
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

برايل شريفتىندە وقۋلىق شىعاراتىن باسپا قۇرىلادى

استانا، baq.kz ٴتىلشىسى. بۇگىن قازاقستان مەن حالىقارالىق قايتا قۇرۋ جانە دامۋ بانكى اراسىنداعى كەلىسىم شەڭبەرىندە ىسكە قوسىلعان «ورتا ٴبىلىم بەرۋدى جاڭعىرتۋ» جوباسىنىڭ نەگىزگى باعىتى ينكليۋزيۆتى ٴبىلىم بەرۋدگە ەرەكشە نازار اۋدارىپ وتىر. بۇل تۋرالى قر ٴبىلىم جانە عىلىم ۆيسە-مينيسترى ەلميرا سۋحانبەرديەۆا ورتالىق كوممۋنيكاسيالار قىزمەتىندە وتكەن ٴباسپاسوز ٴماليحاتىندا مالىمدەدى.

«پەداگوگيكالىق ٴبىلىمدى جاڭعىرتۋعا جەكە كوڭىل ٴبولىنىپ وتىر. پەداگوگيكالىق ماماندىقتارعا ارنالعان جاڭا 30 ٴبىلىم بەرۋ باعدارلامالارى مەن بولاشاق ٴمۇعالىمدى دايىنداۋدىڭ جاڭا مودەلى جاسالادى. سونىمەن قاتار، 16 پەداگوگيكالىق جوعارى وقۋ ورىندارىنىڭ ماتەريالدىق تەحنيكالىق بازاسىن كۇشەيتۋگە قوماقتى قارجى بولىنەدى»، - دەدى ۆيسە-مينيستر.

ول كەلىسىمنىڭ تاعى ٴبىر ماڭىزدى باعىتتارىنىڭ ٴبىرى ينكليۋزيۆتى ٴبىلىم بەرۋدى قولداۋ ەكەنىن اتاپ ٴوتتى.

«وسى باعىتتى جۇزەگە اسىرۋ ٴۇشىن قوسىمشا ٴبىلىم الۋ قاجەتتىلىكتەرى بار بالالاردى وقىتۋ باعدارلاماسى مەن ادىستەمەلىك وقۋ قۇرالى ازىرلەنەتىن بولادى. جالپى ٴبىلىم بەرەتىن مەكتەپتەر بازاسىندا رەسۋرستىق ورتالىقتار قۇرىلىپ، جابدىقتالادى. رەسۋرستىق ورتالىقتار يزكليۋزيۆتى ٴبىلىم بەرۋ ماسەلەلەرى بويىنشا ٴبىلىم بەرۋ ۇيىمدارى پەداگوگتارىنىڭ جەلىلىك ٴوزارا ارەكەتتەستىگى جۇمىستارىن جۇرگىزۋمەن، پراكتيكالىق تاجىريبەلەرىن ەنگىزۋمەن اينالىسادى. دەفەكتولوگ، لوگوپەد، سۋردواۋدارماشى، تۇزەتۋ كابينەتتەرى جانە پسيحو-مەديكو-پەداگوگيكالىق كونسۋلتاسيا ماماندارىنىڭ بىلىكتىلىگىن ارتتىرۋ كوزدەلگەن»، - دەدى سۋحانبەرديەۆا.

ۆيسە-مينيستر تۇزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىق جانىندا كورۋ قابىلەتى پروبلەمالارى بار بالالارعا ارنالعان برايل شريفتىمەن جازىلعان وقۋلىقتارمەن، وقۋ-ادىستەمەلىك ادەبيەتتەرمەن قامتۋ بويىنشا باسپا ورتالىعى قۇرىلادى. جوبا بارىسىندا مەملەكەتتىك، ورىس، اعىلشىن تىلىندە وسىنداي كىتاپتار شىعاتىنىنا وتە قۋانىگتىمىز.

جوبانىڭ باستى بەنەفيسيارلارى 3 ملن استام مەكتەپ وقۋشىلارى، ونىڭ ىشىندە ەرەكشە ٴبىلىم قاجەتتىلىكتەرى بار بالالار، اۋىل مەكتەپتەرىنىڭ 170 مىڭ مۇعالىمدەرى مەن ديرەكتورلارى، پەداگوگيكالىق جوو ستۋدەنتتەرى بولماق. جوبا ينستيتۋسيونالدىق دەڭگەيدە ەلىمىزدىڭ ٴار مەكتەبىنىڭ، اسىرەسە قيىن جاعدايداعى مەكتەپتەردىڭ الەۋەتىن كوتەرۋگە مۇمكىندىك بەرەدى، ولاردىڭ جەتىستىكتەرىن تەڭەستىرەدى، سونىمەن قاتار جۇيەلى تۇردە ورتا ٴبىلىم ساپاسىن ارتتىرادى»، - دەپ ايتتى قر ٴبىلىم جانە عىلىم ۆيسە-مينيسترى.

ايتا كەتسەك، جوبانى ىسكە اسىرۋعا ارنالعان ۇلكەن كوميسسيا قۇرىلىپ، كوميسسيا كوپشىلىك الدىندا ەسەپ بەرەتىن بولادى.

جوبا ەلباسىنىڭ «100 ناقتى قادام ۇلت جوسپارى» باعدارلاماسىنىڭ 76 قادامىندا، ٴبىلىم جانە عىلىمدى دامىتۋدىڭ 2016-2019 جىلدارعا ارنالعان باعدارلاماسىندا بەلگىلەنگەن باسىمدىقتارعا سايكەس كەلەدى.

جوبانىڭ جالپى قۇنى - رەسپۋبليكالىق بيۋدجەتپەن قارجىلاندىرىلاتىن سالىقتى قوسا ەسەپتەگەندە 75 ملن اقش دوللارىن قۇراپ وتىر. جوسپارعا سايكەس، بۇل قاراجاتقا اۋىلدىق مەكتەپتەرگە وقۋ ماتەريالدارى مەن مۋلتيمەديالىق قۇرال-جابدىقتار ساتىپ الىنىپ، ٴبىلىم بەرۋ باعدارلامالارى جاقسارتىلاتىن بولادى. سونداي-اق، اۋىلدىق مەكتەپتەردەگى مۇعالىمدەردىڭ الەۋەتىن ارتتىرۋ بويىنشا شارالار قولدانىلىپ، ەرەكشە قاجەتتىلىكتەرى بار بالالارعا قولداۋ كورسەتىلەدى. جوبا شەڭبەرىندە ٴبىلىم بەرۋدىڭ جاڭارتىلعان مازمۇنىن قولداۋعا باعىتتالعان باستامالار كەشەنى جۇزەگە اسىرىلادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي