قر ٴبىلىم جانە عىلىم ٴمينيسترى ەرلان ساعاديەۆ بيىل ۇلتتىق ٴبىرىڭعاي تەستىلەۋدە داۋلى، تۇسىنىكسىز، قوعامدىق رەزونانس تۋدىراتىن سۇراقتار بولمايدى دەپ سەندىردى، دەپ حابارلايدى baq.kz ٴتىلشىسى.
استانا: 
2312 
0
قر ٴبىلىم جانە عىلىم ٴمينيسترى ەرلان ساعاديەۆ بيىل ۇلتتىق ٴبىرىڭعاي تەستىلەۋدە داۋلى، تۇسىنىكسىز، قوعامدىق رەزونانس تۋدىراتىن سۇراقتار بولمايدى دەپ سەندىردى، دەپ حابارلايدى baq.kz ٴتىلشىسى.
مينيستر بيىل ۇبت-دا مەكتەپ باعدارلاماسىنان الىنعان سۇراقتار عانا بولاتىنىن ايتتى.
«بيىل ۇلتتىق ٴبىرىڭعاي تەستىلەۋدەن بارلىق داۋلى سۇراقتاردى الىپ تاستاۋ بويىنشا ۇلكەن جۇمىس اتقارىلدى. ياعني، ەكى ماعىنا بەرەتىن، قوعامدىق رەزونانس تۋدىراتىن، كەيبىرەۋلەرگە ۇناماي قالۋى مۇمكىن سۇراقتاردىڭ بارلىعى الىنىپ تاستالدى. وسى ماسەلە بويىنشا بىزدە ۇلكەن كوميسسيا وتىرىسى ٴوتتى. كوميسسيا بارلىق سۇراقتاردى قاراپ شىقتى. ارينە، بۇل جۇمىس قۇپيا تۇردە جۇرگىزىلدى. سوندىقتان، مەن بيىلعى جىلى بۇرىنعى جاعداي قايتالانبايدى دەپ ويلايمىن»، - دەپ سەندىردى ەرلان ساعاديەۆ ەلورداداعى ۇبت پۋنكتىندە.
كەشە ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ بيىل ۇبت-دا شوۋ-بيزنەس وكىلدەرى تۋرالى سۇراقتار بولمايتىنىن ايتقان بولاتىن.
«بيىلعى جىلى شوۋ-بيزنەس وكىلدەرى كەزدەسەتىن ماتىندەردى قولدانعان جوقپىز»، - دەدى رامازان ٴالىمقۇلوۆ.
ەرلان ساعاديەۆ ۇلتتىق ٴبىرىڭعاي تەستىلەۋ سۇراقتارى مەن جاۋاپتارىنىڭ قۇپيالىعى قاتاڭ ساقتالاتىنىن ايتتى. ول بۇل ماسەلە زاڭمەن، ارنايى مەحانيزمدەرمەن قورعالعانىن جەتكىزدى.
اتاپ وتسەك، بۇگىن ەلىمىزدە ۇبت باستالدى. قر ٴبىلىم جانە عىلىم مينيسترلىگىنىڭ مالىمەتىنشە، بيىل ۇبت 20 ماۋسىم مەن 1 شىلدە ارالىعىندا وتەدى. بارلىعى 102 447 وقۋشى سىناق تاپسىرۋعا ٴوتىنىش بەرگەن. تۇلەكتەردىڭ 75 پايىزى ۇبت-نى قازاق تىلىندە تاپسىرادى. تەست 167 پۋنكتە وتەدى، ونىڭ ٴ48-ى جوعارى وقۋ ورىنداردىڭ بازاسىندا، ۇشەۋى – كوللەدج، 116-سى ورتا مەكتەپتەردە ورنالاسقان. بارلىعى ۇبت وتكىزۋ كەزىندە 1206 اۋديتوريا جۇمىلدىرىلادى. بارلىق اۋديتوريا بەينەكامەرالارمەن، ۇيالى تەلەفون بايلانىسىن باساتىن قۇرىلعىلارمەن، مەتالل دەتەكتورلارمەن جابدىقتالعان.
ۇبت فورماتى وزگەرگەن جوق، ول بەس پاننەن تۇرادى. ۇشەۋى – مىندەتتى، ەكەۋى - تاڭداۋ ٴپانى. بارلىعى 120 سۇراق، تۇلەكتەر ٴۇشىن 140 بالل جيناۋ مۇمكىندىگى ساقتالادى. ۇبت 3 ساعات 50 مينۋتقا سوزىلادى. اپەللياسيا بەرۋ ٴتارتىبى وزگەرمەيدى. ياعني، كەلەسى كۇنى ساعات 13.00-گە دەيىن ٴار تۇلەك اپەللياسيا بەرۋگە قۇقىلى. سونداي-اق، بيىل call-ورتالىق جۇمىس ىستەيدى. ٴنومىرى: 8-800-080-71-77. ول جىلدام اقپارات الماسىپ، تۋىنداعان پروبلەمالاردى شەشۋگە كومەكتەسەدى.
تەستىلەۋ ناتيجەسىن بۇرىنعىداي ۇلتتىق تەستىلەۋ ورتالىعىنىڭ سايتىنان بىلۋگە بولادى. سونىمەن قاتار، بيىل telegram كومەگىمەن دە بىلۋگە مۇمكىندىك بار. ول ٴۇشىن ٴار تۇلەك وزىنە بەرىلگەن جەكە كودتى ەنگىزۋى شارت. جانە دە، mail.kz سايتىنان جەكە كود ارقىلى بىلۋگە بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
قىمبات ەلتايقىزى 
14933
0