بيىل استانادا 18 مىڭ وقۋشى 1 سىنىپقا بارادى - ٴبىلىم & عىلىم|15 تامىز 2018، 12:56
كۋرسى ۆاليۋت وبنوۆليايۋتسيا
استانا:

بيىل استانادا 18 مىڭ وقۋشى 1 سىنىپقا بارادى

فوتو: ашық дереккөзден

جاڭا وقۋ جىلىندا استانادا 18 مىڭ بالا ٴبىرىنشى سىنىپقا بارادى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا استانا قالاسى ٴبىلىم باسقارماسىنىڭ باسشىسى انۋار جانعوزين مالىمدەدى، دەپ حابارلايدى baq.kz ٴتىلشىسى.

«سوڭعى ەكى جىلدا e-astana ارقىلى بالاباقشالارعا 43 مىڭنان استام جولداما بەرىلدى. ونىڭ 23 مىڭى 2018 جىلدىڭ ٴى جارتىجىلدىق كورسەتكىشتەرى بويىنشا. ياعني، جىل سايىن اتالعان جۇيەنى قولداناتىن اتا-انالار سانى ارتۋدا. وتكەن جىلى 20 مىڭ جولداما بەرسەك، بيىل جارتى جىلدىڭ وزىندە كورسەتكىش ارتىپ وتىر»، - دەدى جانعوزين.

باسقارما باسشىسى بەرگەن مالىمەتكە سايكەس، 2018 جىلى قالادا 480 ورىنعا ارنالعان 2 مەملەكەتتىك بالاباقشا اشىلىپ وتىر.

«بۇل №94 سۇڭقار جانە №95 الماتى بالاباقشالارى. الماتى بالاباقشاسىنا بالالاردى قابىلداۋ قىركۇيەك ايىندا باستالادى. قازىرگى ۋاقىتتا مەملەكەتتىك-جەكەمەنشىك ارىپتەستىك اياسىندا 720 ورىنعا ارنالعان ەكى بالاباقشا سالىنىپ جاتىر. سونىمەن قاتار، ۇلتتىق كومپانيالار تاراپىنان 720 ورىنعا ارنالعان تاعى 2 بالاباقشا سالىنىپ جاتىر. ولاردىڭ بارلىعى 2019 جىلدىڭ سوڭىنا دەيىن ىسكە قوسىلادى»، - دەدى مەكەمە باسشىسى.

بريفنگ بارىسىندا ٴمالىم بولعانداي، جاڭا وقۋ جىلىندا استانالىق بالالار قالالىق، رەسپۋبليكالىق جانە جەكەمەنشىك باعىنىستاعى 105 مەكتەپتە ٴبىلىم الاتىن بولادى.

«استانالىق مەكتەپتەردە 155 مىڭعا جۋىق بالا وقيدى دەپ جوسپارلانىپ وتىر. سونىڭ ىشىندە، 18 مىڭ بالا – بۇل ٴبىرىنشى سىنىپ وقۋشىلارى. بۇل ازىرشە بولجامدى اقپارات. بالالاردىڭ ناقتى سانى قىركۇيەكتە بەلگىلى بولادى. سونداي-اق، 1 سىنىپقا باراتىنداردىڭ ىشىندەگى 6 جاستاعى بالالار سانى بۇل كورسەتكىشتىڭ شامامەن 20 پروسەنتىن قۇرايدى»، - دەدى جانعوزين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي