ۇلتتىق ٴبىرىڭعاي تەستىلەۋدىڭ ۇشكۇندىك ناتيجەسى بويىنشا تەستىلەۋدەن ەرەجەنى ورەسكەل بۇزعان 3 وقۋشى شىعارىلدى. بۇل تۋرالى وكق-دە وتكەن بريفينگتە قر بعم ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ ايتتى، دەپ حابارلايدى baq.kz ٴتىلشىسى.
استانا: 
3486 
0
ۇلتتىق ٴبىرىڭعاي تەستىلەۋدىڭ ۇشكۇندىك ناتيجەسى بويىنشا تەستىلەۋدەن ەرەجەنى ورەسكەل بۇزعان 3 وقۋشى شىعارىلدى. بۇل تۋرالى وكق-دە وتكەن بريفينگتە قر بعم ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ ايتتى، دەپ حابارلايدى baq.kz ٴتىلشىسى.
«ٴبىرىنشى جاعداي بويىنشا تەستىلەۋ كەزىندە وقۋشى قىز دارەتحاناعا سۇرانعان. كەيىن ول دارەتحانادا تەست كىتاپشاسىنىڭ پاراعىن جىرتىپ العان. بۇل ۇبت ەرەجەسىن ورەسكەل بۇزۋ بولىپ سانالادى. ەكىنشى جاعدايعا توقتالايىن. تۇلەك تەستىڭ جاۋابىن ۇيالى تەلەفون ارقىلى العان. وقۋشى اۋديتوريادان سىرتقا شىعىپ، ۇيالى تەلەفون سيگنالىن باساتىن قۇرالدىڭ دەڭگەيى تومەن اۋماققا وتكەن. وسىلايشا، ول وزىنە ٴتيىستى جاۋاپتى العان. ٴۇشىنشى فاكتى بويىنشا وقۋشى سىرتقا شىعىپ، دۇرىس جاۋاپتاردى قولىنا جازىپ العان»، - دەدى ول.
ونىڭ ايتۋىنشا، وسى جاعدايدان كەيىن تۇلەكتەر ٴتيىستى جازاسىن العان.
«مەملەكەتتىك كوميسسيا بولعان جاعدايلار نەگىزىندە اكت تولتىردى. تۇلەكتەر اۋديتوريادان شىعارىلدى. ولاردىڭ ۇبت ناتيجەسى جوققا شىعارىلدى»، - دەدى ديرەكتور.
وسى ورايدا ول ۇبت ەرەجەسىن ورەسكەل بۇزعان وقۋشىلار ۋنيۆەرسيتتە وقۋعا مۇمكىندىگى بار ەكەنىن اتاپ ٴوتتى.
«بۇل جاعداي ولار جوعارى وقۋ ورنىنا تۇسە المايدى دەگەندى بىلدىرمەيدى. ۇبت-نىڭ جاڭا فورماتىنا سايكەس، تۇلەكتەردىڭ تەستىلەۋدەن قايتا وتۋگە مۇمكىندىگى بار. ولار 2 442 تەڭگە تولەپ، اقىلى تۇردە ۇبت تاپسىرا الادى. ەگەر ولار تامىز ايىندا ۇبت-دان شەكتى بالدى الماعان جاعدايدا، تۇلەك شارتتى تۇردە جوعارى وقۋ ورنىنىڭ اقىلى بولىمىنە تىركەلە الادى. ٴبىراق ٴبىرىنشى سەمەسترگە دەيىن، ياعني ەندىگى جىلدىڭ قاڭتار ايىندا ۇبت-نى ٴۇشىنشى رەت تاپسىرۋعا مۇمكىندىگى بار»، - دەپ تۇيىندەدى ٴسوزىن رامازان ٴالىمقۇلوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14869
0