BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارعا ساباقتى قىزىقتى ەتىپ وقىتاتىن روبوت جاساعىم كەلەدى – جاس ينجەنەر

فوتو: Автор

الماتى، baq.kz ٴتىلشىسى. بولاشاقتا بالالارعا ساباقتى قىزىقتى ەتىپ وقىتاتىن روبوت جاساعىم كەلەدى، ياعني ساباق كوڭىلدى ٴارى تانىمدى بولسا دەيمىن. بۇل جايىندا روبوتوتەحنيكا چەمپيوناتىنا قاتىسىپ جاتقان 8 سىنىپ وقۋشىسى بەكبولات ساعيجانوۆ ايتتى.

بۇگىن الماتىداعى ngs جاڭا ۇرپاق مەكتەبىندە «iitu robocon games 2018» روبوتوتەحنيكا بويىنشا وقۋشىلار اراسىندا ەل چەمپيوناتى باستالدى.

اتالعان چەمپيوناتقا ەلىمىزدىڭ تۇكپىر-تۇكپىرىنەن 30 كوماندا قاتىسۋدا. ٴار كوماندا دا 3 بالادان. سونداي قاتىسۋشىلاردىڭ ٴبىرى الماتى قالاسى №166 ليسەيدىڭ وقۋشىسى بەكبولات ساعيجانوۆ. ول كومانداسىنىڭ بۇگىنگى سايىسقا اۆتوماتتى جانە باسقارىلاتىن روبوتتى دايىنداپ اكەلگەنىن ايتادى.

«ٴبىز ولاردى جاساۋ ٴۇشىن بىرنەشە اي جۇمىس ىستەدىك. ونداعى مەنىڭ جۇمىسىم كود جازۋ مەن ينجەنەرلى قۇراستىرۋ بولدى. ونى جاساۋ بارىسى مەن ٴۇشىن وتە قىزىقتى ٴوتتى. ونىمەن ساعاتتاپ، تىپتەن تاۋلىك بويى جۇمىس ىستەۋگە دەيىن دايىن بولدىم»، - دەيدى جاس ينجەنەر.

سونداي-اق ول، روبوتپەن جۇمىس ىستەۋ كەزىندە ٴتۇرلى قىزىقتى جايتتار ورىن العانىن ايتىپ ٴوتتى.

«كەيدە وعان ٴبىر نارسەنى جاساۋ بويىنشا بۇيرىق بەرەسىڭ، الايدا ول باسقا جۇمىستى اتقارىپ كەتەتىن كەزدەرى بولدى. چەمپيوناتقا اكەلگەن روبوتىمىز ورنىنان قوزعالىپ، بەرگەن تاپسىرمانى ورىنداي الادى، سونداي-اق ونى پۋلت ارقىلى باسقارۋعا بولادى. جالپى بۇل روبوتتاردى مەديسينا ٴبىلىم سالاسىندا، جانە ادامدار بارا المايتىن جەرگە قولدانۋعا بولادى. بولاشاقتا بالالارعا ساباقتى قىزىقتى ەتىپ وقىتاتىن روبوت جاساعىم كەلەدى، ياعني، ساباق كوڭىلدى، تانىمدى بولسا دەيمىن. بۇل دەگەنىڭىز مۇعالىمدەردى جۇمىسسىز قالدىرۋ دەگەن ٴسوز ەمەس، الەمگە جەڭىل دە قاراپايىم ٴومىردى سىيلاعىم كەلەدى، وعان بارلىعىمىز لايىقتىمىز»، -دەيدى ب. ساعيجانوۆ.

قر ٴبىلىم جانە عىلىم ٴمينيسترىنىڭ كەڭەسشىسى مايراش تايكەنوۆا بۇل بايقاۋ وسىمەن ٴتورتىنشى جىل قاتارىنان ٴوتىپ وتىرعانىن جانە بيىل ول الماتى قالاسى اكىمدىگى مەن قر ٴبىلىم جانە عىلىم مينيسترلىگىنىڭ قولداۋىمەن ٴوتىپ وتىرعانىن جەتكىزدى.

«بۇعان دەيىن بۇل شارانىڭ وتۋىنە حالىقارالىق اقپاراتتىق تەحنولوگيا ۋنيۆەرسيتەتى مەن «شەۆرون» كومپانياسى مۇرىندىق بولىپ كەلگەن ەدى. سونىمەن قاتار وسىعان دەيىن بۇل چەمپيوناتقا تەك الماتى قالاسىنىڭ وقۋشىلارى قاتىسىپ كەلدى، بيىل ونىڭ اۋقىمى كەڭەيىپ ەلىمىزدىڭ وزگە ايماقتارىنان جاس روبوت جاساۋشىلار قاتىسىپ جاتىر. باستاپقىدا 10-12 كوماندا قاتىساتىن، ٴقازىر ۇزدىك 30 كوماندا قاتىسۋدا»، -دەيدى ول.

حالىقارالىق اقپاراتتىق تەحنولوگيا ۋنيۆەرسيتەتىنىڭ رەكتورى دامير شىنىبەكوۆ مۇنداي چەمپيوناتتى ەل تاۋەلسىزدىگىنىڭ ارقاسىندا وتكىزىپ وتىرعانىمىزدى جانە بۇل وسى جىلدار اراسىندا جەتكەن جەتىستىگىمىز ٴبىرى ەكەنىن ايتىپ ٴوتتى.

«ٴقازىر ٴبىز وتە قىزىقتى كەزەڭدە ٴومىر ٴسۇرىپ جاتىرمىز، جاھان بويىنشا اقپاراتتىق تەحنولوگيا دامۋ ۇستىندە. بۇل جايتتان قازاقستان دا سىرت قالىپ جاتقان جوق. ەلىمىز جاڭا يننوۆاسيالاردى ەندىرۋ بويىنشا تمد ەلدەرى اراسىندا العاشقى ورىننان كورىنۋدە. تىپتەن، جاڭا فورماتتاعى مەكتەپتەر دە سالىنۋدا. رەسپۋبليكالىق چەمپيوناتتى بيىل ٴبىرىنشى رەت وتكىزىپ وتىرمىز. وعان ەلىمىزدىڭ ٴار تۇكپىرىنەن 30 كوماندا قاتىسۋدا، ونىڭ ىشىندە جەتەكشى مەكتەپتەر كەلىپ وتىر. بۇل مەكتەپتىڭ بارلىعى it سالاسىندا كوش باستاپ تۇرعانىن ايتا كەتۋ كەرەك»، -دەيدى ول.

رەكتور سونىمەن قاتار، مۇنداي شارالار بالالارعا اقپاراتتىق تەحنولوگيامەن جاقىن تانىسىپ، باعدارلامالاۋ، it بويىنشا ٴبىلىم الۋعا ٴوز سەپتىگىن تيگىزەتىندىگىن جەتكىزدى.

«چەمپيونات بارىسىندا بالالار الەمگە وزدەرى سياقتى كوزقاراسپەن قارايتىن قاتارلاستارىمەن تاجىريبە الماسىپ، بىلمەگەنىن تولىقتىرىپ جاتادى. سونداي-اق بۇل «سيفرلى قازاقستاننىڭ» دامۋىنا دا ٴوز ۇلەسىن قوساتىن جوبا»، - دەدى ول.

چەمپيونات بارىسىندا ۇيىمداستىرۋشىلار جاس ينجەنەرلەرىمىزدىڭ تمد ەلدەرى اراسىندا وتكەن بايقاۋدا ٴتورتىنشى ورىن العاندىعىن ايتتى. ونىڭ ۇستىنە 7 جىل قاتارىنان چەمپيون بولىپ كەلگەن رەسەيدىڭ سانكت-پەتەربۋرگتىق مىقتى كومانداسىن ارتتا قالدىرىپتى.

قر ٴبىلىم جانە عىلىم ٴمينيسترىنىڭ كەڭەسشىسى مايراش تايكەنوۆانىڭ ايتۋىنشا، الەم ەلدەرى ٴبىزدى قازبا بايلىققا تولى ەل رەتىندە تانيدى، دەگەنىمەن وسىنداي چەمپيوناتتاردىڭ ارقاسىندا ٴوزىمىزدىڭ ينتەلەكتۋالدى ۇلت ەكەنىمىزدى ٴبىلدىرۋىمىز كەرەك.

«1980-1990 جىلدارى كينودان كورەتىن روبوتتار ٴقازىر راسىمەن دە ومىرگە كەلىپ جاتىر. ٴبىر جاعىنان قورقىنىشتى، دەگەنىمەن بۇل ۋاقىت تالابى. بۇل تەحنولوگيالاردىڭ بارلىعى ادام ٴومىرىن جاقسارتۋدا. بۇعان دەيىنگى چەمپيوناتتىڭ تاقىرىبى جاسىل ەكولوگيا بولعان. وندا روبوتتار اعاش وتىرعىزدى. تاعى ٴبىر جىلى روبوتتار قوقىس جينادى. بيىلعى تاقىرىپ روبوتتار روبوت قۇراستىرادى»، -دەيدى ول.

ngs جاڭا ۇرپاق مەكتەبىنىڭ الەۋمەتتىك جوبالار ۇلەستىرۋشىسى ولگا پاك مەكتەپتە اپتاسىنا جوق دەگەندە 3 ساعات باعدارلامالاۋ بويىنشا ٴبىلىم الۋ مىندەتتەلگەنىن ايتادى.

«رەسپۋبليكالىق دەڭگەيدەگى مۇنداي شارانىڭ ٴدال ٴبىزدىڭ مەكتەپتە وتكىزىلىپ وتىرعانىنا قۋانىشتىمىز. ويتكەنى ٴبىزدىڭ وقۋشىلاردىڭ دا وسىنداي شارانىڭ ورتاسىندا بولىپ، بىلىمدەرىن جەتىلدىرە تۇسكەنىن قالايمىز. ٴقازىر باسەكەلەستىك زامانى، سوندىقتان بالالار سوعان دايىن بولۋى كەرەك»، - دەيدى ول.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي