BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارعا بىلىممەن قاتار دۇرىس تاربيە دە بەرىلۋى قاجەت – ۆيسە-مينيستر

بۇگىن ەلىمىزدەگى مەكتەپتەردە «ٴxxى عاسىرداعى قازاقستاندىق اتا-انا: ٴوز بالاڭا ۇلگى بول» اتتى رەسپۋبليكالىق اتا-انالار كونفەرەنسياسى باستالدى، دەپ حابارلايدى baq.kz ٴتىلشىسى.

شارانى قر ٴبىلىم جانە عىلىم مينيسترلىگى بالالاردىڭ قۇقىعىن قورعاۋ كوميتەتى مەن وتباسى تاربيەسى ينستيتۋتىمەن بىرىگىپ وتكىزەدى.

ۇيىمداستىرۋشىلاردىڭ ايتۋىنشا، بۇگىنگى جيىن ٴبىرىنشى سىنىپ وقۋشىلارى اتا-انالارىنا ارنالسا، 9 قىركۇيەكتە 10-11 سىنىپ وقۋشىلارى اتا-انالارىنا ارنالعان كونفەرەنسيا وتەدى.

«بۇگىن №54 مەكتەپتە رەسپۋبليكالىق كونفەرەنسيا وتكىزدىك. وعان ٴبىرىنشى سىنىپ وقۋشىلارىنىڭ 300-گە جۋىق اتا-اناسى قاتىستى. ولاردىڭ بالالارى العاش رەت مەكتەپ تابالدىرىعىن اتتادى. سوندىقتان كىشكەنتاي بۇلدىرشىندەرگە دۇرىس تاربيە جانە ساپالى ٴبىلىم بەرۋ ماقساتىندا اتا-انالارعا پەداگوگيكالىق، پسيحولوگيالىق كەڭەس بەرۋدى ٴجون سانادىق. سونداي-اق ارنايى جوسپارىمىز بار. ول بويىنشا 1-11 سىنىپ وقۋشىلارىنىڭ اتا-انالارىمەن وسىنداي جيىن وتكىزۋ جوسپارلانىپ وتىر»، - دەدى اتالعان مەكتەپتىڭ ديرەكتورى شاكارىم سەيسەنباي.

وسى ورايدا ونىڭ ٴسوزىن قر ٴبىلىم جانە عىلىم ۆيسە-مينيسترى اسحات ايماعامبەتوۆ تولىقتىردى.

«بيىل ەلىمىزدەگى 7024 مەكتەپتە 3 ملن-نان استام بالا ٴبىلىم الۋدا. ال ٴبىرىنشى سىنىپقا وسى جىلى 300 مىڭنان وقۋشى باردى. جىلدان-جىلعا بۇلدىرشىندەرىمىزدىڭ سانى كوبەيىپ وتىر. بۇل – جاقسى جاڭالىق. ٴبىز ٴۇشىن ٴبىرىنشى سىنىپقا بارعان وقۋشىلاردىڭ اتا-انالارىمەن تانىسۋ ماڭىزدى»، - دەدى ول №54 مەكتەپتە وتكەن رەسپۋبليكالىق اتا-انالار كونفەرەنسياسىندا.

سونىمەن قاتار ۆيسە-مينيستر اتا-انالارعا بالالارىن ۇنەمى باقىلاۋدا ۇستاۋ قاجەتتىگىن اتاپ ٴوتتى.

«بۇگىن ماماندارىمىز سىزدەرگە ماڭىزدى ماسەلەلەر جونىندە ٴسوز قوزعادى. ونىڭ اراسىندا بالالاردىڭ اقپاراتتىق قاۋىپسىزدىك ماسەلەسى دە بار. قازىرگى تاڭدا بالالارىمىز بالاباقشادان باستاپ، قولدارىنا پلانشەت پەن تەلەفوندى الىپ، ٴارى تەلەديدار ارقىلى اقپارات الادى. ولاردىڭ اقپاراتتىق قاۋىپسىزدىگىن قالاي قامتاماسىز ەتەمىز؟ وسى سۇراقتارعا ماماندار سىزدەرگە جاۋاپ بەردى»، - دەدى اسحات ايماعامبەتوۆ.

سونداي-اق ول بالالارعا بىلىممەن قاتار دۇرىس تاربيە دە بەرىلۋى كەرەكتىگىن ايتتى.

«ٴال-فارابي «تاربيەسىز بەرىلگەن ٴبىلىم - ادامزاتتىڭ قاس جاۋى» دەيدى. سوندىقتان ٴبىز بالالارعا اقپارات بەرىپ، كىتاپ وقىتىپ، تەك ٴبىلىم ماسەلەسىمەن اينالىسپاي، تاربيەگە دە باسا ٴمان بەرۋىمىز قاجەت. سوندىقتان وتباسى قۇندىلىقتارىن نىعايتۋ وزەكتى بولىپ سانالادى»، - دەپ تۇيىندەدى ٴسوزىن ٴبىلىم جانە عىلىم ۆيسە-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي