اتىراۋدا جارمەڭكەگە شەتەلدە تەگىن ٴبىلىم الۋ ٴۇشىن 20 مىڭ گرانت اكەلەدى - ٴبىلىم & عىلىم|01 قاراشا 2018، 10:05
كۋرسى ۆاليۋت وبنوۆليايۋتسيا
استانا:

اتىراۋدا جارمەڭكەگە شەتەلدە تەگىن ٴبىلىم الۋ ٴۇشىن 20 مىڭ گرانت اكەلەدى

استانا، baq.kz. بيىل اتىراۋلىق ەكى جوو مەن 15 كوللەدج تۇلەكتەرى، سونداي-اق 5230 تالاپكەردىڭ شەتەلدە تەگىن ٴبىلىم الۋ مۇمكىندىگى پايدا بولادى. مۇنداي مۇمكىندىك اتىراۋ وبلىسى اكىمدىگى مەن حالىقارالىق باعدارلامالار ورتالىعى اق-نىڭ بىرلەسىپ كۇش سالۋىنىڭ ارقاسىندا ىسكە اسپاق. بۇل تۋرالى وبلىس اكىمدىگىنىڭ ٴباسپاسوز قىزمەتى حابارلادى.

12-13 قاراشادا اتىراۋداعى رەنەسانس قوناق ۇيىندە "international education fair" شەتەلدىك جوعارى وقۋ ورىندارىنىڭ ٴىرى كورمەسى وتەدى. ۇيىمداستىرۋشىلار اتىراۋعا قازاقستاندىقتاردىڭ شەتەلدە تەگىن ٴبىلىم الۋ ٴۇشىن 20 مىڭداي تەگىن ٴبىلىم بەرۋ گرانتتارىن اكەلۋدى جوسپارلاپ وتىر.

مۇنايلى استاناعا الەمنىڭ 40 ەلىنەن 200 ۋنيۆەرسيتەتتىڭ وكىلدەرى - "حالىقارالىق باعدارلامالار ورتالىعى"اق - نىڭ سەرىكتەستەرى كەلەدى. قوناقتار قازاقستاننىڭ تەك 4 قالاسىنا: استانا، الماتى، شىمكەنت جانە اتىراۋعا كەلەدى دەپ جوسپارلانۋدا.

"ەكى كۇن بويىنا اتىراۋ وبلىسى تۇرعىندارىنىڭ شەتەلدىك جوعارى وقۋ ورىندارىنىڭ وكىلدەرىمەن تىكەلەي سويلەسۋگە، شەتەلدە تەگىن ٴبىلىم الۋ تۋرالى كوبىرەك بىلۋگە، سونداي - اق ٴبىلىم بەرۋ سالاسىنداعى ماسەلەلەر بويىنشا كاسىبي كەڭەس الۋعا بىرەگەي مۇمكىندىگى بولادى"، - دەدى "حالىقارالىق باعدارلامالار ورتالىعى" اق پرەزيدەنتى جانبولات مەلدەشوۆ.

سونىمەن قاتار، كورمە قوناقتارى ساراپشىلاردان گرانتتار مەن ستيپەنديالار تۋرالى اقپارات الادى، تەك كورمەدە قولجەتىمدى ارنايى ۇسىنىستارعا قاتىسا الادى، سونداي-اق تانىمال حالىقارالىق ەمتيحانداردى تابىستى تاپسىرۋدىڭ باستى قۇپيالارى تۋرالى بىلۋگە مۇمكىندىكتەرى بار.

"international education fair حالىقارالىق ٴبىلىم بەرۋ كورمەسى اتىراۋ وبلىسىنىڭ تۇلەكتەرى ٴۇشىن وتە وزەكتى، ويتكەنى ٴبىزدىڭ ٴوڭىرىمىز وتە بەلسەندى قارقىنمەن دامىپ كەلەدى، بۇل جونىندە الەۋمەتتىك-ەكونوميكالىق دامۋ كورسەتكىشتەرى بويىنشا ايتۋعا بولادى. بۇگىندە ەڭبەك نارىعىندا شەتەل تىلدەرىن بىلەتىن جانە شەتەلدىك تاجىريبەسى بار كەڭ بەيىندى ماماندار سۇرانىسقا يە. ٴوڭىردىڭ ودان ٴارى وركەندەۋى ٴۇشىن بىزگە مىقتى ماماندار قاجەت، سوندىقتان دا اتىراۋدا حالىقارالىق ٴبىلىم كورمەسىن وتكىزۋ تۋرالى شەشىم قابىلداندى"، - دەدى اتىراۋ وبلىسى اكىمىنىڭ ورىنباسارى نۇرساۋلە سايلاۋوۆا.

قازىرگى ۋاقىتتا 100 000-عا جۋىق قازاقستاندىق ستۋدەنت شەتەلدىك ۋنيۆەرسيتەتتەردە ٴبىلىم الىپ جاتقانىن ەستەرىڭىزگە سالا كەتەيىك.

"جىل سايىن قازاقستاندىق مەكتەپ تۇلەكتەرىنىڭ سانى ارتىپ كەلەدى. اعىمداعى جىلى مەكتەپتەر مەن كوللەدج تۇلەكتەرىنىڭ سانى وتكەن جىلمەن سالىستىرعاندا 20 مىڭ ادامعا ٴوسىپ، 297 000 ادامدى قۇرادى. 2025 جىلعا قاراي ولاردىڭ سانى 400 000 ادامعا جەتەدى دەپ كۇتىلۋدە، اتىراۋ وبلىسىندا دا وتە جاقسى دەموگرافيالىق سەرپىن بايقالادى"، - دەپ اتاپ ٴوتتى "حالىقارالىق باعدارلامالار ورتالىعى" اق باسشىسى جانبولات مەلدەشوۆ.

بيىل "بولاشاق" ستيپەنديالىق باعدارلاماسى 25 جىلدىعىن اتاپ وتەدى، مەرەيتويدى مەرەكەلەۋ اياسىندا قازاقستاننىڭ 4 وڭىرىندە الەمدىك جوعارى وقۋ ورىندارىنىڭ وزىندىك سەزدەرى وتەدى.

سونداي-اق استانادا، الماتى مەن شىمكەنتتە كورمەلەر وتكىزۋ جوسپارلانۋدا.

ەستەرىڭىزگە سالا كەتسەك، مەملەكەت باسشىسى ٴوزىنىڭ قازاقستان حالقىنا جولداۋىندا ادامي كاپيتالدى دامىتۋدىڭ ەرەكشە ٴرولىن اتاپ ٴوتىپ، الداعى جىلدى جاستار جىلى دەپ جاريالاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي