BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا «حالىقارالىق ٴبىلىم كورمەسى» ٴوتىپ جاتىر

اتىراۋ، baq.kz. اتىراۋدا «بولاشاق» حالىقارالىق ستيپەندياسىنىڭ 25 جىلدىق مەرەيتويى اياسىندا 40-قا جۋىق ەلدەن كەلگەن 200-گە تارتا ۋنيۆەرسيتەت وكىلدەرى قاتىسقان «international education fair 2018-2019» اتتى حالىقارالىق كورمە ٴوتىپ جاتىر.

1993 جىلى ەلباسىنىڭ باستاماسىمەن «بولاشاق» حالىقارالىق ستيپەندياسى قۇرىلىپ، ەلىمىزدىڭ بىلىمگە قۇشتار جاستارىن شەتەلگە وقۋعا جىبەرە باستادى. ٴدال وسى شەشىم ەل مۇددەسىنىڭ، «بولاشاعىنىڭ» نەگىزىن قالادى.

مىنە، سودان بەرى 25 جىل ىشىندە 13 مىڭنان استام ستيپەنديا تاعايىندالىپ، شەتەل اسىپ، وزىق بىلىممەن سۋسىنداعان 10 مىڭنان استام مامان وقۋلارىن ٴتامامداپ، ەلگە ورالدى.

وسىنداي اتاۋلى مەرەكە – «بولاشاق» باعدارلاماسىنىڭ 25 جىلدىعى اياسىندا «international education fair 2018-2019» اتتى حالىقارالىق ٴبىلىم كورمەسى دە ٴوز جۇمىسىن باستاعان بولاتىن. استانادا باستالعان كورمە ەندى اتىراۋدا جالعاستى. 12-13 قاراشا reinaissance قوناقۇيىندە تاڭەرتەڭ ساعات 10-نان كەشكى 6-عا دەيىن سوزىلاتىن بۇل كورمەدەن شەتەلدە ٴبىلىم العىسى كەلەتىن كەز-كەلگەن ادام وزىنە قاجەتتى بارلىق اقپاراتتى الا الادى.

«بۇل كورمە كوپتەگەن سالانى قامتىپ وتىر. ەڭ الدىمەن، اتا-انا بالاسىنىڭ ساپالى ٴبىلىم الۋىنا قاجەت بارلىق اقپاراتپەن تانىسا الادى. كورمە بارىسىندا الەمدىك وزىق وقۋ ورىندارىنىڭ وتە بىلىكتى ماماندارى كەلىپ، تەگىن اقىل-كەڭەستەرىن ۇسىنىپ وتىر» - دەيدى ۇيىمداستىرۋشىلار.

جالپى ٴبىلىم العىسى كەلەتىن كەز-كەلگەن ادام شەتەلدىك ۋنيۆەرسيتەتتەر، اگەنتتىكتەر وكىلدەرىمەن تىكەلەي بايلانىس ورناتىپ، وزىنە قاجەتتىسىن تاڭداي الادى.

«ٴبىزدىڭ نەگىزگى ماقساتتارىمىزدىڭ ٴبىرى قازاقستاندى ورتا ازياداعى «ٴبىلىم حابى» جاساۋ دەسەك، الدىمەن ٴوز جوعارعى وقۋ ورىندارىمىزدى بەلگىلى ٴبىر دارەجەدە الەمدىك دەىگەيدەگى ۋنيۆەرسيتتەرمەن قاتار تۇرا الاتىنداي ەتىپ دايارلاپ شىعارۋ. مىنە، وسىعان بايلانىستى، وتكىزىلگەلى وتىرعان «حالىقارالىق ٴبىلىم كورمەسىندە» ەلىمىزدىڭ ۋنيۆەرسيتتەرى شەتەلدىك مامانداردان تەگىن ماستەر كلاستار الۋدى ۇيىمداستىرىپ وتىرمىز. ولاردىڭ ەڭ جاقسى دەگەن مودۋلدەرى مەن جەتكەن جەتىستىكتەرىنەن وزىمىزگە قاجەتتىلەرىن ۇيرەنۋىمىز قاجەت» - دەيدى جانبولات مەلدەشوۆ.

ەستەرىڭىزگە سالا كەتسەك، بۇل «حالىقارالىق ٴبىلىم كورمەسى» 12-13 قاراشا اتىراۋدا، 14-16 قاراشا شىمكەنتتە، جانە 17 قاراشا الماتى قالالارىندا وتەدى.

كورمەگە ٴبىلىم سالاسىنا قىزىعۋشىلىق تانىتقان ٴاربىر ادام كەلىپ قاتىسىپ، وزىنە قاجەتتى اقپاراتتى الا الاتىندىعىنا سەنىمدىمىز!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي