BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا «english for jastar» جوباسى ىسكە قوسىلدى

جوبا اياسىندا اۋىلدىق مەكتەپتەردەگى 500-دەن استام بالانى تەگىن وقىتۋ جوسپارلانۋدا، دەپ حابارلايدى baq.kz اقپارات اگەنتتىگى.

اعىمداعى جىلدىڭ تامىز ايىندا «جاس وتان» جاستار ۇيىمى مەن «بولاشاق» قاۋىمداستىعى «english for jastar» اتتى پارتيا جوباسىن ىسكە قوستى. پارتيالىق جوبا 2 ايعا ەسەپتەلگەن.

20 قىركۇيەكتەن 20 قاراشا ارالىعىندا 12 ەرىكتىلەر اۋىل بالالارىمەن جۇمىس ىستەيدى جانە ولاردىڭ سويلەسۋ داعدىلارىن دامىتادى.

"بۇل جوبا پرەزيدەنتتىڭ قازاقستانداعى اعىلشىن ٴتىلىن ۇيرەنۋ جانە ۇشتىلدىلىكتى دامىتۋ باعدارلاماسىنىڭ اياسىندا ۇيىمداستىرىلدى. ٴار اۋدانعا ەكى ەرىكتى كەلدى. ولار قۇرمانعازى، يساتاي، يندەر، ماحامبەت، ماقات جانە جىلىوي اۋداندارىنىڭ مەكتەپتەرىندە ساباق بەرەدى. قازىرگى ۋاقىتتا قۇرمانعازى اۋدانىندا ەكى ٴمۇعالىم جۇمىس ىستەيدى، ەكى اۋىسىمدا 106 بالاعا اعىلشىن ٴتىلىن ۇيرەتەدى، ولار 9.10 جانە 11 سىنىپ وقۋشىلارى.
بارلىق ەرىكتىلەردىڭ جۇمىسى ٴۇشىن بارلىق جاعداي جاسالعان، قاجەتتى ادىستەمەلىك ماتەريالدار بار. تۇرۋ، تاماقتانۋ جانە تاسىمالداۋ ماسەلەسى شەشىلدى"، - دەدى جاس وتان جاستار ساياساتى وبلىستىق فيليالىنىڭ ٴتوراعاسى رينات گيلاجەۆ.

ايتا كەتەيىك، ەرىكتىلەر ارنايى شارتتارعا سايكەس تاڭدالعان: اعىلشىن ٴتىلىن مىندەتتى ٴبىلۋ ورتاشا دەڭگەيدەن تومەن ەمەس، ورىس جانە قازاق تىلدەرىندە ەركىن سويلەۋى، سونداي-اق بالالارمەن وقىتۋ جانە جۇمىس داعدىلارىنىڭ بولۋى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي