BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استاناداعى اپاتتى مەكتەپتىڭ وقۋشىلارى ٴبىلىم كۇنىندە قايدا بارارىن بىلمەيدى  ەكسكليۋزيۆ

استاناداعى №8 ورتا مەكتەپ اپاتتى كۇيدە تۇرعاندىقتان، وسى وقۋ ورداسىنىڭ وقۋشىلارى 1 قىركۇيەكتە قايدا بارارلارىن ٴالى دە بىلمەيدى، دەپ حابارلايدى baq.kz ٴتىلشىسى.

«بۇل عيمارات 1962 جىلى پايدالانۋعا بەرىلگەن ەكەن. سوناۋ 2000 جىلداردىڭ باسىندا جوندەۋ جۇرگىزىلىپ، قابىرعالارى قاتايتىلعان. الايدا، عيماراتتىڭ قاۋساعانى سونشالىق، باسپالداقپەن كوتەرىلىپ-تۇسكەندە، قابىرعانىن دىرىلدەپ تۇرعانىن بايقايسىز. بىزدە قوعامدا ادام ٴولىپ-قىرىلعان سوڭ عانا ماسەلە كوتەرىلەدى عوي. ٴبىز سونداي قايعىلى جاعدايعا جەتكىزبەي، وسىنى شەشسەك دەيمىز»، -دەگەندى ايتادى اتا-انالار وكىلى اياۋجان بۇركىتبايەۆا.

ايتا كەتۋ كەرەك، اتالعان مەكتەپ 2017 جىلى اپاتتى جاعدايدا تۇرعان نىسان بولىپ تانىلعان. سول سەبەپتى، بۇل ٴبىلىم وشاعىنىڭ وقۋشىلارى ەكى جىلدان بەرى ەلورداداعى №4، 16 جانە 56 مەكتەپتەرگە ٴبولىنىپ وقىپ ٴجۇر. اتا-انالاردىڭ ايتۋىنشا، مۇنداي ٴبولىنىپ وقۋ ۇلكەن قولايسىزدىق تۋدىرادى. ويتكەنى، بەلگىلەنگەن مەكتەپ تۇرعىلىقتى مەكەن-جايدان الىس بولسا، كەيدە ٴتىپتى ٴتۇرلى ٴىس-شارالار وتكىزەتىن كابينەتتەر مەن زال دا جەتىسپەي جاتاتىن كورىنەدى.

«قالانىڭ قاق ورتاسىندا تۇرعان مەكتەپتىڭ جايى وسى. 1،5 مىڭعا جۋىق بالا دالادا قاڭعىرىپ ٴجۇر. جاڭا وقۋ جىلىندا قايدا بارارلارىن ٴالى بىلمەيدى. اتا-انالار، بىزدەر، وسىعان الاڭداۋلىمىز. اباي مەن سەمبينوۆ كوشەلەرىنىڭ قيىلىسىندا جاڭا مەكتەپ سالىنىپ جاتقان كورىنەدى. سول عيماراتتى №8 مەكتەپكە بەرسە دەگەن نيەت پەن ٴۇمىت بار»، - دەپ اتا-انالاردىڭ ٴوتىنىشىن ٴبىلدىردى اياۋجان بۇركىتبايەۆا.

قالالىق ٴبىلىم باسقارماسىنىڭ ماماندارى بۇل جايتتان حاباردان ەكەندەرىن جانە ماسەلە شەشىلىپ جاتقانىن مالىمدەدى.

«ٴبىز بۇل جايىندا حاباردارمىز. ٴقازىر ٴبىلىم باسقارماسىنىڭ وكىلدەرى اتالعان مەكتەپكە قاراي بەت الدى. بارىپ، اتا-انالارمەن سويلەسىپ، جاعدايدى تۇسىندىرەدى. تاعى ٴبىر جىل باسقا مەكتەپتەرگە ٴبولىنىپ وقۋعا تۋرا كەلىپ تۇر»، - دەيدى ديرەكتور مىندەتىن اتقارۋشى اقمارال قۇرمانعاليقىزى.

اتا-انالار دا، ۇستازدار دا قالالىق ٴبىلىم باسقارماسىنا ٴوتىنىش ايتىپ بارعانىمەن، ودان ماردىمدى جاۋاپ الا الماعان. بىلتىردان بەرى وقۋشىلار ماڭايداعى 3 مەكتەپكە ٴبولىنىپ وقىدى. بيىل دا سول ماسەلە قايتا كوتەرىلىپ وتىر. «نۇر-وتان» پارتياسىنا دا حات جازعان اتا-انالار، ۇستازدار قاۋىمى وقۋشىلاردىڭ ومىرىنە الاڭداۋلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي