استانادا world robot olympiad چەمپيوناتى ٴوتىپ جاتىر

فوتو: автор

ەلورداداعى حالىقارالىق مەكتەپتە روبوتوتەحنيكادان world robot olympiad ۇلتتىق چەمپيوناتى ٴوتىپ جاتىر، دەپ حابارلايدى baq.kz ٴتىلشىسى.

بيىلعى بايقاۋعا ەلىمىزدىڭ بارلىق وڭىرىنەن 250-دەن استام وقۋشى قاتىسىپ جاتىر. ولار «نەگىزگى»، «شىعارماشىلىق»، «روبوت فۋتبولى» جانە «smart city» سىندى ٴتورت كاتەگوريا بويىنشا باقتارىن سىنايدى.

جارىستىڭ ەڭ جاس قاتىسۋشىلارى – 7-8 جاستاعى وقۋشىلار. ونىڭ ٴبىرى -پاۆلودار قالاسىنداعى №25 ورتا مەكتەبىنىڭ 1-سىنىبىن ۇزدىك ٴتامامداعان زارينا تۇرعانبەكوۆا. ول روبوتوتەحنيكا وليمپيداسىندا ۇزدىكتەردىڭ قاتارىنان كورىنۋگە ٴۇمىتتى.ال «نازاربايەۆ زياتكەرلىك مەكتەپتەرى» دببۇ اقپاراتتىق جۇيەلەر ورتالىعى ديرەكتورىنىڭ ورىنباسارى ازامات بيدانوۆتىڭ ايتۋىنشا، رەسپۋبليكالىق جارىسقا تەك ۇزدىك وقۋشىلار قاتىسىپ جاتىر.

فوتو: اۆتور

«ٴار وبلىستاعى نازاربايەۆ زياتكەرلىك مەكتەپتەرى روبوتوتەحنيكادان چەمپيونات ۇيىمداستىردى. وسى بايقاۋدا جەڭىسكە جەتكەن ۇزدىك وقۋشىلار وسى رەسپۋبليكالىق چەمپيوناتقا قاتىسۋعا مۇمكىندىك الدى. جالپى وليمپياداعا 278 بالا قاتىسىپ جاتىر»، - دەدى بايقاۋدى ۇيىمداستىرۋشى.

سونىمەن قاتار ول بيىلعى بايقاۋدىڭ ەرەكشەلىگىنە توقتالدى.

«بيىلعى بايقاۋدىڭ تاقىرىبى – «استىڭ ماڭىزى» دەپ اتالادى. سەبەبى، قازىرگى تاڭدا تاماق ماسەلەسى الەمدەگى كۇردەلى پروبلەمالاردىڭ قاتارىنا جاتادى. سوندىقتان بۇگىن بايقاۋدا وقۋشىلار اتالعان ماسەلەنى شەشۋگە ٴوز ۇلەستەرىن قوسادى. وليمپياداعا قاتىسۋشىلار جاس ەرەكشەلىكتەرى بويىنشا 3 كاتەگورياعا بولىنەدى. ياعني 1-كاتەگوريا: 7-13 جاس ارالىعىندا، 2-كاتەگوريا: 13-16 جاس ارالىعىندا، 3-كاتەگوريا:16-19 جاس ارالىعىندا. جەڭىمپازداردىڭ ەسىمدەرى 21-ماۋسىمدا بەلگىلى بولادى»، - دەپ تۇيىندەدى ٴسوزىن ازامات بيدانوۆ.

ايتا كەتەيىك، world robot olympiad رەسپۋبليكالىق چەمپيوناتىن «نازاربايەۆ زياتكەرلىك مەكتەپتەرى» دببۇ 2014 جىلدان بەرى ۇيىمداستىرىپ كەلەدى.

سونداي-اق، بيىل رەسپۋبليكالىق روبوتوتەحنيكا چەمپيوناتىنىڭ جەڭىمپازدرى قاراشا ايىندا تايلاندتا وتەتىن wro-2018 حالىقارالىق وليمپياداسىندا قازاقستاننىڭ نامىسىن قورعايدى. حالىقارالىق وليمپيادانىڭ تاقىرىبى – «استىڭ ماڭىزى» («food matters») دەپ اتالادى.

ٴسابيت ىبىراي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!