BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا "ٴمۇعالىم مارتەبەسى تۋرالى" زاڭ جوباسى تالقىلانىپ جاتىر

فوتو: Автор

استانا، baq.kz ٴتىلشىسى. ەلباسىنىڭ قازان جولداۋىندا ايتىلعان "ٴمۇعالىم مارتەبەسى تۋرالى" زاڭ جوباسىن قابىلداۋعا قاتىستى جۇمىس توبى قۇرىلدى. جۇمىس توبى قۇرامىندا دەپۋتاتتار، مەملەكەتتىك ورگان وكىلدەرى، پەداگوگتار مەن كاسىپوداق ۇيىمىنىڭ وكىلدەرى بار.

"ەلباسىنىڭ 5 قازانداعى جولداۋىنا سايكەس، بىزگە ٴمۇعالىم مارتەبەسى تۋرالى زاڭ قابىلداۋعا قاتىستى تارسىرما بەرىلگەن بولاتىن. قازىرگى تاڭدا مينيسترلىك تاراپىنان جۇمىس توبى قۇرىلدى. اتالعان زاڭ بويىنشا تۇجىرىمداما جاسالىنىپ، بارلىق دەڭگەي بويىنشا كەلىسىمگە جىبەرىلدى"، - دەيدى قر ٴبىلىم جانە عىلىم مينيسترلىگىنىڭ مەكتەپكە دەيىنگى ورتا ٴبىلىم دەپارتامەنتىنىڭ باس ساراپشىسى ايمان بەيسەنبايەۆا.

قازىرگى ۋاقىتتا زاڭ جوباسى جازىلۋدا.

"زاڭ جوباسىندا پەداگوگتاردى ٴوزىنىڭ مىندەتتەرىنەن تىس جۇمىستارعا قاتىستىرماۋعا، جان-جاقتى الەۋمەتتىك قورعالۋىنا، ولاردىڭ قۇقىقتارى قورعالۋىنا جانە قوسىمشا ۇستەماقى تولەنۋىنە قاتىستى ماسەلەلەر قارالادى"، - دەيدى ول.

ۆەدومستۆوارالىق كوميسسيادان وتكەن جاعدايدا زاڭ جوباسى قاڭتار ايىندا ماجىلىسكە وتكىزىلىپ، مامىر-ماۋسىم ارالىعىندا قابىلدانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي