استانادا مەنتالدى اريفمەتيكانىڭ جەڭىمپازدارى انىقتالدى - ٴبىلىم & عىلىم|17 اقپان 2017، 19:03
كۋرسى ۆاليۋت وبنوۆليايۋتسيا
استانا:

استانادا مەنتالدى اريفمەتيكانىڭ جەڭىمپازدارى انىقتالدى

فوتو: Абзал ҚАЛИЕВ

تاۋەلسىزدىك سارايىندا مەنتالدى اريفمەتيكادان ivرەسپۋبليكالىق وليمپيادا ٴوتتى. وليمپياداعا 5-16 جاس ارالىعىنداعى 1 مىڭنان اسا بالا قاتىستى. بايقاۋ جەڭىمپازدارى حالىقارالىق وليمپياداعا قاتىسادى، دەپ حابارلايدى baq.kz ٴتىلشىسى.

رەسپۋبليكالىق وليمپياداعا اتىراۋ، قاراعاندى، سەمەي، كوكشەتاۋ، شىمكەنت، اتىراۋ، پاۆلودار، قاراعاندى، الماتى، قىزىلوردا، سەمەي، اقمولا وبلىسى جانە باسقا وڭىرلەر قاتىسقان. بايقاۋدا 260 جۇلدەلى ورىن بەلگىلەنگەن. ال، 75 ٴبىرىنشى ورىن العان جەڭىمپاز ەل نامىسىن حالىقارالىق وليمپيادادا قورعايدى. بۇل تۋرالى «نوبەل» ٴبىلىم بەرۋ ورتالىعىنىڭ باس ديرەكتورى ٴالىمجان پازىلوۆ ايتتى.

«بۇل مەنتالدى اريفمەتيكادان ۇيىمداستىرىلىپ وتىرعان ٴ4-شى وليمپيادا. وعان 1 مىڭنان استام بالا قاتىسۋدا. وليمپيادانىڭ تالابى بويىنشا وقۋشىلارعا 200-دەن استام ەسەپ بەرىلدى. ولار 30 مينۋتتىڭ ىشىندە ەسەپتى شىعارىپ ۇلگەرۋى كەرەك. ەسەپتەر قيىندىق دەڭگەيى بويىنشا 1 مەن 8 ارالىعىندا ىرىكتەلدى. بايقاۋ نوميناسياسى دەڭگەيگە بولىنگەن. ول 1 مەن 8 ارالىعىندا. ٴبىرىنشى ورىن العان جەڭىمپازدار تۇركياداعى وليمپياداعا قاتىسادى. جالپى 75 ٴبىرىنشى ورىن بولادى. بۇگىنگى شارانى ماستەر كلاسس تۇرىندە ۇيىمداستىردىق. سەبەبى، اتا-انالار ٴوز بالالارىنىڭ قانداي دەڭگەيگە جەتكەندىگىن كورۋ كەرەك»، - دەيدى ٴالىمجان پازىلوۆ.

سونىمەن قاتار، شارانى ۇيىمداستىرۋشى رەسپۋبليكالىق وليمپيادادا قازىلار القاسىنىڭ جەڭىمپازدى قالاي انىقتايتىندىعىن دا ايتىپ ٴوتتى.

«قازىلار القاسى وقۋشىلاردىڭ ەسەپتى قانشالىقتى تەز شىعارا الاتىدىعىنا باعا بەردى. ولار ۋاقىتتى بەلگىلەپ، كەيىن ەسەپتىڭ دۇرىس شىعارىلعاندىعىن تەكسەرەدى. بايقاۋعا قاتىسۋشىلاردىڭ جاس مولشەرى 6 مەن 16 جاس ارالىعىندا. ال، وليمپيادادا ٴ1-شى ورىندى جەڭىپ العان، 6،7،8-دەڭگەيدەگى وقۋشىلار حالىقارالىق بايقاۋعا قاتىساتىن بولادى. ولاردىڭ جارتىسى ٴوز اقشالارىنا، ال قالعانى دەمەۋشىلەردىڭ قارجىسىنا بارادى. جالپى جارىستا 260 بالا ماراپاتتالادى»، - دەدى ديرەكتور.

مامانداردىڭ ايتۋىنشا، قازاقستاندا مەنتالدى اريفمەتيكانىڭ پايدا بولعاندىعىنا 5 جىلدان اسقان. بۇل ەسەپتەۋ جۇيەسى بالالاردىڭ ويلاۋ قابىلەتىن دامىتادى ەكەن.

بيىل مەنتالدى اريفمەتيكادان ٴ4-شى رەسپۋبليكالىق وليمپيادانىڭ جەڭىمپازى اتاعىن 11 جاستاعى دانيل سۋپرونوۆ الدى. ول استانا قالاسىنداعى №62 مەكتەپتىڭ ٴ5-شى سىنىپ وقۋشىسى. وسىنداي جەتىستىككە جەتۋ ٴۇشىن ول 3 جىل بويى ەسەپ شىعارعان. ەندى وقۋشى ەل نامىسىن حالىقارالىق وليمپيادادا قورعايتىن بولادى.

«مەنتالدى اريفمەتيكامەن ەسەپ شىعارىپ جۇرگەنىمە 3 جىل بولدى. العاشىندا بۇل كۋرسقا انام جازعىزدى. كەيىن مەنتالدى اريفمەتيكا ماعان ۇنادى. ناتيجەسىندە ماتەماتيكادان جاقسى ەسەپ شىعاراتىن بولدىم»، - دەدى ول.

سونىمەن قاتار، مەنتالدى اريفمەتيكانىڭ وقىتۋشىلارى مەن اتا-انالار اكادەميك اسقار جۇمادىلدايەۆتىڭ پىكىرىمەن كەلىسپەيتىدىگىن العا تارتتى. اكادەميك مەنتالدى اريفمەتيكانى وقۋشىلار ٴۇشىن قاجەت ەمەستىگىن ايتىپ، ولاردى وقىتىپ جاتقان ٴبىلىم ورتالىقتارى كوبىرەك پايدا تابۋدى كوزدەۋى مۇمكىن ەكەندىگى جايلى پىكىر بىلدىرگەن.

«بۇل قاتە پىكىر. ول كىسىنىڭ مەنتالدى اريفمەتيكادان دۇرىس حابارى جوق شىعار. سەبەبى، كەيبىر ادامدار بۇل تۋرالى ناقتى اقپارات بىلمەيدى. سەبەبى، ٴبىزدى كوپتەگەن ازاماتتار بالالارعا ساناۋدى ۇيرەتەدى دەپ ويلايدى. جوق، ٴبىزدىڭ ماقساتىمىز ول ەمەس. ٴبىز بالالاردى اباكۋس ارقىلى كوپ تاڭبالى ساندارعا ەسەپ جۇرگىزۋدى ۇيرەتەمىز. اباكۋس – ميعا ارنالعان جاتتىعۋ قۇرالى. العاشىندا بالالار مەتوديكاعا ۇيرەنەدى. كەيىن ولار مەنتالدى تۇردە ەسەپ شىعارا الاتىن بولادى. ەشكىمگە قۇپيا ەمەس، ٴبىزدىڭ مەنتالدى اريفمەتيكانى مەڭگەرگەن وقۋشىلار حالىقارالىق وليمپيادادا جاقسى ناتيجەگە قول جەتكىزىپ ٴجۇر»، - دەپ تۇيىندەدى ٴسوزىن «نوبەل» ٴبىلىم بەرۋ ورتالىعىنىڭ ديرەكتورى باۋىرجان پازىلوۆ.

ال رەسپۋبليكالىق وليمپيادادا جەڭىسكە جەتكەن وقۋشىنىڭ اناسى تاتيانا سۋپرونوۆا بالالاردى مەنتالدى وقىتۋ ورتالىعىنا بەرۋدى ٴاربىر اتا-انا ٴوزى شەشەتىندىگىن اتاپ ٴوتتى.

«مەنىڭ ويىمشا، بۇل ماسەلەنى ٴاربىر اتا-انا ٴوزى شەشەدى. ٴبىز مۇمكىندىگىمىزدى سىناپ كوردىك. ناتيجە بار. سونداي-اق، بۇل ٴادىس بالانىڭ ساباق ۇلگەرىمىنە دە اسەر ەتتى. ەستە ساقتاۋ قابىلەتى جاقساردى»، - دەيدى دانيلدىڭ اناسى.

ۇيىمداستىرۋشىلاردىڭ حابارلاۋىنشا، جارىستا جۇلدەلى ورىنعا يە بولعان وقۋشىلار دۋباي، ىستامبۇل، دەلي قالالارىندا وتەتىن حالىقارالىق وليمپيادالارعا قاتىساتىن بولادى.

سونداي-اق، وليمپيادادا بىرەگەي ماتەماتيكالىق شوۋ ۇيىمداستىرىلدى. ياعني 4-5 جاستاعى بالالار كۇردەلى اريفمەتيكالىق ەسەپتەر شىعاردى.

فوتو مەن ۆيدەو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي