BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا قازاقستانداعى chevening تۇلەكتەرىنىڭ قاۋىمداستىعى قۇرىلدى

فوتو: Нұржас Жақсыбай

استانادا بريتانيانىڭ chevening ۇكىمەتتىك ستيپەندياسىن يەلەنگەن قازاقستاندىق تۇلەكتەردىڭ العاشقى فورۋمى ٴوتتى. شارادا قازاقستانداعى chevening ستيپەندياسى تۇلەكتەرىنىڭ قاۋىمداستىعى قۇرىلدى، دەپ xابارلايدى baq.kz ٴتىلشىسى.

ۇلىبريتانيا ەلشىلىگى مەن بريتان كەڭەسى (british council) جانە chevening تۇلەكتەرىنىڭ ۇيىمداستىرۋىمەن وتكەن فورۋمدا قازاقستانداعى chevening تۇلەكتەرىنىڭ قاۋىمداستىعى قۇرىلدى. قاۋىمداستىق سوڭعى 25 جىلدا ۇلىبريتانيادا ٴبىلىم الىپ ەلگە ورالعان 200-دەن اسا جاس ليدەرلەردىڭ باسىن قوستى. بۇل ۇيىمنىڭ باستى ماقساتى - ٴوزارا كاسىبي قولداۋ كورسەتۋ، جاڭا ستيپەندياتتارعا كومەكتەسۋ، قازاقستاننىڭ ٴبىلىم جانە عىلىم، الەۋمەتتىك سالالارىنىڭ دامۋىنا ۇلەس قوسۋ.

شارا بارىسىندا قازاقستانداعى ۇلىبريتانيا ەلشىسىنىڭ ورىنباسارى ەندريۋ ماك الليستەر ٴسوز سويلەدى. سودان سوڭ chevening تۇلەكتەرى شاكىرتاقىعا قالاي يە بولعاندارى مەن ەلگە ورالعاندا ٴبىلىمىن قانداي ماقساتتا قولدانعاندارىن ايتىپ، ٴوز وقيعالارىمەن ٴبولىستى. مىسالى عاني ۋزبەكوۆ 1999-2000 جىلدارى لوندون ەكونوميكا مەكتەبىندە ٴبىلىم العان. ەلگە كەلگەن سوڭ capital bank kazakhstan باسقارماسىنىڭ ەكس-توراعاسى، silk كومپانياسىنىڭ نەگىزىن قالاۋشى قىزمەتىن اتقارعان. ال سۆەتلانا يۆانوۆا شاكىرتاقىنى ەڭ العاش يەلەنگەندەردىڭ ٴبىرى. ول 1994-1995 جىلدارى بيرمينگەم ۋنيۆەرسيتەتىندە وقىعان.

«قازاقستاندىقتار 1993 جىلدان باستاپ بريتانيانىڭ chevening ۇكىمەتتىك ستيپەندياسىنا قاتىسىپ كەلەدى. وسى ۋاقىتقا دەيىن 200-دەن استام جاس قازاقستاندىق ليدەرلەر ۇلىبريتانيادا ماگيسترلىك دارەجەسىن الۋ مۇمكىندىگىنە يە بولدى. شاكىرتاقى تۇلەكتەرى ٴبىلىم الىپ ەلگە كەلگەن سوڭ مەملەكەتتىك بيلىكتە، بيزنەس، قارجى سەكتورى، xالىقارالىق جانە ۇكىمەتتىك ەمەس ۇيىمداردا جۇمىس ىستەپ جاتىر»، - دەدى chevening تۇلەگى دانيار مۋكيتانوۆ.

بريتانيانىڭ chevening ۇكىمەتتىك ستيپەندياسى — جاس كوشباسشىلارعا ۇلىبريتانيادا ٴبىلىم الۋعا زور مۇمكىندىك بەرەتىن باعدارلاما. شاكىرتاقى بولاشاقتا مەملەكەتتىك ماسەلەلەردى شەشۋگە ىقپال ەتەرلىك الەۋەتى بار جاس كوشباسشىلارعا ارنالعان. chevening شاكىرتاقىلارىنىڭ كوپشىلىگى ديپلومنان كەيىنگى ماگيسترلىك دارەجەسىن الۋعا ٴبىر جىلعا بەرىلەدى. بۇل ستيپەنديانى ۇلىبريتانيانىڭ سىرتقى ىستەر مينيسترلىگى مەن سەرىكتەس ۇيىمدار قارجىلاندىرادى جانە بريتان كەڭەسى (british council) تاراپىنان باسقارىلادى.

بۇل شاكىرتاقىنىڭ باسقا دا بريتاندىق باعدارلامالاردىڭ ارتىقشىلىعى تاڭداعان جوعارعى وقۋ ورنىندا ٴبىلىم الۋ عانا تەگىن ەمەس، شاكىرتاقى يەسىنىڭ ۇلىبريتانيادا تۇرعان كەزدەگى بارلىق شىعىندارىن كوتەرەدى.

گرانت نەنى تولەيدى؟

• اي سايىنعى ستيپەنديا
• كولىك شىعىندارى
• ديسسەرتاسيالىق گرانت
• ۆيزانى راسىمدەۋ باعاسىن
• ٴبىلىم الۋ اقىسىن

chevening باعدارلاماسىنىڭ تالاپتارىنا ساي كەلەتىن كەلەسىدەي ەلدىڭ ازاماتتارى قاتىسا الدى. قاتىسۋشى ەلدەر اراسىندا: بەلارۋس، رەسەي، ۋكراينا، مولدوۆا، وزبەكستان، قازاقستان، گرۋزيا جانە ت.ب. بار.

وقىتۋدىڭ باسىم سالالارى:

ساياسات جانە حالىقارالىق قاتىناستار;
قۇقىق جانە مەملەكەتتىك باسقارۋ;
ەكونوميكا، بيزنەس جانە يننوۆاسيالار;
كليماتتىڭ وزگەرۋى، قورشاعان ورتانى زەردەلەۋ جانە ەنەرگەتيكالىق قاۋىپسىزدىك;
عىلىم جانە عارىش;
جۋرناليستيكا.

ۇمىتكەرلەرگە قويىلاتىن تالاپتار:

- باعدارلاماعا قاتىسا الاتىن ەلدىڭ ازاماتى بولۋ;
- chevening scholarship باعدارلاماسى بويىنشا 2 جىل ٴبىلىم العان سوڭ تۋعان ەلىنە ورالۋ;
- جوعارى ٴبىلىم تۋرالى ديپلومنىڭ بولۋى;
- وقۋدىڭ تاڭدالعان باعىتى بويىنشا كەمىندە ەكى جىل جۇمىس ٴوتىلىنىڭ بولۋى (تاعىلىمدامالاردى، ەرىكتىلىكتى جانە ت.ب. قوسا العاندا);
باعدارلاما تالاپتارىنا سايكەس اعىلشىن ٴتىلىن ٴبىلۋ دەڭگەيى:
- ۇلىبريتانيا ازاماتتىعىنىڭ بولماۋى جانە سول ەلدە بۇعان دەيىن قانداي دا ٴبىر مەملەكەتتىك ستيپەنديا بويىنشا وقىماۋ.

تاپسىرىلاتىن قۇجاتتار:

- اعىلشىن تىلىندە جازىلعان 2 ۇسىنىس حات;
- ٴتولقۇجات نەمەسە جەكە كۋالىك;
- ديپلوم مەن ترانسكريپت كوشىرمەسى;
- ماگيستراتۋرا بويىنشا تاڭداۋ جاسالعان ٴۇش باعىت.

قۇجاتتار pdf فورماتىندا جانە 5مb اسپايتىن كولەمدە قابىلدانادى. باعدارلاماعا قاتىسۋ وتىنىمدەرى e-chevening جۇيەسى ارقىلى ونلاين رەجيمدە قابىلدانادى. قۇجاتتاردى پوشتا ارقىلى جىبەرۋ كوزدەلمەگەن.
ستيپەنديا تۋرالى ناقتىراق ۇيىمداستىرۋشىلار سايتىنان بىلۋگە بولادى.

2018-2019 وقۋ جىلىنا ارنالعان ۇلىبريتانيادا وقۋعا مۇمكىندىك بەرەتىن حالىقارالىق chevening ستيپەندياسىنا ۇمىتكەرلەردى قابىلداۋ 8 قاراشادا اياقتالدى. 2019-2020 جىلدارى ۇلىبريتانيادا وقۋ ٴۇشىن كەلەسى جىلدىڭ تامىز ايىندا قۇجات قابىلداۋ قايتا باستالادى.

ايتا كەتسەك، اتالعان شاكىرتاقى كەمبريدج پەن وكسفوردقا جول اشاتىن بىردەن-بىر باعدارلاما. chevening اتاۋى ۇلىبريتانيانىڭ سىرتقى ىستەر ٴمينيسترى رەزيدەنسياسى chevening house اتاۋىنان شىققان. جىل سايىن چيۆنينگ باعدارلاماسى بويىنشا الەمنىڭ 150 مەملەكەتىنەن كەلگەن 2300 استام ستيپەندياتتار ٴبىلىم الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي