استانادا 4 بالاباقشا مەملەكەتتىك تاپسىرىس الۋ قۇقىعىنان ايىرىلدى - ٴبىلىم & عىلىم|15 تامىز 2018، 12:46
كۋرسى ۆاليۋت وبنوۆليايۋتسيا
استانا:

استانادا 4 بالاباقشا مەملەكەتتىك تاپسىرىس الۋ قۇقىعىنان ايىرىلدى

فوتو: ашық дереккөзден

پروكۋراتۋرامەن بىرلەسىپ جۇرگىزىلگەن ٴتيىستى تەكسەرۋلەردىڭ ناتيجەسىندە ەلورداداعى 4 بالاباقشا مەملەكەتتىك تاپسىرىس الۋدان شەتتەتىلدى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا استانا قالاسى ٴبىلىم باسقارماسىنىڭ باسشىسى انۋار جانعوزين مالىمدەدى، دەپ حابارلايدى baq.kz ٴتىلشىسى.

«بۇگىنگى تاڭدا استانا قالاسى اكىمدىگى ٴبىلىم سالاسىنا جان-جاقتى قولداۋ كورسەتىلىپ وتىر. سونىڭ ىشىندە، ٴبىلىم سالاسىن قارجىلاندىرۋ سوڭعى ەكى جىلدا قارقىندى وسۋدە. بۇل سوما 2017 جىلى 54 ملرد تەڭگەنى قۇراسا، بيىل قارجىلانىرۋ 65 ملرد تەڭگە كولەمىندە بولىپ، 20% ارتتى. سونىڭ ىشىندە، باسىمدىق بەرىلگەن باعىتتار – ول ٴبىلىم بەرۋ نىساندارىن قاجەتتى دەڭگەيدە قامتاماسىز ەتۋ، جوندەۋ جۇمىستارى، قوسىمشا ٴبىلىم بەرۋ جۇيەلەرى جانە تاعى باسقالار. بۇگىنگى تاڭدا قالامىزدا 336 مەكتەپكە دەيىنگى ٴبىلىم بەرۋ ۇيىمدارى بار. جىل سايىن مەكەمەلەر سانى ارتىپ وتىر. سونىڭ ارقاسىندا سوڭعى ەكى جىلدىڭ ىشىندە 3-6 جاس ارالىعىنداعى بالالار مەكتەپكە دەيىنگى دايارلىقپەن قامتاماسىز ەتۋ كورسەتكىشتەرى 70%-تەن 81%-كە دەيىن ٴوستى»، - دەدى جانعوزين.

ول استانالىق بالالاردىڭ 30% جەكەمەنشىك بالاباقشالار ارقىلى قامتىلىپ وتىرعانىن، سونىڭ ىشىندە، جەكەمەنشىك مەكتەپكە دەيىنگى ۇيىمداردا 18 مىڭ ورىنعا مەملەكەتتىك ٴبىلىم بەرۋ تاپسىرىس ورنالاستىرىلعانىن ايتتى.

«وتكەن جىلدىڭ وزىندە ەلوردادا 79 جەكەمەنشىك بالاباقشا اشىلدى. جەكەمەنشىك بالاباقشالار جەلىسىنىڭ ۇلعايۋىنا بايلانىستى ٴبىز ولاردىڭ جۇمىسىنىڭ ساپاسىن ارتتىرۋ بويىنشا شارالاردى قولعا الىپ جاتىرمىز. وسىلايشا، ٴبىز العاش رەت پروكۋراتۋرا جانە جەكەمەنشىك بالاباقشالار قاۋىمداستىعىمەن بىرلەسىپ بۇل مەكەمەلەرگە تەكسەرۋ مەن مونيترونگ جۇرگىزدىك. ناتيجەسىندە، 4 بالاباقشا مەملەكەتتىك تاپسىرىس الۋ قۇقىعىنان ايىرىلىپ، 14 بالاباقشاعا ەسكەرتۋلەر جاسالدى. ولار وسى ايدىڭ سوڭىنا دەيىن ول ەسكەرتۋلەردى جويىپ، ٴبىز مەملەكەتتىك تاپسىرىستى سوزۋ بويىنشا ماسەلەنى قايتا قاراستىراتىن بولامىز»، - دەدى باسقارما باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي