استانادا كوللەدجدەر ٴۇشىن 3،5 مىڭعا جۋىق گرانت ٴبولىندى

فوتو: astana.gov.kz

سونىمەن قاتار، 2017-2021 جىلدارعا ارنالعان جۇمىسپەن ناتيجەلى قامتۋ جانە كاسىپكەرلىكتى جاپپاي دامىتۋ باعدارلاماسى بويىنشا 1050 ورىنعا ارنالعان ورتا كاسىپتىك تەگىن ٴبىلىم الۋ مۇمكىندىگى بار، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

استانا اكىمدىگى تەحنيكالىق جانە كاسىپتىك ٴبىلىم بەرۋ ۇيىمدارىندا 3 493 ورىندىق مەملەكەتتىك ٴبىلىم بەرۋ تاپسىرىسىن ورنالاستىرادى. بۇل – ەلباسىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىن جانە بەس الەۋمەتتىك باستاماسى مەن «سيفرلىق قازاقستان» كەشەندى باعدارلاماسىن جۇزەگە اسىرۋ.

كوللەدجدەرگە ارناۋلى ورتا ٴبىلىمى بار، جالپى ورتا ٴبىلىمى بار، تەحنيكالىق جانە كاسىپتىك ٴبىلىمى بار قازاستان رەسپۋبليكاسىنىڭ ازاماتتارى، شەتەل ازاماتتارى جانە ازاماتتىعى جوق ازاماتتار قابىلدانادى، ياعني 9-11 سىنىپ وقۋشىلارى مەن كوللەدج ستۋدەنتتەرى.

سونىمەن قاتار، 2017-2021 جىلدارعا ارنالعان جۇمىسپەن ناتيجەلى قامتۋ جانە كاسىپكەرلىكتى جاپپاي دامىتۋ باعدارلاماسى بويىنشا 1050 ورىنعا ارنالعان ورتا كاسىپتىك تەگىن ٴبىلىم الۋعا مۇمكىندىك بار. وعان 9-11 سىنىپ وقۋشىلارى، جوو-نا تۇسە الماعان قىز-جىگىتتەر، جۇمىس ىزدەپ جۇرگەندەر جانە تاعى باسقا ازاماتتار تۇسە الادى.

مەملەكەتتىك ٴبىلىم بەرۋ تاپسىرىسى قانداي ماماندىقتارعا بەرىلەتىنى جايلى اقپاراتتى استانا قالاسى اكىمدىگى ٴبىلىم باسقارماسىنىڭ سايتىنان بىلۋگە بولادى.

وسى ٴبىلىم گرانتتارىنا قۇجاتتاردى قابىلداۋ تومەندەگى ۋاقىتتاردا جۇرەدى:

1) تەحنيكالىق جانە كاسىپتىك ٴبىلىم بەرۋ باعدارلامالارى بويىنشا، ورتا بۋىن ماماندارىن دايارلاۋدى كوزدەيتىن كۇندىزگى بولىمگە 20 ماۋسىم مەن 20 تامىز، كەشكى جانە سىرتتاي وقۋعا 20 ماۋسىم - 20 قىركۇيەك، ونەر جانە مادەنيەت ماماندىقتارى بويىنشا 20 ماۋسىم مەن 20 شىلدە ارالىعى;

2) تەحنيكالىق جانە كاسىپتىك ٴبىلىم بەرۋ باعدارلامالارى بويىنشا جالپى ماماندىقتار مەن نەعۇرلىم كۇردەلى (ارالاس) كاسىپتەر 20 ماۋسىم مەن 20 تامىز، كەشكى وقىتۋ بويىنشا 20 ماۋسىم مەن 20 قىركۇيەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!