ارىستانبەك مۇحامەدي ۇلى گرانتسىز قالعان سپورتشىلارعا قاتىستى پىكىرىن ايتتى - ٴبىلىم & عىلىم|15 تامىز 2018، 12:40
كۋرسى ۆاليۋت وبنوۆليايۋتسيا
استانا:

ارىستانبەك مۇحامەدي ۇلى گرانتسىز قالعان سپورتشىلارعا قاتىستى پىكىرىن ايتتى

قر مادەنيەت جانە سپورت ٴمينيسترى ارىستانبەك مۇحامەدي ۇلى ەلىمىزدىڭ جوعارى وقۋ ورىندارىندا مەملەكەتتىك گرانتتاردى ٴبولۋ كەزىندە سپورتتىق جەتىستىكتەردىڭ ەسكەرىلمەۋىنە قاتىستى پىكىرىن ايتتى، دەپ حابارلايدى baq.kz ٴتىلشىسى.

«وكىنىشكە قاراي، بۇل ماسەلە ٴبىلىم جانە عىلىم مينيسترلىگىنىڭ قۇزىرىندا، جانە ارينە مادەنيەت جانە سپورت مينيسترلىگى قازىرگى تاڭدا جاڭا زاڭ ازىرلەۋ جۇمىسىنا قاتىسۋدا. ٴبىز ٴبىرىنشى كەزەكتە قازاقستاندى ناسيحاتتاۋ ٴۇشىن تەر توگىپ جۇرگەن مىقتى سپورتشىلارىمىزدىڭ جاقسى ٴبىلىم الاۋىنا مۇددەلىمىز. ارينە، ەگەر ادام ٴوزىنىڭ نەگىزگى ۋاقىتىن سپورتقا باعىتتاسا، ول تەستىلەۋگە تولىق دايىن بولمايدى. ٴبىز بولاشاقتا وسى ماسەلەلەردى ەسكەرۋىمىز كەرەك. سەبەبى، بىزگە ولاردىڭ ەڭبەگىن باعالاماۋ ارينە دۇرىس ەمەس»، - دەدى ارىستانبەك مۇحامەدي ۇلى سپورت كۇنىنە ارنالعان شارادان كەيىن جۋرناليستەرگە بەرگەن سۇحباتىندا.


سونداي-اق، ۆەدومستۆو باسشىسى سپورتشىلارعا بىلىمگە ۇمتىلىپ، شەبەرلىگىن شىڭداۋعا تىرىسقاندارى ٴۇشىن العىسىن ايتتى.

«ٴبىز ولاردى قولداۋىمىز كەرەك. مەنىڭ ويىمشا، ٴبىز جاقىن ارادا ٴبىلىم جانە عىلىم مينيسترلىگىمەن بىرلەسىپ، كوميسسيا قۇرىپ، قانداي دا ٴبىر كونسەسۋسقا كەلۋگە تىرىسامىز. قازىرگى تاڭدا ٴبىز وسى باعىتتا جۇمىس ىستەپ جاتىرمىز. ٴبىز سالالىق مينيسترلىك (بعم) الداعى ۋاقىتتا سپورت پەن ونەردىڭ ەرەكشىلىكتەرىن ەسكەرسە دەيمىز»، - دەدى مينيستر.

اتاپ وتسەك، جاڭا ەرەجەلەرگە سايكەس قازاق سپورت جانە تۋريزم اكادەمياسى تۇلەكتەردى ىرىكتەۋ كەزىندە ۇلتتىق ٴبىرىڭعاي تەستىلەۋ ناتيجەسىنە عانا سۇيەنەدى. بۇعان دەيىن ابيتۋريەنت-سپورتشىلار «ۇبت-دا جوعارى بالل الىپ، سپورتتا جەتىستىكتەرگە جەتسەك دە، سپورت جانە تۋريزم اكادەمياسىندا گرانتسىز قالدىق» دەپ نارازىلىق بىلدىرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي