ارال اۋدانىندا اۋرۋحانا مەن مەكتەپ-ليسەيى اشىلدى - ٴبىلىم & عىلىم|02 قاراشا 2018، 17:28
كۋرسى ۆاليۋت وبنوۆليايۋتسيا
استانا:

ارال اۋدانىندا اۋرۋحانا مەن مەكتەپ-ليسەيى اشىلدى

استانا، baq.kz. وبلىس اكىمى قىرىمبەك كوشەربايەۆ اۋدانعا جۇمىس ساپارى بارىسىندا اۋداندىق اۋرۋحانا مەن مەكتەپتىڭ اشىلۋ سالتاناتىنا قاتىستى.

3 قاباتتى اۋرۋحانا 150 ورىنعا ارنالعان. ونىڭ ىشىندە تەراپيا، حيرۋرگيا، تراۆماتولوگيا، پەدياتريا، گينەكولوگيا، ينفەكسيالىق جانە دەرماتوۆەنەرولوگيالىق بولىمشەلەر قىزمەت كورسەتەدى.

وبلىس اكىمى اۋرۋحانا ۇجىمىن جاڭا نىساننىڭ اشىلۋىمەن قۇتتىقتادى.

«قازىرگى تاڭدا ەلباسى تاپسىرماسىمەن مەملەكەتتىك-جەكەمەنشىك ارىپتەستىك اياسىندا مەملەكەت پەن جەكە سەكتور اراسىندا ۇزاق مەرزىمدى ىنتىماقتاستىقتى قالىپتاستىرۋعا باعىتتالعان جۇمىستار ٴجۇرىپ جاتىر. وبلىس بويىنشا ٴبىلىم، دەنساۋلىق، سپورت، جالپى الەۋمەتتىك سالالار بويىنشا 52 نىساننىڭ جوباسى ازىرلەنىپ جاتىر. وتكەن جىلى قازالى تەمىرجول اۋرۋحاناسىنىڭ بازاسىندا ارال، قازالى، قارماقشى اۋداندارىنىڭ تۇرعىندارى ٴۇشىن اۋدانارالىق ينسۋلتتىق ورتالىق، بايقوڭىر قالاسىنان كوپسالالى اۋرۋحانا اشىلدى. قاجەتتى مامانداردى رەزيدەنتۋراعا دايىنداۋ ماقساتىندا وبلىس اكىمىنىڭ گرانتىن بولدىك، ٴقازىر 22 مامان وقىپ جاتىر»، - دەدى ايماق باسشىسى.

سونداي-اق، بۇگىن اۋدان ورتالىعىندا № 14 مەكتەپ-ليسەيىنىڭ اشىلۋ ٴراسىمى ٴوتتى. مۇندا ٴدارىسحانالاردان باسقا اسحانا، اكت زالى، كىتاپحانا، سپورت زالى جانە مەكتەپ اۋلاسىندا سپورت الاڭى بار. سونىمەن قاتار، روبوتوتەحنيكا كابينەتى، ۆولەيبول سەكسياسى جانە شەبەرحانا جۇمىس ىستەيدى.

ايماق باسشىسى ۇستازدار مەن اتا-انالاردى مەكتەپ-ليسەيدىڭ اشىلۋىمەن قۇتتىقتادى.

«دەنى ساۋ جانە ٴبىلىمدى، باسەكەگە قابىلەتتى ۇرپاعىمىزبەن وركەنيەتتى 30 ەلدىڭ قاتارىنا كىرۋگە تولىق مۇمكىندىگىمىز بار. مەكتەپتىڭ جاڭا عيماراتى پەداگوگيكالىق ۇجىمعا ٴبىلىم بەرۋ جۇيەسىنىڭ الدىندا تۇرعان مىندەتتەردى شەشۋگە كومەكتەسەدى دەپ سەنەمىن. ال مىندەتتەر وتە اۋقىمدى - بۇل ادام كاپيتالىن دامىتۋ»، - دەپ اتاپ ٴوتتى وبلىس اكىمى.

سونىمەن قاتار، بۇگىن وبلىس اكىمى ارالداعى اپاتتى ۇيلەردىڭ ورنىنا بەرىلگەن 27 جەكە ٴۇيدىڭ تۇرعىندارىمەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي