امەريكالىق ەرىكتى قاراعاندى وبلىسىندا اعىلشىن ٴتىلىن تەگىن ۇيرەتىپ ٴجۇر - ٴبىلىم & عىلىم|26 قازان 2018، 11:13
كۋرسى ۆاليۋت وبنوۆليايۋتسيا
استانا:

امەريكالىق ەرىكتى قاراعاندى وبلىسىندا اعىلشىن ٴتىلىن تەگىن ۇيرەتىپ ٴجۇر

قاراعاندى، baq.kz. امەريكالىق ەرىكتى ميريام گرينفيلد قاراعاندى وبلىسى، نۇرا اۋدانىنىڭ №3 كيەۆكا ورتا مەكتەبىنىڭ وقۋشىلارىنا 1 ايدان استام ۋاقىت بويى اعىلشىن ٴتىلىن ۇيرەتىپ كەلەدى. قازاقستانعا كەلگەنىنە كوپ ۋاقىت بولماسا دا، اۋىل تۇرعىندارىمەن دوستاسىپ، وقۋشىلاردىڭ سۇيىكتى مۇعالىمدەرىنە اينالىپ ۇلگەرگەن.

وسى جىلى العاش رەت جۇزەگە اسقان «english for jastar» جوباسى بويىنشا 9 شەتەلدىك جانە 146 قازاقستاندىق ەرىكتى ەلىمىزدىڭ مەكتەپ وقۋشىلارىنا اعىلشىن ٴتىلىن ۇيرەتۋگە، سويلەۋ داعدىلارىن دامىتۋعا كومەكتەسۋ ٴۇشىن 2 ايعا شالعاي اۋىلدارعا اتتانعان. سولاردىڭ ٴبىرى – امەريكانىڭ نيۋ-يورك قالاسىنان كەلگەن ميريام.

ميريام بالالارعا تەك ساباق ۇيرەتىپ قانا قويماي، اۋىلدىڭ قايناعان تىرشىلىگىنە بەلسەنە ارالاسىپ ٴجۇر. اۋىل تۇرعىندارى دا ونى ٴجيى وتباسىلىق مەرەكەلەرگە، تويعا، بالىققا، ەكسكۋرسيالارعا قاتىسۋعا شاقىرىپ تۇرادى. ايتا كەتۋ كەرەك، ول الەۋمەتتىك جەلىلەردە دە وتە بەلسەندى، اۋىلدا وتكەن ٴار كۇنىمەن ينتەرنەت پاراقشاسىندا دوستارىمەن ٴبولىسىپ تۇرادى. سونداي-اق ول بوس ۋاقىتىن جەرگىلىكتى جاتتىعۋ زالىندا يوگا جاتتىقتىرۋشىسى رەتىندە وتكىزەدى.

«وقۋشىلارىم كەرەمەت. وتە تاربيەلى، بىلىمگە قۇشتار، ساباقتا مۇقيات تىڭداپ، كوپ نارسە ۇيرەنۋگە تىرىسادى. كۇندە تاڭەرتەڭنەن باستاپ جۇزدەگەن بالا قۇشاقتاپ راحمەتىن ايتادى. مەن ٴۇشىن ەڭ ۇلكەن جەتىستىك وسى. اۋىل تۇرعىندارى اقجارقىن، اشىق، وتە قوناقجاي. كەلەسى جىلى دا كەلۋگە قارسى ەمەسپىن» - دەيدى ميريام قازاقستانداعى وقۋشىلاردىڭ ٴتارتىبى جايلى.

سونداي-اق ەرىكتىلەر قاتارىندا گارۆارد ۋنيۆەرسيتەتىنىڭ ستۋدەنتى كەننەت پالمەر دە بار. ول ٴقازىر قاراعاندى وبلىسىنىڭ وساكاروۆكا اۋدانىندا وقۋشىلارعا اعىلشىن ٴتىلىن تەگىن ۇيرەتىپ ٴجۇر. ودان وزگە ەرىكتىلەر ەلىمىزدىڭ تۇركىستان، اقمولا، اقتوبە، سولتۇستىك قازاقستان، قوستاناي، پاۆلودار، الماتى وبلىستارىنىڭ اۋىلدارىنا اتتانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي