BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىنىڭ ناۋرىزباي اۋدانىندا جاڭا مەكتەپ اشىلدى

الماتىعا جاقىندا قوسىلعان ناۋرىزباي اۋدانىندا 1200 ورىندى جاڭا مەملەكەتتىك مەكتەپ اشىلدى، مۇندا ەرەكشە ٴبىلىمدى قاجەت ەتەتىن بالالاردىڭ تەرەڭ ٴارى ساپالى ٴدارىس الۋلارى ٴۇشىن بارلىق جاعدايلار جاسالعان، دەپ حابارلايدى baq.kz اقپارات اگەنتتىگى.

قالا اكىمى باۋىرجان بايبەك تاياۋدا عانا پايدالانۋعا بەرىلگەن 1200 ورىندى مەكتەپتىڭ وقۋشىلارىمەن جانە ولاردىڭ اتا- انالارىمەن كەزدەستى.
جاڭا وقۋ ورنىندا روبوت تەحنيكالارى كابينەتتەرى، فيزيكا مەن حيميانىڭ ارنايى سىنىپتارى، اتا – انالاردىڭ قوناق بولمەلەرى، ويىن الاڭدارى جانە باسقالارى بار. مۇندا سەيسميكالىق قاۋىپسىزدىككە ەرەكشە ٴمان بەرىلگەن، سوندىقتان بارلىق جابدىقتار مەن مەكتەپ جيھازدارى قابىرعالارعا مىقتاپ بەكىتىلگەن.

مەكتەپ عيماراتى تاكتيلدى جولمەن، سوقىر جانە ارنايى شىراقتاردىڭ وزىمەن ارەڭ كورەتىن بالالار ٴۇشىن ٴبرايلدىڭ رەلەفتى- نۇكتەلى شريفتەرى ارقىلى ٴدارىس بەرەتىن سىنىپتارمەن، ارنايى سانيتارلىق بولمەلەرمەن جانە شاقىرۋ نۇكتەلەرىمەن تولىق قامتاماسىز ەتىلگەن.

«بارىنشا قولايلى جانە جاقسى مەكتەپ. اربامەن جۇرۋدە ەش كەدەرگى بولماۋ ٴۇشىن ليفت جۇمىس ىستەيدى. ٴبىز وسىدان ٴتورت جىل بۇرىن قىتايدان تۋعان وتانىمىزعا ورالعان بولاتىنبىز. وكىنىشكە وراي، مەنىڭ ٴزارۋىم سىندى بالالاردىڭ وندا ٴبىلىم الۋلارىنا ەش مۇمكىندىك جاسالماعان. مەن تۋعان ەلىمە ورالۋدى، قىزىمنىڭ قازاقستاندا ٴبىلىم الۋىن ارماندادىم. مەملەكەت باسشىسىنا راحمەت، ەلىمىزدە بالالاردىڭ ٴبىلىم الۋى ٴۇشىن بارلىق جاعدايلار قاراستىرىلعان، جات جۇرتتان كەلسەك تە ٴبىزدى ەشكىم وزگەلەردەن بولگەن جوق، قايتا قۇشاقتارىن اشتى. ارمانىم، قىزىمنىڭ ٴوز اياعىمەن تىك تۇرۋى»، - دەدى ٴبىرىنشى سىنىپ وقۋشىسى مولداسان گۇلبىبىنىڭ اناسى.

ٴبىرىنشى سىنىپ وقۋشىسىنىڭ ٴوزى جاڭا مەكتەپتىڭ ۇنايتىنىن جانە سىنىپتاستارىمەن تانىسقانىن ايتتى.

بۇگىن 240 مىڭنان استام الماتىلىق وقۋشىلار ٴۇشىن العاشقى قوڭىراۋ سوعىلدى، ولاردىڭ 25 مىڭى - ٴبىرىنشى سىنىپتىقتار. ٴدال وسى كۇنى الماتىدا 2300 ورىندى تاعى جاڭا ٴتورت مەكتەپ ەسىكتەرىن ايقارا اشتى.

ەسكە سالساق، الماتىدا بيىلعى جىلى ٴبىلىم وشاقتارىن سالۋ مەن كۇردەلى جوندەۋدەن وتكىزۋگە 17 ملرد. تەڭگەدەن استام قارجى ٴبولىندى.

1840 ورىندى 9 مەملەكەتتىك بالا باقشا قۇرىلىسى جۇرۋدە.جاڭا وقۋ جىلىندا 840 ورىندى تاعى 4 مەملەكەتتىك بالا باقشانىڭ قۇرىلىسى باستالادى.

№26 مەكتەپتىڭ ەسكى عيماراتى جاڭاردى. 90 ورىندى كوررەكسيالىق بالا باقشا اشىلدى. الاتاۋ اۋدانىنداعى №151 مەكتەپ جانىنان سالىنعان 600 ورىندى قوسالقى نىسان پايدالانۋعا بەرىلدى.وقۋ جىلىنىڭ ەكىنشى توقسانىنىڭ باسىندا مۇندا 600 ورىندى مەكتەپ پەن №184، 185 مەكتەپتەر جانىنان ٴارقايسىسى 400 ورىندى قوسالقى نىساندار اشىلاتىن بولادى.

ەلباسىنىڭ «بەس الەۋمەتتىك باستاماسى» اياسىندا الماتىدا تاياۋداعى ٴۇش جىل ىشىندە 37 جاتاقحانا سالىنادى.ٴقازىردىڭ وزىندە 4 مىڭ ورىندى 7 جاتاقحانا قۇرىلىستارى باستالدى. ولاردىڭ تورتەۋى بيىلعى جىلى پايدالانۋعا بەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي