الماتىداعى كورمە قازاقستاننىڭ «ورتالىق ازياداعى ٴبىلىم حابى» بولا الاتىندىعىن دالەلدەدى

الماتى،baq.kz ٴتىلشىسى. الماتى قالاسىندا ٴوتىپ جاتقان الەمدىك جوعارعى وقۋ ورىندارى سەزى اياسىنداعى كورمە ٴوز جۇمىسىن باستادى. بۇل ٴىس-شارانى «حالىقارالىق باعدارلامالار ورتالىعى» ​اق ۇيىمداستىرىپ وتىر. كورمەگە الەمنىڭ 40-تان استام مەملەكەتىنەن 200-گە جۋىق جوعارعى وقۋ ورىندارى قاتىسۋدا. الماتىداعى كورمە جۇمىسىنىڭ سالتاناتتى اشىلۋىنا الماتى قالاسىنىڭ اكىمى باۋىرجان بايبەك پەن «حالىقارالىق باعدارلامالار ورتالىعى» ​اق پرەزيدەنتى جانبولات مەلدەشوۆ پەن شەتەلدىك ديپلوماتيالىق كورپۋستاردىڭ وكىلدەرى قاتىسادى دەپ جوسپارلانۋدا.

«جالپى كورمەگە 40 ەلدەن كەلگەن 200-گە ۋنيۆەرسيتەت وكىلدەرى قاتىسىپ وتىر. سونىمەن قاتار بۇل ۋنيۆەرسيتەتتەردىڭ ىشىندە 60% قازاقستاندىق ازاماتتار ٴۇشىن تەگىن تۇراتىن ورىن مەن ستيپەنديا بەرۋگە دايىن. كەيبىر جوعارى وقۋ ورىندار ٴبىر جىلدىق ٴتىل ۇيرەنۋ كۋرستارىنان ٴوتۋ مۇمكىندىكتەرىن بەرەدى»-دەدى «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ.

كورمەگە قاتىسۋشى شەتەلدىۋك سەرىكتەستەر قازاقستاننىڭ راسىندا دا «ورتالىق ازيا ٴبىلىم حابى» بولۋعا ۇلكەن مۇمكىندىگى بار ەكەندىگىن ايتىپ وتىر.
كورمە اياسىندا ٴبىلىم بەرۋ سالاسىنداعى شەتەلدىك ساراپشىلاردىڭ قاتىسۋىمەن سەمينارلار مەن دوڭگەلەك ۇستەلدەر وتكىزۋ جوسپارلانۋدا. سونداي-اق، كورمە قاتىسۋشىلارى ٴۇشىن ۋاجدەمەلىك حاتتاردى جانە حالىقارالىق تەستىلەۋلەردى جازۋ بويىنشا تاجىريبەلىك ماستەر-كلاسستار وتكىزىلەتىن بولادى.
ٴىس-شاراعا اقش، ۇلىبريتانيا، سينگاپۋر، جاپونيا، شۆەيساريا، پولشا، ۆەنگريا، يسپانيا، ليتۆا، وڭتۇستىك كورەيا، قىتاي جانە ت.ب. ەۋروپالىق ستاندارتتارى بويىنشا ٴبىلىم بەرەتىن جوعارى وقۋ ورىندارى قاتىسادى.
سونداي-اق، كورمەگە جالپى تەگىن ٴبىلىم بەرەتىن فينليانديا، چەحيا، گەرمانيا، فرانسيا ەلدەرىنىڭ جوعارى وقۋ ورىندارى قاتىسپاق. اتالعان ەلدەرگە تەگىن وقۋعا ٴتۇسۋ ٴۇشىن تەك قۇجات جيناپ، كونكۋرستىق ىرىكتەۋدەن ٴوتۋ قاجەت، بۇل جۇمىستا حالىقارالىق باعدارلامالار ورتالىعى تالاپكەرلەرگە كومەك كورسەتۋگە دايىن.
كورمەنىڭ نەگىزگى ماقساتى قازاقستان ازاماتتارىنىڭ شەتەلدە تەگىن ٴبىلىم الۋ مۇمكىندىكتەرى تۋرالى اقپاراتتاندىرۋ جانە وتاندىق جوعارى وقۋ ورىندارى مەن شەتەلدىك ۋنيۆەرسيتەتتەردىڭ اراسىنداعى ىنتىماقتاستىقتى كەڭەيتۋ بولىپ تابىلادى.
كورمە جۇمىسى بارىسىندا «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ ٴبىلىم حابىن قۇرۋ تۋرالى ايتتى.

«ٴبىزدىڭ نەگىزگى ماقساتتارىمىزدىڭ ٴبىرى قازاقستاندى ورتا ازياداعى «ٴبىلىم حابى» جاساۋ دەسەك، الدىمەن ٴوز جوعارعى وقۋ ورىندارىمىزدى بەلگىلى ٴبىر دارەجەدە الەمدىك دەىگەيدەگى ۋنيۆەرسيتتەرمەن قاتار تۇرا الاتىنداي ەتىپ دايارلاپ شىعارۋ. مىنە، وسىعان بايلانىستى، وتكىزىلگەلى وتىرعان «حالىقارالىق ٴبىلىم كورمەسىندە» ەلىمىزدىڭ ۋنيۆەرسيتتەرى شەتەلدىك مامانداردان تەگىن ماستەر كلاستار الۋدى ۇيىمداستىرىپ وتىرمىز. ولاردىڭ ەڭ جاقسى دەگەن مودۋلدەرى مەن جەتكەن جەتىستىكتەرىنەن وزىمىزگە قاجەتتىلەرىن ۇيرەنۋىمىز قاجەت» - دەدى ول.

ەرجان جاۋباي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!