BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا جاستار اراسىندا روبوتوتەحنيكادان قر چەمپيوناتى ٴوتىپ جاتىر

فوتو: Автор

الماتى، baq.kz ٴتىلشىسى. الماتى ەنەرگەتيكا جانە بايلانىس ۋنيۆەرسيتەتىندە 14 پەن 29 جاس ارالىعىنداعى جاستار اراسىندا روبوتوتەحنيكادان قر چەمپيوناتى باستالدى.

قاراشانىڭ 24 دەيىن سوزىلاتىن بۇل شاراعا ەلىمىزدىڭ ٴار تۇكپىرىنەن كەلگەن 10 كوماندا قاتىسۋدا. ۇيىمداستىرۋشىلاردىڭ ايتۋىنشا، چەمپيونات «سيفرلى قازاقستان» باعدارلاماسى اياسىندا وتكىزىلىپ وتىر.

ەۋرازيالىق ۇلتتىق ۋنيۆەرسيتەتىنىڭ فيزيكا-تەحنيكا فاكۋلتەتىنىڭ 4 كۋرس ستۋدەنتى ولجاس ابدراحمان ەلىمىزدەگى روبوتوتەحنيكانىڭ دامۋىنا ٴوز ۇلەسىن قوسقىسى كەلەتىنىن ايتادى.

«بۇگىنگى چەمپيوناتتان جوعارى ناتيجەگە قول جەتكىزەمىن دەگەن ويدامىن. جالپى ورىن الۋ ماقسات ەمەس، باستىسى تاجىريبە جيناقتاۋ. سونداي-اق ەلىمىزدەگى روبوتوتەحنيكانىڭ دامۋىنا ٴوز ۇلەسىمدى قوسقىم كەلەدى. ۋنيۆەرسيتەتتە روبوت قۇراستىرۋمەن اينالىسامىز، ٴوز زەرتحانامىز دا بار. ٴقازىر ادامداردا روبوتتارعا دەگەن قورقىنىش بار، ياعني بولاشاقتا جۇمىسسىز قالامىزبا دەپ ويلايدى. ودان قورىقپاۋ كەرەك، ولار تەك ادامنىڭ جۇمىسىن جەڭىلدەتەدى»، -دەيدى ول.

چەمپيوناتقا وقۋشىلار كومانداسى دا قاتىسۋدا، ولاردىڭ تاپسىرماسى ستۋدەنتتەردىكىنەن وزگەشە، سوندىقتان وقۋشىلار ۇزدىگى جەكەلەي انىقتالادى ەكەن.

شاراعا قاتىسىپ وتىرعان ٴادىلقازىلاردىڭ ٴبىرى قۋانىش زىكىربايەۆ مۇنداي چەمپيوناتتار جاستاردىڭ ٴبىلىمىن ارتتىرادى دەگەن ويدا.

«روبوت جاساۋ بارىسىندا جاستار بىرىنشىدەن ٴار سالا بويىنشا ٴبىلىمىن ارتتىرادى، ياعني قۇرىلىس، ٴوندىرىس نەمەسە اۆياسيا، عارىش سالاسى بويىنشا. ودان كەيىن روبوتوتەحنيكا تەك روبوتتان تۇرمايدى، ول ەلەكترونيكا، پروگراممالاۋ، مەحانيكا سياقتى سالانى مەڭگەرۋدى قاجەت ەتەدى. ستۋدەنتتەر مەن وقۋشىلار روبوتتى جاساۋ بارىسىندا پروگراممالاۋدى ۇيرەنەدى. ول جاستاردىڭ ويلاۋ جۇيەسىن ارتتىرادى. وزدەرىڭىز بىلەسىزدەر 2017 جىلى ەلباسى «سيفرلى قازاقستان» باعدارلاماسىن كەڭىنەن ەنگىزۋدى بۇيىرعان. سودان بەرى ەلىمىزدەگى كوپتەگەن مەكەمەلەر وندىرىستە روبوتتاردى قولدانۋعا كوشۋدە. مىسال رەتىندە قازپوشتانى ايتۋعا بولادى، وندا ادامداردىڭ جۇمىسىن ٴقازىر روبوتتار اتقارۋدا»، -دەيدى ول.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي