الماتىدا «جاس وركەن» باعدارلاماسىنىڭ تانىستىرىلىمى ٴوتتى - ٴبىلىم & عىلىم|01 قاراشا 2018، 15:28
كۋرسى ۆاليۋت وبنوۆليايۋتسيا
استانا:

الماتىدا «جاس وركەن» باعدارلاماسىنىڭ تانىستىرىلىمى ٴوتتى

الماتى، baq.kz ٴتىلشىسى. الماتى ەنەرگەتيكا جانە بايلانىس ۋنيۆەرسيتەتىندە جاس ماماندارعا ارنالعان «جاس وركەن» باعدارلاماسىنىڭ تانىستىرىلىمى ٴوتتى.

ۇيىمداستىرۋشىلاردىڭ ايتۋىنشا، «جاس وركەن» باعدارلاماسى – «سامۇرىق-قازىنا» كورپوراتيۆتى ۋنيۆەرسيتەت بازاسىندا 2016، 2017 جانە 2018 جىلدارداعى جوو ٴتامامداعان دارىندى تۇلەكتەردى تارتۋعا، ىرىكتەۋگە جانە دامىتۋعا ارنالعان باستاما. باعدارلاما اياسىندا جاس ماماندار «سامۇرىق-قازىنا» قور توبىندا جۇمىسقا ورنالاسۋعا مۇمكىندىك الادى. بيىل باعدارلاما ٴۇشىنشى رەت وتكىزىلىپ وتىر ەكەن.

جيىن بارىسىندا باعدارلاما جەتەكشىسى گۇلنۇر جاسەكەنوۆا جىل سايىن اتالعان باعدارلاماعا دەگەن سۇرانىستىڭ ارتىپ وتىرعانىن جانە كەلەسى جىلى قاتىسۋشىلار سانى 30-عا دەيىن وسەتىنىن جەتكىزدى

«ەكى جىلدان بەرى «سامۇرىق-قازىنا» اق «جاس وركەن» باعدارلاماسىن «سامۇرىق-قازىنا» كورپوراتيۆتى ۋنيۆەرسيتەتىمەن بىرلەسە جۇرگىزىپ كەلەدى. وسى ۋاقىت ارالىعىندا 40 قاتىسۋشىعا تاجىريبە جيناۋعا مۇمكىندىك بەرىلدى. ولاردىڭ 20-سى بيىل تاعىلىمداما باعدارلاماسىن ٴتامامدايدى. بۇل باعدارلاماعا دەگەن سۇرانىس وتە جوعارى. ماسەلەن، ٴبىز 2017 جىلى 594 ٴوتىنىمدى قابىلداساق، ال 2018 جىلى بۇل كورسەتكىش 737-گە دەيىن ارتتى. 2019 جىلى 30 قاتىسۋشىنى ىرىكتەپ الۋ جوسپارلانىپ وتىر. باعدارلامانىڭ تانىستىرىلىمىن ەلىمىزدىڭ 11 قالاسىندا جانە 92 جوو-دا وتكىزگەلى وتىرمىز»،- دەيدى گۇلنۇر جاسەكەنوۆا.

وتىنىمدەر باعدارلامانىڭ رەسمي سايتىندا (http://www.zhasorken.skcu.kz/) 2019 جىلدىڭ 1 قاڭتارىنان باستاپ قابىلدانا باستايدى. وعان باكالاۆرياتتىڭ نەمەسە ماگيستراتۋرانىڭ 2017، 2018 جانە 2019 جىلدارداعى تۇلەكتەر قاتىسا الادى.

وسى باعدارلامانىڭ ٴبىرىنشى تولقىنىنىڭ جەڭىمپازى جارقىن سارسەنعالي باعدارلاما دارىندى جاستاردى ەلىمىزدەگى ٴىرى كومپانيالاردا تاعىلىمدامادان ٴوتىپ، تاجىريبە جيناقتاپ، كەلەشەكتە سول مەكەمەگە جۇمىسقا ورنالاسۋعا مۇمكىندىك الادى.

«ٴار كومپانيانىڭ ٴوز ٴتارتىبى، كورپوراتيۆتىك قۇندىلىقتارى بولادى. بىزگە كەلگەن جاستار تاۋ-كەن سالاسى بويىنشا، ەلەكتر جەلىلەرىن تاسىمالداۋمەن اينالىساتىن «kegoc» كومپانياسى، اقپارات سالاسى بويىنشا جانە ەير-استانا سياقتى ٴىرى كومپانيالاردا تاعىلىمدامادان وتە الادى، ولاردىڭ وزىندىك ٴتارتىبى، قۇندىلىقتارى بار. ٴبىزدىڭ باعدارالامانىڭ تيىمدىلىگىنە كەلسەم «سامۇرىق-قازىنا» ٴار سالا بويىنشا بىزگە تالىمگەرلەر جىبەرەدى، ولار وزدەرىنىڭ تاجىريبەسىمەن ٴبولىسىپ، جاستارعا جول سىلتەيدى. «جاس وركەن» تاعىلىمداماسى وسى تالىمگەرلەردىڭ جۇمىسى»، -دەيدى ج.سارسەنعالي.

باعدارلامىنىڭ بارىسى مەن ۇمىتكەرلەرگە قويىلاتىن تالاپتار جايلى جوبا جەتەكشىسى جانە «جاس وركەن» باعدارلاماسىنىڭ قاتىسۋشىلارى ايتىپ بەرەدى

ىرىكتەۋ بىرنەشە كەزەڭدىك بايقاۋدان تۇرادى ەكەن. ودان سۇرىنبەي وتكەن جاستار ٴۇشىن ەكى اپتالىق وقىتۋ كۋرسى قاراستىرىلعان جانە ولارعا باعىت-باعدار بەرىلەدى. باعدارلامانىڭ ٴوزى 2019 جىلدىڭ قىركۇيەك ايىنان 2021 جىلدىڭ مامىر ايىنا دەيىن جالعاسادى.

ۇيىمداستىرۋشىلاردىڭ ايتۋىنشا، باعدارلاماعا قاتىسۋشىلارعا اقى تولەنەدى. ولارمەن 20 ايلىق ەڭبەك كەلىسىم-شارتى جاسالادى. ونىڭ اياسىندا ٴتالىم الۋشىلار ەكى جىلدىڭ ىشىندە 5 اي سايىن «سامۇرىق-قازىنا» كومپانيالار توبىنىڭ ٴارتۇرلى ٴتورت كاسىپورنىندا تاجىريبەلەرىن شىڭدايدى. سونداي-اق «جاس وركەن» باعدارلاماسىنىڭ ۇزدىك تۇلەكتەرى «سامۇرىق-قازىنا» اق كورجىندىق كومپانيالارىنىڭ بىرىندە جۇمىسقا ورنالاسۋعا مۇمكىندىك الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي