الماتىدا جاڭا ٴالىپبيدى سىنامادان وتكىزۋ جۇمىستارى باستالدى - ٴبىلىم & عىلىم|17 تامىز 2018، 21:39
كۋرسى ۆاليۋت وبنوۆليايۋتسيا
استانا:

الماتىدا جاڭا ٴالىپبيدى سىنامادان وتكىزۋ جۇمىستارى باستالدى

ەلىمىزدە جاڭا ٴالىپبيدى سىنامادان وتكىزۋ جۇمىستارى جالعاسۋدا. اباي اتىنداعى قازاق ۇلتتىق ۋنيۆەرسيتەتىندە جانە سۇلەيمان دەميرەل اتىنداعى ۋنيۆەرسيتەتتە وتكىزىلگەن سىناما جۇمىستارىنا الماتى قالاسىنىڭ جانە الماتى وبلىستارىنىڭ 300-دەن استام تۇرعىنى قاتىستى، دەپ حابارلايدى baq.kz اقپارات اگەنتتىگى.

سىناما جۇمىستارى قازاقستان رەسپۋبليكاسى مادەنيەت جانە سپورت مينيسترلىگىنىڭ ٴتىل ساياساتى كوميتەتىنىڭ تاپسىرىسىمەن ش. شاياحمەتوۆ اتىنداعى «ٴتىل قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن وتكىزىلدى.

سىناما جۇمىستارىن باستار الدىندا قاتىسۋشىلارعا قازاق ٴالىپبيىن لاتىن گرافيكاسىنا كوشىرۋ بويىنشا اقپاراتتىق ناسيحات جۇمىس توبىنىڭ جەتەكشىسى، ش.شاياحمەتوۆ اتىنداعى «ٴتىل – قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ، ا.بايتۇرسىن ۇلى اتىنداعى ٴتىل ٴبىلىمى ينستيتۋتى گرامماتيكا ٴبولىمىنىڭ مەڭگەرۋشىسى، فيلولوگيا عىلىمدارىنىڭ دوكتورى ورىناي جۇبايەۆا، «مەملەكەتتىك ٴتىلدى دامىتۋ ينستيتۋتى» جشس اتقارۋشى ديرەكتورى، فيلولوگيا عىلىمدارىنىڭ كانديداتى بيجومارت قاپالبەك قاتىسۋشىلارعا سىنامانىڭ ماقساتى مەن مىندەتتەرىن ٴتۇسىندىردى.

«لاتىن الىپبيىنە كوشۋ – وركەنيەتكە ىلەسۋ. ەلباسى جولداۋدا «قازاق ٴتىلى – ٴبىزدىڭ رۋحاني نەگىزىمىز. قازاق ٴتىلى 2025 جىلعا قاراي ٴومىردىڭ بارلىق سالاسىندا ۇستەمدىك ەتىپ، كەز كەلگەن ورتادا كۇندەلىكتى قاتىناس تىلىنە اينالادى دەپ ەسەپتەيمىن»، – دەپ اتاپ ٴوتتى ورتالىق ديرەكتورى ە. تىلەشوۆ.

سىناماعا الماتى، كاسكەلەڭ قالالارىنان باسقارمالاردىڭ، دەپارتامەنتتەردىڭ، اكىمدىكتەردىڭ قىزمەتكەرلەرى، وقىتۋشىلار، ستۋدەنتتەر، جالپى سانى 320 ادام قاتىستى.

«جالپى ەملە ەرەجەلەرىن جاساۋدا وتە مۇقيات بولۋ كەرەك. ٴاربىر باپتى تالداپ، تالقىلاپ، اپروباسيادان وتكىزىپ بارىپ قابىلداعان دۇرىس. مىنە، بۇگىنگى اپروباسيا(سىناما) ٴىسى وسىعان بايلانىستى. ەستەرىڭىزدە بولسا، 1940 جىلعى 13 قاراشادا «قازاق جازۋىن لاتىنداندىرىلعان الىپبيدەن ورىس گرافيكاسى نەگىزىندەگى جاڭا الىپبيگە كوشىرۋ تۋرالى» زاڭ قابىلدانعانىمەن، ەملە ەرەجەسى تەك 1957 جىلى عانا بەكىتىلدى جانە وعان 1983 جىلى وزگەرتۋلەر مەن تۇزەتۋلەر ەنگىزىلدى. سوعان قاراماستان، ول ەرەجەنىڭ جوعارىدا كورسەتىلگەندەي كەيبىر كەمشىن تۇستارىنىڭ بار ەكەنى ٴالى دە ايتىلىپ ٴجۇر. سوندىقتان قاتەلەسپەس ٴۇشىن ەندى قابىلدانار ەملە ەرەجەلەرىنە مۇقيات قاراعانىمىز ابزال» - دەدى «مەملەكەتتىك ٴتىلدى دامىتۋ ينستيتۋتى» جشس اتقارۋشى ديرەكتورى، فيلولوگيا عىلىمدارىنىڭ كانديداتى بيجومارت قاپالبەك.

سىناققا قاتىسقان الماتى، كاسكەلەڭ قالالارىنىڭ، اباي اتىنداعى ۇلتتىق پەداگوگيكالىق ۋنيۆەرسيتەتىنىڭ، سۇلەيمەن دەمەرەل ۋنيۆەرسيتەتىنىڭ وقىتۋشىلارى مەن ستۋدەنتتەرى جاڭا ٴالىپبيدىڭ جوباسىنا زور قىزىعۋشىلىق تانىتتىپ، قىزۋ تالقىلادى.

ۇيىمداستىرۋشىلاردىڭ ايتۋىنشا، سىناما ناتيجەسىندە بەرىلگەن ۇسىنىستار نەگىزگى ەملە ەرەجەلەردى ازىرلەۋ بارىسىندا ەسكەرىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي