BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ۇزدىك مۇعالىمدەر ماراپاتتالدى

فوتو: Алматы қаласы әкімдігі

الماتى، baq.kz. الماتىدا ورتا ٴبىلىم بەرەتىن مەكەمەلەردىڭ 100-دەن استام مۇعالىمدەرى قاتىسقان «ۇستاز مارتەبەسى – ۇلت مەرەيى» قالالىق كونكۋرسىنىڭ قورىتىندىسى شىعارىلدى.

قالالىق اكىمدىكتىڭ ٴباسپاسوز قىزمەتىنەن حابارلاعانداي، №159 مەكتەپتىڭ قازاق ٴتىلى مەن ادەبيەتى ٴپانىنىڭ ٴمۇعالىمى ساۋلە احمەتوۆا الماتىنىڭ «ۇزدىك ٴمۇعالىمى» اتاندى، وعان جاڭادان اشىلعان №168 مەكتەپتە سالتاناتتى تۇردە ٴاۆتوموبيلدىڭ كىلتى تاپسىرىلدى. №140 مەكتەپتىڭ ينفورماتيكا ٴپانىنىڭ ٴمۇعالىمى نۇرعالى نۇرىمبەتوۆكە وتباسىلىق دەمالىستىڭ جولداماسى بەرىلدى. بۇلاردان وزگە ٴبىرقاتار ۇستازدارعا ديپلومدار مەن 500 جانە 300 مىڭ ٴىرى تەڭگەلىك سەرتيفيكاتتار تابىس ەتىلدى. ۇستازدار اراسىندا مۇنداي بايقاۋ وتكىزۋدىڭ باستاماشىسى- جەرگىلىكتى كاسىپكەر مۇرات ٴادىلحانوۆ، ول «تۋعان جەر» باعدارلاماسى اياسىندا وسى وقۋ مەكەمەسىن سالىپ بەرگەن ەدى.

«مەملەكەت باسشىسىنىڭ قولداۋى ارقاسىندا الماتىدا 117 وقۋ ورىندارى سالىندى. تەك سوڭعى بەس جىل ىشىندە عانا ٴبىلىم سالاسىن قارجىلاندىرۋ مەگاپوليستە 37%-عا نەمەسە 27 ملرد. تەڭگەگە ٴوستى. قازىرگى كەزدە ٴبىلىم سالاسىنىڭ ينفراقۇرىلىمىن دامىتۋعا ەرەكشە نازار اۋدارىلۋدا. تەك بيىلدىڭ وزىندە عانا قۇرىلىس پەن كۇردەلى جوندەۋ جۇمىستارىنا 17 ملرد. تەڭگەدەن استام قارجى ٴبولىندى. مەن سىزدەرگە بارىنشا جاۋاپتى ٴارى قيىن جۇمىستارىڭىز ٴۇشىن العىس ايتامىن. ۇستازداردىڭ جۇمىس ساپاسى وقۋشىلارىنىڭ ٴتۇرلى بايقاۋلاردا جەڭىمپاز اتانۋىمەن جانە وزدەرىڭىزدىڭ جەكە كاسىبي بىلىكتىلىكتەرىڭىزبەن ايقىندالادى»، - دەپ اتاپ ٴوتتى ٴوزىنىڭ قۇتتىقتاۋ سوزىندە الماتى اكىمى باۋىرجان بايبەك.

ايتا كەتەرلىگى، مەملەكەت باسشىسىنىڭ جولداۋىن جۇزەگە اسىرۋ بارىسىندا بيۋدجەت قارجىسى ەسەبىنەن قالادا تاعى دا 8 جاڭا مەكتەپ سالىنادى.

جىل باسىنان بەرى جاڭارعان ادىسپەن ٴدارىس بەرۋگە كوشكەن الماتى مۇعالىمدەرىنىڭ 70%-نىڭ جالاقىسى 30%-عا ٴوستى. ۇلتتىق تەستىلەۋدەن وتكەن 1293 ٴمۇعالىم 1 قىركۇيەكتەن باستاپ العاش رەت وزدەرىنىڭ قىزمەتتىك جالاقىسىنا 30-دان 50%-عا دەيىن قوسىمشا ۇستەمە الاتىن بولادى.

بۇدان وزگە، مەملەكەت اعىلشىن تىلىندە ساباق بەرەتىن مۇعالىمدەرگە قولداۋ كورسەتۋدە. بيىل مىنە، ەكىنشى جىل فيزيكا، حيميا، بيولوگيا، ينفورماتيكا پاندەرىن اعىلشىن تىلىندە وقىتاتىن ۇستازدارعا وزدەرىنىڭ قىزمەتتىك جالاقىسىنىڭ ۇستىنە 200%-دىق كولەمدە قوسىمشا اقى تولەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي