الماتىدا مەكتەپ تۇلەكتەرىنىڭ فورۋمى ٴوتىپ جاتىر - ٴبىلىم & عىلىم|26 قازان 2018، 13:36
كۋرسى ۆاليۋت وبنوۆليايۋتسيا
استانا:

الماتىدا مەكتەپ تۇلەكتەرىنىڭ فورۋمى ٴوتىپ جاتىر

فوتو: Автор

الماتى، baq.kz ٴتىلشىسى. الماتىدا مەدەۋ اۋدانى مەكتەپ تۇلەكتەرىنىڭ ٴىىى فورۋمى ٴوتىپ جاتىر.

مەكتەپ تۇلەكتەرىنىڭ العاشقى فورۋمى 2016 جىلى ۇيىمداستىرىلعان، سودان بەرى ٴداستۇرلى تۇردە جىل سايىن وتكىزىلىپ كەلەدى. جالپى تاۋەلسىزدىك جىلدارىنىڭ وزىندە مەدەۋ اۋدانى مەكتەپتەرىن 30 مىڭنان اسا وقۋشى تامامداپتى.

ۇيىمداستىرۋشىلاردىڭ ايتۋىنشا، شارانىڭ باستى ماقساتى وسى اۋداننىڭ مەكتەبىندە ٴبىلىم الىپ ٴارى ۇلكەن جەتىستىككە جەتكەن تۇلەكتەرمەن مەكتەپ اراسىندا بايلانىس ورناتىپ، جاس ۇرپاققا ۇلگى ەتۋ.

ش.ۋاليحانوۆ اتىنداعى №12 مەكتەپ-گيمنازياسىندا ٴبىلىم الىپ، 1966 جىلى ٴبىلىم وشاعىنان تۇلەپ ۇشقان جازۋشى سماعۇل ەلۋبايەۆ ٴوز مەكتەبىن ماقتان تۇتاتىنىن جەتكىزدى.

«ەلباسىمىز قازاق مەكتەپتەرىنىڭ قارا شاڭىراعى دەپ اتاعان №12 مەكتەپ-گيمنازياسىن بيىل 93 جىل تولادى، كوپ ۇزاماي 100 كەلەدى. كۇلاش بايسەيىتوۆا، نۇرعيسا تىلەنديەۆ، ٴابىلحان قاستەەۆ باستاعان قازاق ونەرىنىڭ، مادەنيەتىنىڭ نەگىزىن قالاعان ۇلى تۇلعالار وسى مەكتەپتى بىتىرگەن. سونى ٴبىز ماقتان تۇتامىز جانە مەكتەبىمىزدى ىلعي قولداپ وتىرامىز»، - دەيدى ول.

سونىمەن قاتار ول، قازان جولداۋىنداعى ەلباسىنىڭ ٴمۇعالىم مارتەبەسىن كوتەرۋ جونىندەگى باستاماسىن قولدايتىندىعىن ايتىپ ٴوتتى.

«سوۆەت زامانىندا ودان كەيىنگى ۋاقىتتا دا مۇعالىمدەردىڭ مارتەبەسى تومەندەي باستاعان ەدى. ونىڭ ايلىعى جانە باسقا دا الەۋمەتتىك ماسەلەسى شيەلەنىسە ٴتۇستى. ەلباسىنىڭ سوڭعى جولداۋىندا وسى ماسەلە اشىق كوتەرىلدى. ٴمۇعالىمنىڭ مارتەبەسىن كوتەرۋ جونىندەگى زاڭ قابىلداۋ قاجەتتىگى ايتىلدى. بۇل ٴبىزدىڭ ۇرپاعىمىزدى كوتەرەتىن زاڭ بولۋى ٴتيىس. ٴمۇعالىمنىڭ مارتەبەسى ول ۇرپاقتىڭ مارتەبەسى»، - دەدى س.ەلۋبايەۆ.

ەكىنشى فورۋمنىڭ قورىتىندىسى بويىنشا ۇزدىك 100 ٴمۇعالىم تۋرالى كىتاپ باسىلىپ شىعىپتى. سونداي-اق ولجاس سۇلەيمەنوۆ وقىعان № 28 مەكتەپتە اقىن اتىنداعى مۋزەي اشىلعان. ٴماسليحات دەپۋتاتى مۋرات ٴادىلحانوۆ № 168 مەكتەپ-گيمنازياسىن كۇردەلى جوندەۋدەن وتكىزۋگە دەمەۋشىلىك جاساعان. ال، مەكتەپتى 2002 جىلى تامامداعان سابىرحان سۇلتانوۆ مەكتەبىنە 1 ميلليون 700 مىڭ تەڭگە كولەمىندە ماتەريالدىق كومەك بەرگەن. سونىمەن قاتار تۇلەكتەردىڭ «ٴسابي» قورى № 159 گيمنازيانى كۇردەلى جوندەۋدەن وتكىزۋگە 45 ملن تەڭگە قاراجات بولگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي