الماتىدا ٴبىلىم كۇنىنە وراي «7 ٴۇشىن 7» قايىرىمدىلىق اكسياسى ٴوتىپ جاتىر - ٴبىلىم & عىلىم|23 تامىز 2018، 11:55
كۋرسى ۆاليۋت وبنوۆليايۋتسيا
استانا:

الماتىدا ٴبىلىم كۇنىنە وراي «7 ٴۇشىن 7» قايىرىمدىلىق اكسياسى ٴوتىپ جاتىر

اتالعان اكسيا اياسىندا الماتىنىڭ ەڭ ٴىرى فيتنەس-كلۋبى قايىرىمدىلىق تاپسىرىلاتىن كەرەك-جابدىقتاردى قابىلداۋ ورتالىعىنا اينالدى، دەپ حابارلايدى baq.kz اقپارات اگەنتتىگى.

الماتىنىڭ سپورتشى ٴارى ەرىكتى سەرگەي لەۆادنيي 7 كۇن ىشىندە 7 ترياتلون ديستانسياسىن ورىنداۋ مىندەتتەمەسىن ٴوز موينىنا العان. جوبانىڭ ماقساتى – قالا تۇرعىندارىن تارتا وتىرىپ، ولاردىڭ كومەگىمەن از قامتاماسىز ەتىلگەن وتباسىنان شىققان ەرەكشە قاجەتتىلىكتەرى بار بالالاردى مەكتەپكە دايىنداۋ.

«يدەيا حالىقارالىق تاجىريبەدەن تۋىندادى. وندا سپورتشىلار قايىرىمدىلىق ماقساتتارىندا اسا ۇزاق ديستانسيالاردى ٴجيى جاسايدى. مەن مۇگەدەك بالالاردىڭ مەكتەپتە جانە ۇيدە جاقسى وقۋى ٴۇشىن قاجەتتى نارسەنىڭ بارلىعى بولعانىن قالايمىن. 7 كۇن ىشىندە ironman فورماتىنىڭ جارتىسى 7 ديستانسياسىن جاساۋعا ۋادە بەرەمىن (ٴجۇزۋ — 1،9 كم، ۆەلوجارىس — 90 كم، جۇگىرۋ — 21،1 كم). بۇل سپورتتىق باعدارلامانى كۇن سايىن كۇننىڭ ەكىنشى جارتىسىندا ورىندايمىن. ٴبىز بارلىعىمىز بىرگە بالالاردى مەكتەپكە دايىندايمىز دەپ سەنەمىن»، - دەدى س.لەۆادنيي.

اكسيانىڭ ٴاربىر كۇنى ول قالا بويىمەن جۇگىرەدى، ۆەلوسيپەدپەن تەۋىپ، باسسەيندە جۇزەدى. وسى ارقىلى ول بارلىق ادامداردىڭ نازارىن زياتكەرلىك مۇمكىندىكتەرى شەكتەۋلى، ميلىق سالدانۋعا، داۋن سيندرومىنا، اۋتيزمگە جانە قۇلاق ەستۋ اۋىتقۋلارىنا شالدىققان بالالاردى مەكتەپكە دايىنداۋ اۋدارتپاق.

«سەرگەي يدەياسىمەن ٴبولىسىپ، بىزگە جۇگىندى، جانە دە ٴبىز اتا-انالار ٴۇشىن بالانى مەكتەپكە دايىنداۋدا اسا اۋىر سوعاتىن بالالاردىڭ ٴتىزىمىن دايىندادىق. وسىنداي اتا-انالاردىڭ كەيبىرەۋلەرىندە مۇگەدەكتىك بويىنشا جاردەماقى – كۇن كورۋدىڭ جالعىز كوزى بولىپ وتىر. سەبەبى، ولار سىرقات بالالارىن كۇتۋ ٴۇشىن جۇمىستارىن تاستاۋعا ٴماجبۇر. ٴبىز سونىمەن قاتار ۇيىمداستىرۋشىلارعا ٴدال قانداي كەڭسە تاۋارلارى قاجەت ەكەنىن حابارلادىق»، — دەيدى «سپەشيال وليمپيكس» قب فيليالىنىڭ ديرەكتورى گالينا يلينا.

اكادەميك ش. ەسەنوۆ اتىنداعى ٴعىلىمي-بىلىم بەرۋ قورىنىڭ komanda sos ەرىكتىلەردى ۇيلەستىرۋ ورتالىعى سەرگەيگە سپورتتىق كيىم-كەشەكتى ۇسىنىپ، ۇيىمداستىرۋ جاعىنان قولداۋ كورسەتتى. الماتى ترياتلون فەدەراسياسى (اتف) اكسياعا تەحنيكالىق قولداۋ كورسەتىپ، تورەشىلىك باقىلاۋ جۇرگىزەدى.

بەلگىلى قازاقستاندىق ironman، ترياتلونشى ٴارى باپكەر ماكسيم مازۋر، «7 كۇن ىشىندە ironman فورماتىنىڭ جارتىسى 7 ديستانسياسىن ورىنداۋ وتە قيىن مىندەت دەپ سانايدى. «بۇعان ٴاربىر سپورتشىنىڭ ٴالى كەلە بەرمەيدى. ٴبىراق مەن سەرگەيدى جىگەرلى، رۋحى مىقتى ترياتلەت رەتىندە بىلەمىن. سونداي-اق، ونىڭ فيزيكالىق دايىندىعى وتە جاقسى، سوندىقتان دا، ونىڭ قولىنان كەلەدى دەپ سەنەمىن»، -دەدى ول.

قايىرىمدىلىق اكسيانىڭ ٴبىرىنشى كۇنىنەن باستاپ مەكتەپتىك كەڭسە كەرەك-جاراقتارىن جيناۋ باستالعان (سومكەلەر، داپتەرلەر، قالامدار، داپتەرلەر مەن كىتاپتارعا ارنالعان قاپتار جانە ت.ب.). الماتىنىڭ ەڭ ٴىرى فيتنەس-كلۋبى قايىرىمدىلىق تاپسىرىلاتىن كەرەك-جابدىقتاردى قابىلداۋ ورتالىعىنا اينالعان. قازاقستاندىق مەگاپوليستىڭ ٴاربىر بەي-جاي قارامايتىن تۇرعىنى نەمەسە قوناعى بالالاردى مەكتەپكە دايىنداۋعا جەكە ات سالىسا الادى. بۇل ٴۇشىن الماتىدا مىنا تەلەفون ارقىلى komanda sos قىزمەتكەرلەرىمەن بايلانىسۋ جەتكىلىكتى: +7 727 346 92 88. مەكتەپتىك جيىنتىقتاردى جيناۋ 28 تامىزدا اياقتالادى، ال 29 تامىزدا ولاردى ەرەكشە قاجەتتىلىكتەرى بار بالالارعا تابىستاۋ جوسپارلانۋدى. بۇل سەرگەي لەۆادنييدىڭ ٴبىرىنشى قايىرىمدىلىق اكسياسى ەمەس. ەكى جىل بۇرىن ول قايىرىمدىلىق ۋلتراترياتلوننىڭ كومەگىمەن الماتىنىڭ از قامتاماسىز ەتىلگەن وتباسىلاردان شىققان 48 وقۋشىنى مەكتەپكە دايىنداۋعا كومەك كورسەتۋدى ۇيىمداستىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي