الەۋمەتتىك جەلى قولدانۋشىلارى تاۋلىكتىڭ ٴتۇرلى ۋاقىتىندا نە ويلايدى – زەرتتەۋ

فوتو: aspira.hr

زەرتتەۋ جۇمىسىنىڭ اۆتورلارى الەۋمەتتىك جەلىدە وتىراتىن ادامداردىڭ پسيحوەموسيونالدى كۇيى تاۋلىك بويى قالاي وزگەرەتىنىن انىقتاپ كوردى. ولار twitter جەلىسىن قولدانۋشىلار مەن تاۋلىكتەگى ۋاقىتتىڭ اراسىندا قانداي بايلانىس بار ەكەنىن زەرتتەدى، دەپ حابارلايدى baq.kz اقپارات اگەنتتىگى nplus1.ru سايتىنا سىلتەمە جاساپ.

عالىمدار ۇلىبريتانيانىڭ ٴىرى 54 قالاسىندا تۇراتىن ادامداردىڭ الەۋمەتتىك جەلىدە نە جازاتىندارىن ٴتورت جىل بويى باقىلاعان. ٴتورت جىل ىشىندە قالا تۇرعىندارى twitter-گە 800 ميلليونعا جۋىق جازبا مەن 7 ميللياردقا جۋىق ٴسوز جازعان.

ساعات 03:00-04:00 ارالىعىندا ادامنىڭ پسيحيكالىق كۇيى وزگەرەدى ەكەن. ساعات تۇنگى ۇشتەن كەيىن الەۋمەتتىك جەلى قولدانۋشىلارى ٴولىم تاقىرىبىندا، ال تورتكە جۋىق ٴدىن تاقىرىبىندا وي قوزعايدى ەكەن. وسى ۋاقىت ارالىعىندا ولار كوبىنەسە جاعىمسىز ەموسيادا بولادى.

كۇندەلىكتى تاڭعى ساعات 06:00 مەن 10:00 ارالىعىندا ادامنىڭ ساراپتامالىق ويلاۋ قابىلەتى جاقسى جۇمىس ىستەيدى. الەۋمەتتىك جەلى قولدانۋشىلارى بۇل ۋاقىتتا جەتكەن جەتىستىكتەرى، قانداي تاۋەكەلگە بارعاندارى، ماراپاتتارى مەن جەكە باسىنىڭ ماسەلەلەرى تۋرالى جازادى. سونىمەن قاتار، وسى ۋاقىتتا جاعىمسىز كۇي دە بايقالادى، ٴبىراق دەمالىس كۇندەرى بۇل جاعىمدى كۇيگە اۋىسا باستايدى. ادام ٴوزىن ەڭ باقىتتى سەزىنەتىن كەز – جەكسەنبىنىڭ تاڭى، ٴبىراق كەشكە قاراي كوڭىل-كۇي بىرتىندەپ تۇسە باستايدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!