BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمدىك جوو-لار تۇركىستان وبلىسى ٴۇشىن ماماندار دايارلاۋعا نيەتتى

شىمكەنت، baq.kz. شىمكەنتتە «بولاشاق» حالىقارالىق باعدارلاماسىنىڭ 25 جىلدىعىنا وراي ازياداعى ەڭ ٴىرى international education fair ٴبىلىم كورمەسى ٴوز جۇمىسىن باستادى.

كورمەنىڭ سالتاناتتى اشىلۋىنا اقش-تىڭ كولورادو شاتىتىنىڭ فورت كوللينس قالاسىنىڭ مەرى wade o. troxell، «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ جانە شىمكەنت قالاسى اكىمشىلىگىنىڭ وكىلدەرى قاتىسادى.

«شىمكەنت قالاسىندا 96 جوعارعى وقۋ ورنىنان كەلگەن 150 شەتەلدىك وكىلدەر ٴبىلىم جارمەڭكەسىنە قاتىسىپ وتىر. سونىمەن قاتار بۇل ۋنيۆەرسيتەتتەردىڭ ىشىندە 60% قازاقستاندىق ازاماتتار ٴۇشىن تەگىن تۇراتىن ورىن مەن ستيپەنديا بەرۋگە دايىن. كەيبىر جوعارى وقۋ ورىندار ٴبىر جىلدىق ٴتىل ۇيرەنۋ كۋرستارىنان ٴوتۋ مۇمكىندىكتەرىن بەرەدى» - دەيدى «بولاشاق» وكىلى.

كورمە اياسىندا ٴبىلىم بەرۋ سالاسىنداعى شەتەلدىك ساراپشىلاردىڭ قاتىسۋىمەن سەمينارلار مەن دوڭگەلەك ۇستەلدەر وتەدى. سونداي-اق، كورمە قاتىسۋشىلارى ٴۇشىن ۋاجدەمەلىك حاتتاردى جانە حالىقارالىق تەستىلەۋلەردى جازۋ بويىنشا تاجىريبەلىك ماستەر-كلاسستار وتكىزىلەتىن بولادى.

ٴىس-شاراعا اقش، ۇلىبريتانيا، سينگاپۋر، جاپونيا، شۆەيساريا، پولشا، ۆەنگريا، يسپانيا، ليتۆا، وڭتۇستىك كورەيا، قىتاي جانە ت.ب. ەۋروپالىق ستاندارتتارى بويىنشا ٴبىلىم بەرەتىن جوعارى وقۋ ورىندارى قاتىسادى.

سونداي-اق، كورمەگە جالپى تەگىن ٴبىلىم بەرەتىن فينليانديا، چەحيا، گەرمانيا، فرانسيا ەلدەرىنىڭ جوعارى وقۋ ورىندارى قاتىسپاق. اتالعان ەلدەرگە تەگىن وقۋعا ٴتۇسۋ ٴۇشىن تەك قۇجات جيناپ، كونكۋرستىق ىرىكتەۋدەن ٴوتۋ قاجەت، بۇل جۇمىستا حالىقارالىق باعدارلامالار ورتالىعى تالاپكەرلەرگە كومەك كورسەتۋگە دايىن.

كورمەنىڭ نەگىزگى ماقساتى قازاقستان ازاماتتارىنىڭ شەتەلدە تەگىن ٴبىلىم الۋ مۇمكىندىكتەرى تۋرالى اقپاراتتاندىرۋ جانە وتاندىق جوعارى وقۋ ورىندارى مەن شەتەلدىك ۋنيۆەرسيتەتتەردىڭ اراسىنداعى ىنتىماقتاستىقتى كەڭەيتۋ بولىپ تابىلادى.

ەستەرىڭىزگە سالا كەتەيىك، بۇعان دەيىن ٴبىلىم كورمەسى استانادا جانە اتىراۋدا وتكەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي