BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە ٴابىش كەكىلبايەۆ اتىنداعى مەكتەپ-ليسەيى اشىلدى

استانا، baq.kz. قر تاۋەلسىزدىگى قارساڭىندا اقتوبەدە قوعام جانە ساياسي قايراتكەر، قازاقستان حالىق جازۋشىسى ٴابىش كەكىلبايەۆتىڭ ەسىمى بەرىلگەن جاڭا مەكتەپ اشىلدى. بۇل باتىس وڭىرىندەگى زاماناۋي اقپاراتتىق تەحنولوگيالاردى تەرەڭ وقىتاتىن العاشقى مەكتەپ-ليسەي.

سالتاناتتى شاراعا اقتوبە وبلىسىنىڭ اكىمى بەردىبەك ساپاربايەۆ، ٴابىش كەكىلبايەۆتىڭ جۇبايى مەن ۇلى – كلارا جۇمابايەۆا مەن داۋلەت كەكىلبايەۆ، قوعام وكىلدەرى قاتىستى.

«ٴابىش كەكىلبايەۆ قازاقستاننىڭ زاماناۋي مادەنيەتىندە ەرەكشە ورىن الادى. ونىڭ ۇلى شىعارمالارى الەمنىڭ ونداعان تىلىنە اۋدارىلدى. ول جازۋشى عانا ەمەس، مەملەكەتتىڭ قالىپتاسۋى مەن نىعايۋىنا، حالىقتىڭ بىرلىگىن دامىتۋ ٴۇشىن كوپ نارسە جاساعان دارىندى ساياسي قايراتكەر. ماعان ونىمەن تانىس بولۋ جانە كوپ جىلدار بويى بىرگە جۇمىس ىستەۋ باقىتى بۇيىردى. ول – جۇرەگى كەڭ جان. ونىڭ مۇراسىن وسكەلەڭ ۇرپاققا تابىس ەتۋ – پارىزىمىز. بالالار وسىنداي ۇلى ادامداردى ۇلگى تۇتىپ، ٴومىر ٴسۇرۋدى ۇيرەنۋلەرى كەرەك. سوندىقتان دا جاڭا مەكتەپ ٴابىش كەكىلبايەۆتىڭ قۇرمەتىنە، ونىڭ ەسىمىمەن اتالدى»، - دەدى وبلىس اكىمى قۇتتىقتاۋ سوزىندە.

900 وقۋشىعا ارنالعان №72 ىت-مەكتەپ-ليسەي اۆياتور شاعىن اۋدانىندا ورنالاسقان. ونىڭ قۇرىلىسىنا، اباتتانۋى مەن جاراقتانۋىنا شامامەن 1،6 ملرد تەڭگە ٴبولىندى.

مەكتەپتە قىرىق وقۋ كابينەتى جۇمىس جاسايتىن بولادى، سونىڭ ىشىندە ينفورماتيكا، فيزيكا، حيميا جانە بيولوگيا، اعىلشىن ٴتىلى پاندەرىنىڭ جابىدقتالعان كابينەتتەرى، كىتاپحانا، مەدياتەكا بار. 1-7 سىنىپ وقۋشىلارى اقپاراتتىق تەحنولوگيا نەگىزدەرىن ۇيرەنەدى، 7 سىنىپتان باستاپ ارنايى باعدارلامالاۋ ٴتىلىنىڭ كۋرستارى وقۋ جوسپارىنا ەنگىزىلەدى. سونداي-اق، روبوت تەحنيكاسى مەن 3d-پرينتينگتى تەرەڭ وقىتۋ جاعى قارالدى.

مەكتەپتىڭ سالتاناتتى اشىلۋ ٴراسىمى وقۋ عيماراتىنىڭ قاسبەتىندە ٴابىش كەكىلبايەۆتىڭ قۇرمەتىنە ورناتىلعان مەموريالدى تاقتاعا گۇل شوقتارىن قويۋمەن اياقتالدى.

«اقتوبەلىكتەرگە ەسكە العاندارى ٴۇشىن العىس ايتامىن. ٴابىش 77 جاسىندا ومىردەن ٴوتتى، ٴبىراق ارتىنان ۇلكەن ٴىز قالدىردى. ونىڭ باستى تىلەگى ٴارقاشان ٴبىر نارسە بولدى – ٴوز ەلىنىڭ باي، بەيبىت ٴارى گۇلدەنگەنىن كورۋ. بۇگىندە ٴبىز سونداي ۋاقىتتا ٴومىر ٴسۇرىپ جاتىرمىز. بالالار، وسى سىيدى باعالاي بىلىڭىزدەر. ۇلكەندەردىڭ سىزدەر ٴۇشىن جاساعاندارىن باعالاي بىلىڭىزدەر، وسىنداي يگى ىستەردى جالعاستىرىپ، ارتتىرۋعا ۇمتىلىڭىزدار»، - دەدى ٴابىش كەكىلبايەۆتىڭ جۇبايى كلارا جۇمابايەۆا.

ٴابىش كەكىلبايەۆ – قوعام جانە ساياسي قايراتكەر، ەڭبەك ەرى جانە قازاقستاننىڭ حالىق جازۋشىسى. ول قر ٴبىرىنشى حاتشىسى، پرەزيدەنتتىڭ كەڭەسشىسى بولدى. قازاقستان تاۋەلسىزدىگى قارساڭىندا ٴابىش كەكىلبايەۆ قازاق تىلىنە، ونوماستيكاعا، ۇلتتىق تاريحقا، الەۋمەتتىك-مادەني ماسەلەلەرگە جانە حالىقارالىق قاتىناستارعا بايلانىستى ماسەلەلەردى شەشۋگە بەلسەنە ات سالىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي