اقتوبە وبلىسىندا جىل سوڭىنا دەيىن 15 مەكتەپ پايدالانۋعا بەرىلەدى - ٴبىلىم & عىلىم|23 تامىز 2018، 14:46
كۋرسى ۆاليۋت وبنوۆليايۋتسيا
استانا:

اقتوبە وبلىسىندا جىل سوڭىنا دەيىن 15 مەكتەپ پايدالانۋعا بەرىلەدى

وبلىس اكىمدىگىندە ايماق باسشىسى بەردىبەك ساپاربايەۆتىڭ توراعالىعىمەن وتكەن جيىندا جاڭا وقۋ جىلىنا دايىندىق بارىسى قارالدى، دەپ حابارلايدى baq.kz اقپارات اگەنتتىگى.

جيىن بارىسىندا وبلىس اكىمى مەكتەپتەر مەن بالاباقشالارداعى قۇرىلىس-جوندەۋ جۇمىستارىنىڭ ۋاقىتىلى اياقتالۋىنا، سونداي-اق وقۋلىقتارمەن تولىق قامتاماسىز ەتۋگە نازار اۋداردى.

بيىلعى جىلى وبلىستا 9 490 وقۋشىعا ارنالعان 26 مەكتەپ سالىنۋدا. ولاردىڭ سەگىزى 1 قىركۇيەككە دەيىن اشىلادى دەپ جوسپارلانعان. بارلىعى بيىلعى جىلدىڭ قورىتىندىسى بويىنشا 15 مەكتەپ پايدالانۋعا بەرىلەدى. 1،5 ملرد تەڭگەدەن استام سوماعا 68 ٴبىلىم بەرۋ مەكەمەسىندە ورتاشا جانە كۇردەلى جوندەۋ جۇمىستارىن جالعاسۋدا.

سونىمەن قاتار، 2018-2019 وقۋ جىلىنا ارنالعان وقۋلىقتاردى ساتىپ الۋعا 1،6 ملرد تەڭگە ٴبولىندى. ولاردى ٴبىلىم بەرۋ ۇيىمدارىنا جەتكىزۋ 25 تامىزعا دەيىن اياقتالاتىن بولادى. 1 قازانعا دەيىن اۋىل مەكتەپتەرى مەن بالاباقشالاردى جىلىتۋعا ارنالعان سۇيىق جانە قاتتى وتىندى جەتكىزۋ جۇمىستارى اياقتالادى.

ٴبىلىم باسقارماسىنىڭ باسشىسى ٴلاززات ورازبايەۆانىڭ بايانداماسىن تىڭداپ، وبلىس اكىمى جۇمىستى كۇشەيتۋدى جانە بارلىق باعىتتار بويىنشا قاتاڭ باقىلاۋدى قامتاماسىز ەتۋدى تاپسىردى. سونىمەن قاتار، «مەكتەپكە جول» قايىرىمدىلىق اكسياسىمەن جۇمىستى جانداندىرىپ، مۇمكىندىگىنشە كوپ بالا قامتۋ تاپسىرىلدى.

"وقۋ جىلىنىڭ باستالۋىنا قاتىستى بارلىق سۇراقتار تۇراقتى باقىلاۋدا بولۋى كەرەك. سونداي-اق 1 قىركۇيەككە دەيىن بارلىق مەكتەپتەردى سپورتتىق قۇرال-جابدىقتارمەن قامتاماسىز ەتىپ، ماتەريالدىق-تەحنيكالىق بازانىڭ بارىنشا جاڭارتىلۋىن قاداعالاڭىز"، - دەدى وبلىس باسشىسى.

سونىمەن قاتار، جيىن بارىسىندا «تۋعان جەرگە تاعزىم» اكسياسىنىڭ ورىندالۋ بارىسى قارالدى. وسى جىلى ايماقتا جوبا اياسىندا جالپى سوماسى 3،3 ملرد تەڭگە بولاتىن 778 جوبا جۇزەگە اسىرىلۋى ٴتيىس. 7 ايدىڭ قورىتىندىسى بويىنشا قۇنى 1،2 ملرد تەڭگەنىڭ 502 جوباسى اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي