BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اگرارلىق سالادا ٴبىلىم بەرۋدى مودەرنيزاسيالاۋ – زامان تالابى

استانا، baq.kz. جۋىردا اتاۋى وزگەرگەن تۇركىستان جوعارى اگرارلىق كوللەدجىندە 15 ماماندىق بويىنشا 1896 ستۋدەنت ٴبىلىم الىپ ٴجۇر. 2016 جىلى رەسپۋبليكاداعى 283 كوللەدجدىڭ ىشىندە اۋىل شارۋاشىلىعى سالاسى بويىنشا 1 ورىنعا يە بولعان بۇل وقۋ ورنىنىڭ ماتەريالدىق-تەحنيكالىق، وقۋ-وندىرىستىك بازاسى تولىق تالاپقا ساي جابدىقتالعان.

قازاقستان رەسپۋبليكاسى ٴبىلىم جانە عىلىم ٴمينيسترىنىڭ كەڭەسشىسى مايراش تايكەنوۆا باستاعان مينيسترلىك وكىلدەرى اتالمىش كوللەدجگە ات باسىن تىرەپ، كوللەدج جۇمىسىمەن تانىسۋ بارىسىندا بۇعان كوز جەتكىزۋ مۇمكىندىگىنە يە بولدى.

كوللەدج ديرەكتورى گاۋحار بەكبەرگەنوۆا قوناقتارعا الدىمەن «ستۋدەنتتەرگە قىزمەت كورسەتۋ» ورتالىعىن كورسەتتى. ەلىمىزدە سيفرلاندىرۋ جۇيەسى مەن بارلىق سالالارداعى مۇمكىندىكتەردى پايدالانۋ، ٴبىلىم الۋشىلار مەن وقىتۋشىلاردىڭ ەلەكتروندىق ۇكىمەت پورتالى ارقىلى قىزمەت الۋ داعدىلارىن قالىپتاستىرۋ ماقساتىندا اشىلعان بۇل ورتالىق 40-تان اسا مەملەكەتتىك قىزمەت ٴتۇرىن ۇسىنادى.

كوللەدجدىڭ كوۆوركينگ ورتالىعىندا بەلسەندى جاستارمەن كەزدەسكەن قوناقتار ستۋدەنتتەرگە بۇگىنگى ٴبىلىم سالاسىنداعى وزگەرىستەرگە توقتالىپ ٴوتتى. زاماناۋي تالاپتارعا ساي بۇگىندە قانداي ماماندىقتاردىڭ سۇرانىسقا يە بولىپ وتىرعانىن، مامانداردى قالاي دايىنداۋ قاجەتتىگىن دە ٴسوز ەتتى. اگرارلىق كوللەدجدىڭ تەحنيكالىق جانە وقۋ-وندىرىستىك بازاسىمەن تانىسا وتىرىپ، ستۋدەنتتەردىڭ جوعارى بىلىكتى مامان بولىپ شىعاتىنىنا سەنىم ٴبىلدىردى.

مينيسترلىك وكىلدەرى جىلىجايدا كوشەت ەگىپ جاتقان ستۋدەنتتەردىڭ جۇمىسىمەن تانىسىپ، ولاردى اڭگىمەگە تارتتى. ديرەكتوردىڭ وقۋ-وندىرىستىك جۇمىستارى جونىندەگى ورىنباسارى بايسەرىك يسابەكوۆ بازاداعى زامانۋي تەحنيكالاردى اتاپ ٴوتتى. سونداي-اق، جىلىجايدا ەكولوگيالىق تازا جانە جوعارى ساپالى ٴونىم وندىرۋدە ەنتوموفاگتاردى ٴوسىرۋدىڭ تيىمدىلىگىن ٴسوز ەتتى. ياعني مۇندا جىلىجاي كەشەندەرىندە جوعارى ساپالى، ەكولوگيالىق تازا ونىمگە قول جەتكىزۋ ٴۇشىن كوكونىس داقىلدارىنىڭ زيانكەستەرىن جوياتىن ەنتوموفاگتار ٴوسىرىلىپ جاتىر ەكەن.

ەنتوموفاگتاردى وسىرۋگە بەيىمدەۋ جۇمىستارى زەرتحانالىق جاعدايدا جۇرگىزىلىپ جاتقان. ەكولوگيالىق ٴونىم ٴوندىرۋ ٴۇشىن الدىمەن ەگىننىڭ تۇقىمى دا تازا بولۋى تيىستىگىن ٴسوز ەتكەن كوللەدج ديرەكتورى وبلىستاعى ٴبىرقاتار جىلىجايدى وسىندا ٴوسىرىلىپ جاتقان ەنتوموفاگتارمەن قامتاماسىز ەتىپ وتىرعانىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي