BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴابدىحالىقوۆا: «بولاشاق» – ەلباسى جوبالاردى ىسكە اسىرۋ تەتىگى رەتىندە ايقىنداپ بەرگەن باعىتتاردىڭ ٴبىرى

فوتو: Бауыржан Жуасбаев

استانا، baq.kz. قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆانىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ٴوتتى. بۇل تۋرالى اقوردانىڭ ٴباسپاسوز قىزمەتى حابارلادى.

جيىندى اشقان گ.ٴابدىقالىقوۆا نۇرسۇلتان نازاربايەۆتىڭ «مەملەكەتتىڭ بارلىق باستامالارى حالقىمىزدىڭ تۇرمىس دەڭگەيىن جاقسارتۋعا باعىتتالعان. جۇرتتىڭ ساپالى ٴبىلىم الىپ، سۇرانىسقا يە ماماندىعى مەن لايىقتى جۇمىسى بولعاندا عانا ٴال-اۋقاتىمىز ارتادى» دەگەن سوزىنە توقتالدى.

– «بولاشاق» ستيپەندياسى – مەملەكەت باسشىسى اۋقىمدى جاڭا جوبالاردى ىسكە اسىرۋدىڭ بىرەگەي تەتىگى رەتىندە ايقىنداپ بەرگەن باسىم باعىتتاردىڭ ٴبىرى، – دەدى مەملەكەتتىك حاتشى.

كوميسسيا وتىرىسىندا شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ حاتتامالىق تاپسىرمالارىنىڭ ورىندالۋى تۋرالى ٴبىلىم جانە عىلىم مينيسترلىگىنىڭ ەسەبى تىڭدالدى، سونداي-اق «بولاشاق» ستيپەندياسىنىڭ جۇزەگە اسىرىلۋىنا قاتىستى ٴبىرقاتار ماسەلەلەر قاراستىرىلدى.

كوميسسيانىڭ شەشىمىمەن 2019 جىلعا ارنالعان باسىم ماماندىقتاردىڭ تىزبەسى بەكىتىلدى. قۇجاتتا 155 ماماندىق قامتىلعان. «بولاشاق» حالىقارالىق ستيپەندياسى بويىنشا تاعىلىمدامادان وتەتىندەردىڭ ساناتى انىقتالدى. 2019 جىلعا 555 ستيپەنديا بەكىتىلدى.

ستيپەنديا ماگيستراتۋرا مەن دوكتورانتۋرادا وقۋعا، سونداي-اق الەمنىڭ جەتەكشى عىلىمي جانە وندىرىستىك ورتالىقتارىندا تاعىلىمدامادان وتۋگە جولداناتىن 71 ۇمىتكەرگە تاعايىندالدى.

جيىن قورىتىندىسى بويىنشا قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا «بولاشاق» حالىقارالىق ستيپەندياسىن جۇزەگە اسىرۋدى ودان ٴارى جالعاستىرۋ جونىندە ٴبىرقاتار تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي