قاڭتاردا وتەتىن ۇبت-عا كىم قاتىسا الادى؟ - ٴبىلىم & عىلىم|24 قازان 2018، 11:58
كۋرسى ۆاليۋت وبنوۆليايۋتسيا
استانا:

قاڭتاردا وتەتىن ۇبت-عا كىم قاتىسا الادى؟

استانا، baq.kz. اقىلى بولىمدە وقيتىن تالاپكەرلەر ٴۇشىن ۇلتتىق ٴبىرىڭعاي تەستىلەۋدى قاڭتار ايىندا تاپسىرۋعا مۇمكىندىك تۋىپ وتىر. ۇلتتىق ٴبىرىڭعاي تەستىلەۋگە وتىنىشتەر 1-15 جەلتوقسان ارالىعىندا قابىلدانادى.

بعم ٴباسپاسوز قىزمەتى تاراتقان مالىمەت بويىنشا، مەملەكەتتىك ٴبىلىم بەرۋ گرانتتارى نەگىزگى ۇبت تاپسىرىلعاننان كەيىن ۇلەستىرىلەدى.

ۇلتتىق ٴبىرىڭعاي تەستىلەۋگە (ۇبت) قاتىساتىندار:

- ورتا مەكتەپتەردىڭ 11-12 سىنىپ وقۋشىلارى (2019-2020 وقۋ جىلىندا جوو-دا اقىلى نەگىزدە وقۋ ٴۇشىن). قاڭتار ايىندا وتەتىن بۇل تەستىلەۋ تۇلەكتەرگە نەگىزگى تەستىلەۋدىڭ الدىندا ٴوز بىلىمدەرىن تەكسەرۋ ٴۇشىن تاپتىرماس مۇمكىندىك. مەملەكەتتىك ٴبىلىم بەرۋ گرانتىنا ۇمىتتەنگەن تالاپكەر 2019 جىلعى جازدا وتەتىن ۇبت-نى مىندەتتى تۇردە تاپسىرۋى قاجەت. ويتكەنى، قاڭتار ايىنداعى تەستىلەۋدە شەكتى بالل جيناعان تەستىلەنۋشى بۇل سەرتيفيكاتىمەن جوو-دا تەك اقىلى نەگىزدە وقي الادى;

- جوو-عا ۋاقىتشا تىركەلگەن جانە ٴبىرىنشى سەمەستردى اياقتاپ جاتقان ستۋدەنتتەر. بۇل تەستىلەۋدەن ستۋدەنت ٴبىلىم الىپ جۇرگەن وقۋ ورنىنا رەسمي تىركەلۋ ٴۇشىن جانە جوو-داعى وقۋىن جالعاستىرۋ ٴۇشىن وتەدى. ەگەر ستۋدەنت شەكتى بالل (50 بالل) جيناي الماسا، وقۋدان شىعارىلاتىن بولادى.

"تەستىلەنۋشىلەر قاڭتار ايىندا وتەتىن ۇبت-عا قاتىسقاننان كەيىن ماۋسىم ايىندا وتەتىن ۇبت-عا قاتىسۋ جانە مەملەكەتتىك ٴبىلىم بەرۋ گرانتتارىن تاعايىنداۋ بويىنشا وتەتىن بايقاۋعا قاتىسۋ مۇمكىندىگىنەن ايىرىلمايدى. تەستىلەۋگە قاتىسۋ ٴۇشىن وتىنىشتەر ۇلتتىق تەستىلەۋ ورتالىعىنىڭ ۇبت تاپسىرۋ پۋنكتەرىندە قابىلدانادى. قاڭتار ايىنداعى تەستىلەۋ اقىلى، قۇنى – 2242 تەڭگە"، - دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي