ەلىمىزدىڭ 30-عا جۋىق قالاسىندا بالاباقشاعا كەزەككە تۇرۋ اۆتوماتتاندىرىلعان - ٴبىلىم & عىلىم|30 قازان 2018، 15:45
كۋرسى ۆاليۋت وبنوۆليايۋتسيا
استانا:

ەلىمىزدىڭ 30-عا جۋىق قالاسىندا بالاباقشاعا كەزەككە تۇرۋ اۆتوماتتاندىرىلعان

فوتو: .newsvl.ru

استانا، baq.kz ٴتىلشىسى. قر ٴبىلىم جəنە عىلىم ٴمينيسترى ەرلان ساعاديەۆ ەلىمىزدىڭ 29 قالاسى مەن 6 اۋدانىندا بالاباقشاعا كەزەككە تۇرۋ اۆتوماتتاندىرىلعانىن ايتتى.

«رەسپۋبليكادا 10 مىڭ 314 مەكتەپكە دەيىنگى ۇيىم جۇمىس ىستەيدى. وعان 880 مىڭ 1-6 جاستاعى بالالار بارادى. ٴقازىر 3-6 جاستاعى بالالاردى بالاباقشامەن قامتۋ 93 پايىزعا جەتىپ وتىر. «بالاپان» باعدارلاماسى اياسىندا 2020 جىلعا قاراي 3-6 جاستاعى بالالاردى 100 پايىز قامتۋ مىندەتى قويىلعان. ٴبىز بۇل تاپسىرمانى ورىندايمىز دەپ ويلايمىز. əزىرگە وسى سالادا قارقىندى جۇمىس ىستەپ جاتىرمىز»، - دەدى ساعاديەۆ سەناتتاعى جيىندا.

ٴمينيستردىڭ ايتۋىنشا، بالالاردى بارىنشا قامتۋ ٴۇشىن كەلەسى جىلى جەرگىلىكتى اتقارۋشى ورگاندار 62 مىڭ ورىن اشادى. ونىڭ 48 مىڭى – كاسىپكەرلىك. اشىلاتىن ورىنداردىڭ 8 مىڭى - 1-3 جاستاعى بالالارعا ارنالعان.

«ٴقازىر بالاباقشاعا كەزەككە تۇرۋ جəنە جولداما بەرۋ پروسەسى اۆتوماتتاندىرىلعان. ٴبىراق، بارلىق جەردە ەمەس. ٴبىز ٴىرى قالالاردان باستاپ وتىرمىز. ٴقازىر رەسپۋبليكا بويىنشا 29 قالا مەن 6 اۋدان تولىعىمەن اۆتوماتتاندىرىلعان. ياعني، اتا - انا بالاباقشانى كەزەككە تۇرعاندا ٴوزى تاڭدايدى. پروسەدۋرا اشىق جəنە تەز ورىندالادى»، - دەدى ەرلان ساعاديەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي