بيىل 14 مىڭنان استام تۇلەك ۇلتتىق ٴبىرىڭعاي تەستىلەۋدەن وتە المادى. بۇل تۋرالى وكق-دە وتكەن بريفينگتە قر بعم ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ ايتتى، دەپ حابارلايدى baq.kz ٴتىلشىسى.
استانا: 
4231 
0
بيىل 14 مىڭنان استام تۇلەك ۇلتتىق ٴبىرىڭعاي تەستىلەۋدەن وتە المادى. بۇل تۋرالى وكق-دە وتكەن بريفينگتە قر بعم ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ ايتتى، دەپ حابارلايدى baq.kz ٴتىلشىسى.
بريفينگتە ديرەكتور ۇلتتىق ٴبىرىڭعاي تەستىلەۋدىڭ قورىتىندىسىن باياندادى.
ونىڭ ايتۋىنشا، بيىل ۇبت 167 بەكەتتە وتكەن. ونىڭ ىشىندە 3 بەكەت كوللەجدىڭ بازاسىندا، 116 بەكەت مەكتەپتىڭ بازاسىندا جانە 48 جوعارى وقۋ ورنىنىڭ بازاسىندا ورنالاسقان.
«بيىل ۇبت-عا جالپى 102 مىڭ 447 تۇلەكتەن ٴوتىنىش ٴتۇستى. ياعني 102 447 تۇلەكتىڭ 98 ٴ698-ى نەمەسە 96%ٴ-ى ۇلتتىق ٴبىرىڭعاي تەستىلەۋگە قاتىستى. ونىڭ ىشىندە ۇبت-نى 77 مىڭ 224 تۇلەك ياعني وقۋشىلاردىڭ 75%ٴ-ى قازاق تىلىندە، 25 177 تۇلەك، ياعني شاكىرتتەردىڭ 25%ٴ-ى ورىس تىلىندە تاپسىردى. ناتيجەسىندە تەستىلەۋدەن شەكتى بالدى العان تۇلەكتەردىڭ سانى – 84 065 نەمەسە 85%. وكىنىشكە قاراي، شەكتى بالدى الماعانداردىڭ سانى – 14 633 نەمەسە 14%. سونداي-اق، 9 تۇلەكتىڭ ۇبت ناتيجەسى جوققا شىعارىلدى. قازاقستان بويىنشا ۇلتتىق ٴبىرىڭعاي تەستىلەۋدە ورتاشا بالل – 83. بىلتىر ول 80،5% بولعان»، - دەدى ول.
سونداي-اق ديرەكتور بيىل ۇبت-داعى ەڭ جوعارى 140 بالدى الماتىلىق تۇلەك شيارا قۇدايبەرگەنوۆا العانىن ايتتى. ول تەستىنى 25 ماۋسىم كۇنى قازاق ۇلتتىق اگرارلىق ۋنيۆەرسيتەتىندە تاپسىرىپتى. سونىمەن قاتار بريفينگتە رامازان ٴالىمقۇلوۆ بيىل العاش رەت 28 وقۋشى ۇبت-نى اعىلشىن تىلىندە تاپسىرعانىن اتاپ ٴوتتى.
«العاش رەت ۇبت-نى اعىلشىن تىلىندە تاپسىرامىن دەگەن 46 ٴوتىنىش ٴتۇستى. ٴبىراق 28 تۇلەك قانا ۇبت-نى اعىلشىن تىلىندە تاپسىردى. ونىڭ ىشىندە 5 وقۋشى استانادان، 7 وقۋشى اتىراۋدان، 6 وقۋشى شىمكەنتتەن جانە قالعاندارى باسقا قالالاردان بولدى. ۇبت-نى اعىلشىن تىلىندە تاپسىرعانداردىڭ ورتاشا بالى – 85»، - دەدى ديرەكتور.
ٴسوز سوڭىندا ول ۇبت-نى تاپسىرا الماعان تۇلەكتەر تەستىنى ەكىنشى رەت قاشان تاپسىرا الاتىنىن حابارلادى.
«ولار 25 شىلدە مەن 3 تامىز ارالىعىندا ۇبت-نى ەكىنشى رەت تاپسىرۋعا ٴوتىنىش بەرە الادى. ەمتيحاندى تاپسىرا الماعاندار 15 تامىز بەن 19 تامىز ارالىعىندا ۇبت-نى قايتا تاپسىرادى. ەگەر ودان وتپەي قالسا، وندا قىستا قايتادان ٴوتىنىش بەرىپ تاپسىرا الادى»، - دەپ تۇيىندەدى ٴسوزىن رامازان ٴالىمقۇلوۆ.
ايتا كەتەيىك، بيىل ۇبت-داعى شەكتى بالل ٴ50-دى قۇراعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14869
0