BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا وقۋ جىلىنا دايىندىق ويداعىداي

مىنە، جازعى كانيكۋل اياقتالۋعا ساناۋلى كۇندەر قالدى. الا جازداي دەمالىپ، ساۋىققان بالالار ٴقازىر التىن ۇيا مەكتەپتەرىنە ورالۋعا اسىعىپ، قاجەتتى وقۋ قۇرالدارى مەن كيىم-كەشەكتەرىن دايىنداۋدا. ال ٴبىلىم وشاقتارىنىڭ دايىندىعى قانداي؟

بۇل سۇراقتىڭ جاۋابىن وتكەن سەيسەنبى كۇنگى قالا اكىمدىگىنىڭ كەزەكتى اپپارات ماجىلىسىندە قالالىق ٴبىلىم بەرۋ ٴبولىمىنىڭ باستىعى باقشاگۇل رازاققىزى راحيموۆانىڭ مالىمەتىنەن بىلدىك. - قالامىزدا جاڭا 2016-2017 وقۋ جىلىنا دايىندىق جوسپارلى تۇردە جۇرگىزىلىپ جاتىر. ٴبىلىم بەرۋ ۇيىمدارى جوندەۋدەن وتكىزىلىپ، 1 قىركۇيەكتە كەلەتىن وقۋشىلاردىڭ سانى انىقتالىپ، وقۋلىقتارمەن قامتاماسىز ەتىلىپ، مۇعالىمدەردىڭ جۇكتەمەلەرى بەكىتىلەدى،- دەدى باقشاگۇل راحيموۆا. بيىلعى جاڭا وقۋ جىلىندا قالا مەن اقتاۋ كەنتىندەگى ٴبىلىم وشاقتارىنىڭ ەسىگىن 24 000 وقۋشى اشقالى وتىر، بۇل وتكەن جىلعىدان الدەقايدا كوپ، بىلتىرعى وقىشىلار سانى 20 555 ەدى. جيىرما ٴتورت مىڭ وقۋشىنىڭ ٴ3200-ى ٴبىرىنشى سىنىپقا بارسا، مەكتەپكە دەيىنگى دايىندىق سىنىبىنا، ياعني 0 سىنىپقا 1100 ٴبۇلدىرشىن باراتىن بولادى. جىل سايىن جازعى كانيكۋل باستالىسىمەن جوسپار بويىنشا مەكتەپتەر اعىمداعى جانە كۇردەلى جوندەۋدەن وتكىزىلەتىنى بەلگىلى. وسىنداي جۇيەلى جۇمىستاردىڭ ناتيجەسىندە بۇگىنگى تاڭدا اپاتتى مەكتەپتەر جوق. دەگەنمەن، بۇعان دەيىن بايسەيىتوۆا كوشەسى، 7 مەكەن- جايىندا ورنالاسقان №15 قازاق مەكتەپ-گيمنازياسىنىڭ تار عيماراتتا وتىرعانى بەلگىلى. بۇگىنگى تاڭدا بۇل وقۋ ورداسى كومسومول داڭعىلى 91 مەكەن-جايىنداعى بۇرىنعى №12 ورتا مەكتەپ عيماراتىنا كوشىرىلدى. جالپى قالامىزدا 59 ٴبىلىم وشاعى بار بولسا، ولاردىڭ 29-ى جالپى ٴبىلىم بەرەتىن ورتا مەكتەپ، ٴ25-ى بالا باقشا جانە ٴ5-ى قوسىمشا ٴبىلىم بەرەتىن مەكەمە. بيىلعى جىلى ولاردىڭ جوندەلۋىنە 56 098،0 ملن. تەڭگە بولىنگەن، مۇنىڭ 37 632،1 ملن.-ى رەسپۋبليكالىق، قالعان 14 314،7 ملن.-ى جەرگىلىكتى بيۋد- جەت قاراجاتى. ناتيجەسىندە№4 «دەلفينچيك» بالا باقشاسى، اقتاۋ كەنتىندەگى №29 جانە №31 ورتا مەكتەپتەر كۇردەلى جوندەۋدەن وتكىزىلدى. الداعى جىلىتۋ ماۋسىمىنا قامدانۋ جۇمىستارى دا قولعا الىنىپ، قاجەتتى جاعار وتىرمەن قامتىلعان. جوعارىدا ايتىپ وتكەندەي، 59 ٴبىلىم وشاعىنىڭ ٴ54-ى تەس جۇيەسىنە قوسىلعان بولسا، ٴ4-ىنىڭ قازاندىعى بار، ٴ1-ۋى ەلەكتر قازاندىعىمەن جىلىتىلادى. قازاندىعى بار مەكتەپتەرگە 1 660 توننا كومىر تۇسىرىلگەن. بارلىق ٴبىلىم وردالارىنىڭ جىلىتۋ جۇيەلەرى جۋىلىپ- شايىلىپ، دايىندىق اكتىسىن العان. تەك №18 «بالدىرعان» بالا باقشاسىندا 735،0 مىڭ تەڭگەگە جىلۋ جەلىسى جوندەلىپ، «جارىق قالا» جشس-مەن كەلىسىمشارت 100 پايىزعا ورىندالعان. – وقۋشىلاردىڭ وقۋلىقتارمەن قامتىلۋى تۋرالى ايتىپ بەرسەڭىز؟ – دەپ سۇرادىق باسشىدان. – بارلىق وقۋشىلاردىڭ مەكتەپ كىتاپحانالارى قورىنان وقۋلىقتارمەن قامتۋ 99،7 پايىزدى قۇراپ وتىر. بيىلعى جىلى وقۋلىقتار ساتىپ الۋدىڭ جالپى قاجەتتىلىگى 75 878،3 ملن. تەڭگە بولسا، ونىڭ ىشىندە 1 سىنىپ وقۋشىلارى ٴۇشىن قاجەتتى وقۋلىقتار تولىق قامتىلدى، ال 4 - 8 سىنىپتار ٴۇشىن اعىلشىن ٴتىلى، 8 سىنىپقا ينفورماتيكا، 9 سىنىپقا ٴدىنتانۋ نەگىزدەرى وقۋلىقتارى ساتىپ الىندى. ولاردى جەتكىزۋ بەلگىلەنگەن كەستەگە سايكەس 15 تامىزدا اياقتالدى. ٴسوز رەتى كەلگەندە ايتا كەتەيىك، بارلىق وقۋشىلاردى تەگىن وقۋلىقتارمەن قامتاماسىز ەتۋ ٴۇشىن مەك- تەپتەردە وسىمەن ەكىنشى جىلى «وقۋلىق» ەلەكتروندى باعدارلاماسى جۇزەگە اسىرىلىپ كەلەدى. جاڭا وقۋ جىلىندا 2 008 الەۋمەتتىك جاعىنان از قامتىلعان وتباسى بالالارى تەگىن ىستىق تاماقپەن قامتىلادى. – باقشاگۇل رازاققىزى، جىل سايىن «مەكتەپكە جول» اكسياسى وتەتىنى ٴمالىم، وسىعان وراي وقۋشىلارعا قانداي ناقتى كومەكتەر كورسەتىلۋدە؟ – ٴيا،«مەكتەپكە جول» اكسي- ياسى اياسىندا بيىل جۇزدەن اسا وقۋشىعا كيىم-كەشەك، اياق قيىم، جازۋ-سىزۋ وقۋ قۇرالدارى سىندى قاجەتتى زاتتار 500 مىڭ تەڭگەگە الىنىپ، ٴوز يەلەرىن تاپتى. اكسيا الداعى قىركۇيەك ايىنىڭ سوڭىنا دەيىن جالعاساتىن بولادى.

– ال ٴبىرىڭعاي مەكتەپ فورماسى تۋرالى نە ايتاسىز؟ – ارينە، مەكتەپ فورماسىن كييۋ 2016 جىلعى 14 قاڭتارداعى قر ٴبىلىم جانە عىلىم ٴمينيسترىڭ №26 بۇيرىعىمەن جۇزەگە اسىرىلۋدا. دەگەنمەن ٴبىزدىڭ قالا مەن اقتاۋ كەنتىننىڭ وقۋشىلارى 2013 جىلدان باستاپ مەكتەپ فورماسىنا كوشكەن. «ٴىس تەتىگىن-كادر شەشەدى» دەگەن ٴسوز بار، بۇل تۇرعىدا قالامىزدا ٴتورت جارىم مىڭنان اسا مۇعالىمدەر بارىن ەسكەرسەك جانە بيىلعى وقۋ جىلىندا 54 جاس ماماننىڭ جۇمىسقا قابىلدانعانى پەداگوگتارعا دەگەن قاجەتتىلىكتىڭ ٴجۇز پايىز ەكەنىن كورسەتەدى. ولار بيىل ٴبىلىم كوتەرۋ، بىلىكتىلىگىن ارتتىرۋ وقۋلارىنا بارعاندار سانى - 202. قورىتا ايتقاندا، جاڭا 2016 - 2017 وقۋ جىلىنا تەمىرتاۋ مەكتەپتەرى ساقاداي ساي دەۋگە تولىق نەگىز بار. ال ٴبىلىم ساپاسى جىلداعى ۇلتتىق ٴبىرىڭعاي تەستىلەۋ بارىسىنان انىق كورىنۋدە، ٴۇش جىلدان بەرى تەمىرتاۋلىق تۇلەكتەر وبلىستىق، رەسپۋبليكالىق كورسەتكىشتەن جوعارى دەڭگەيدە بالل جيناپ، ٴبىلىم سالاسىنىڭ جۇيەلى جۇمىسىن كورسەتۋدە.

رۋزا الداشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي