BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇبت-نىڭ مازمۇنى وزگەرەدى

فوتو: kaz.365info.kz

سوناۋ كەڭەستىك زاماننان بەرى ٴبىلىم بەرۋ جۇيەسىنە جىل سايىن قانداي دا ٴبىر جاڭاشىلد­ىق ەنگىزىلىپ كەلەدى. تاۋەلسىزدىك جىلدارىندا جۇرگىزىلگەن تۇراقتى يننوۆاسيالار مەن رەفورمالار كەز كەلگەن ٴمۇعالىمنىڭ مىندەتتى كريتەرييى اتانسا، ٴاربىر جاڭا ٴبىلىم ٴمينيستر­ىنىڭ مىندەتتى «رەفورما جاساۋى» داس­تۇرگە اينالدى. دەسەك تە، ايتۋلى سالادا اۋقىمدى وزگەرىستەر بولىپ جاتقانىن جاسىرا المايمىز. جىل سايىن ٴبىلىم بازاسى جاڭارتىلىپ، مەكتەپتەر جاڭا وقۋلىقتار مەن زاماناۋي تەحنيكامەن قامتاماسىز ەتىلۋدە. ٴبىلىم كورسەتكىشىمەن دە الەم ەلدەرىندە وق بويى وزىق تۇرمىز. بۇل تۇرعىدا تالاس جوق. تاقىرىپتىڭ تۇپ-توركىنى ٴبىلىم جۇيەسىنە مەكتەپ ٴبىتىرۋشى تۇلەكتەردىڭ «جوعىن جوقتاپ، سويىلىن سوققانداردىڭ» تەست تاپسىرۋدىڭ جاڭا فورماتىن ەنگىزۋىندە بولىپ وتىر.

ەستەرىڭىزگە سالا كەتەيىك، ۇلتتىق ٴبىرىڭعاي تەستىلەۋ ەلىمىزدىڭ ٴبىلىم بەرۋ جۇيەسىنە العاش رەت 2004 جىلى ەنگىزىلدى. سودان بەرى تەستىلەۋدىڭ بۇل فورماسىنا قاتىستى داۋ-داماي ٴالى كۇنگە دەيىن تولاستاعان ەمەس. وسىعان وراي، ٴبىلىم جانە عىلىم مينيسترلىگىنىڭ نۇسقاۋىمەن ۇبت-عا جاڭا وزگەرتۋلەر ەنگىزۋ ماسەلەسى قاراست­ىرىلعان بولاتىن. قاۋزاعان ٴىستىڭ تولىق شەشى­مى شىقپاسا دا، وڭ وزگەرىستىڭ شەتى كورىندى. تاۋەكەلشىل ٴىستىڭ ٴتۇيىنىن تارقاتىپ كورەلىك. وزگەرتۋلەرگە سايكەس، ۇبت ەندى مەكتەپتىك جانە جوو ورنىنا تۇسۋگە باعىتتالعان دەپ ەكى كەزەڭگە بولىنەدى. مەكتەپ بىتىرۋشىلەر مامىر ايىنىڭ سوڭى مەن ماۋسىم ايىنىڭ باسىندا مەملەكەتتىك ەمتيحان تاپسىرادى. بۇل – تەستىلەۋدىڭ ٴبىرىنشى كەزەڭى. اتالمىش كەزەڭدە (ۇلتتىق تەستىلەۋ) مەكتەپ­ ٴبىتىرۋشى تۇلەكتەر ٴداستۇرلى بەس پاننەن (قازاق ٴتىلى، ورىس ٴتىلى، الگەبرا، قازاقستان تاريحى جانە تاڭداۋ ٴپانى) قۇرىلىمى وزگەرگەن تاپسىرمالار ورىندايدى. الدىمەن، قازاق ٴتىلى پانىنەن ەسسە جازادى، ودان سوڭ ورىس تىلىنەن 40 سۇراقتىق تەست تاپسىرماسىن ورىندايدى. قازاقستان تاريحى­ پانىنەن اۋىزشا ەمتيحان تاپسىرسا، الگەبرا جانە اناليز باستامالارى پانىنەن جازباشا ەمتيحان جۇمىسىن جازادى. تاڭداۋ ٴپانى بويىنشا 40 تەست بەرىلەدى. تەست كۇردەلەنگەن، ياعني 20 سۇراقتىڭ ٴبىر جاۋابى بولسا، قالعان 20-سىنىڭ بىرنەشە جاۋاپتارى بولۋى مۇمكىن. اتالعان بەس ەمتيحاننىڭ تاپسىر­مالارىن ٴبىلىم جانە عىلىم مينيسترلىگى دايىندايدى. سايكەسىنشە، جاۋاپتارى دا تەست ورتالىقتارىنان شىعادى. سونداي-اق، ەمتيحانعا ارنايى ۋاكىلدەر كەلىپ قاتىسادى. ەكىنشى كەزەڭدە (كەشەندى تەستىلەۋ) تالاپكەرلەر جوو-عا تاۋەل­سىز ەمتيحان ارقىلى تاڭداعان ماماندىعىنا­ سايكەس بلوكتى تەستىلەۋدەن وتەدى. بىتىرۋشىلەر شىلدە ايىندا قالاعان ۋنيۆەرسيتەتىنە بارىپ فۋنكسيونالدىق ماتەماتيكا، وقۋ ساۋاتتىلىعى جانە ەكى تاڭداۋ ٴپانى، جالپى ٴتورت پاننەن تەست تاپسىرادى. ماتەماتيكالىق ساۋاتتىلىقتان 20 سۇراقتان تۇراتىن تەست (لوگيكا مەن فۋنكسيونالدىق ساۋاتتىلىققا ارنالعان تاپسىرمالار) تاپسىرماسىن ورىندايدى. ال، وقۋ ساۋاتتىلى­عىنان 4 ٴماتىن بەرىلىپ، سول ماتىنگە قاتىسى بار 20 سۇراقتان تۇراتىن تاپسىرمانى ورىنداۋ كوز­دەلەدى. قالعان ەكى تاڭداۋ پانىنەن 40 سۇراقتان بەرىلەدى. ونىڭ 20-سىنىڭ ٴبىر عانا جاۋابى بولسا،­ ٴ15-ىنىڭ بىرنەشە جاۋابى بار، قالعان 5-ەۋى سايكەس­تەندىرۋگە ارنالعان تاپسىرمالار. بۇل كەزەڭ­دە 120 سۇراققا 3 ساعات ۋاقىت بەرىلەدى.

– ٴبىلىم جانە عىلىمدى دامىتۋ مەملەكەتتىك باعدارلاماسىنا سايكەس، ۇلتتىق ٴبىرىڭعاي تەستى­لەۋ جەتىلدىرىلدى جانە ترانسفورماسيالاندى. تەستى­لەۋ وزگەرىسكە ۇشىراعانىمەن، نەگىزگى ينفراقۇرىلىمى مەن مەحانيزمدەرى قالادى. ەڭ باستىسى­، ٴبىز تۇلەكتەردىڭ تىلىنە، تۇرعىلىقتى جەرىنە قاراما­ستان، بارلىعىنا جوو-عا تۇسۋگە تەڭ جاعداي­لار جاساۋىمىز كەرەك. قازىرگى ۋاقىتتا بارلىق سۇراقتار رەكتورلارمەن، مەكتەپ مۇعا­لىمدەرى جانە اتا-انالارمەن تالقىلانۋدا. ٴبىز ەمتيحاندى sat جۇيەسىنە ۇقساس ەتىپ جاساعىمىز كەلەدى. ياعني ٴبىز تۇلەكتەردىڭ ٴبىلىم دەڭگەيىن انىقتايمىز. سونىمەن قاتار، جۇمىس بەرۋشىلەرگە بۇگىنگى الەمدە قاجەت كومپەتەنسيالىق قاسيەتتەرىنە قاراي ٴبىلىمدى تۇلعانى تاڭداۋعا مۇمكىندىك بەرەمىز. سوندىقتان ۇبت مازمۇنى وزگەرەدى، - دەپ اتاپ ٴوتتى قر بعم ٴبىلىم جانە عىلىم سالاسىنداعى باقىلاۋ كوميتە­تىنىڭ ٴتوراعاسى سايات ٴنۇسىپوۆ.

سونداي-اق، تۇلەكتەر تەستىلەۋدى شىلدە-تامىز ايلارىندا ٴبىر رەت قانا تاپسىراتىن. جاڭا وز­گەرتۋگە سايكەس، تەستىلەۋدەن تومەن العان تالاپكەرلەر كەلەسى جىلدىڭ قاڭتار ايىندا ەمتيحان­دى قايتا تاپسىرۋعا مۇمكىندىك الادى. ٴبىر قۋانتارلىعى، كوللەدج ستۋدەنتتەرى دە ۇلتتىق تەستىلەۋدى تاپسىرۋعا مۇددەلى بولماق. دەمەك، كوللەدج بىتىرۋشىلەرى دە شارتتى تۇردە جوعارعى وقۋ ورنىن­ا تۇسۋگە قۇقىلى بولادى دەگەن ٴسوز.

ٴتۇيىن. ۇلتتىق ٴبىرىڭعاي تەستىلەۋ جۇيەسى جايلى قاراما-قايشى پىكىرلەر ٴجيى ايتىلادى. ونى قولداۋشىلار «بۇدان ٴساتتى جۇيە جوعىن» العا تارتسا، قارسىلار «تەست بىتىرۋشىلەردىڭ ٴبىلىم دەڭگەيىنە دالەل ەمەس» دەيدى. ٴبىر قىزىعى، وسى كۇنگە دەيىن «التىن بەلگى» يەگەرلەرى اتانىپ نەمەسە «گرانتقا» قول جەتكىزگەندەردىڭ تەستكە بايلانىستى سىني كوزقاراس ٴبىلدىرىپ، ايىپ تاققاندارى بوي كورسەتپەدى. «ەسەگى سۋدان وتكەندەر» بۇل داۋدان شەتكەرى قالارى انىق. ال، ۇلتتىق ٴبىرىڭعاي تەستىلەۋ ورتالىعىنا، مۇعالىمدەرگە، شەندى كىسىلەرگە وكپەلى – تەك سىننان سۇرىنگەن تۇلەكتەر قاتارى دەپ ويلايمىز. «بەتىڭ قيسىق بولسا، ايناعا وكپەلەمە» دەگەن ٴتامسىل بار. وسى سەبەپتەن دە سىناق تالابىنان سۇرىنگەن زامانداستارىمىزدىڭ «ايناعا وكپەلەپ»، تالاي ۇزدىكتىڭ «باعىن اشقان» تەستىلەۋگە سىن تاعۋى تۇسىنىكتى جايت. كىم نە دەسە دە، تەستىلەۋ وزگەرتىلدى. باستالعان ٴىستىڭ اقىرىن كۇتەيىك.

قۇرالاي جاقسىلىق

www.halyk-gazeti.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي