BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساۋات اشۋمەن قوشتاسامىز با؟

ٴيا، ٴبىر عاسىرعا جۋىق ۋاقىتتا بالالارعا ٴالىپتى ٴارىپ ەتىپ كورسەتكەن الىپپەمەن جىل سايىن جىلدىڭ سوڭىندا قوشتاساتىن ەدىك، ەندى بيىل ماڭگىلىككە قوشتاستىق. الىپپەنىڭ ەندىگى قىزمەتىن "ساۋات اشۋ" كىتابى الماستىرىپ، بيىلعى ٴبىرىنشى سىنىپ تابالدىرىعىن اتتاعان بۇلدىرشىندەر ساۋاتىن "ساۋات اشۋمەن" اشتى. وسى رەتتە، الىپپە كىمدەرگە "كوزگە شىققان سۇيەل بولدى ەكەن؟" دەگەن ساۋال ەرىكسىز مازاپايدى. ەندى بۇلدىرشىندەر الىپپەمەن قوشتاسۋدىڭ ورنىنا، "ساۋات اشۋمەن” قوشتاسا ما؟.. ٴبىلىم بەرۋ جۇيەسى - سىنعا كوپ ۇشىرايتىن سالانىڭ ٴبىرى. ەلىمىزدەگى ٴبىلىم جانە عىلىم ٴمينيسترى اۋىسقان سايىن ٴبىلىم سالاسىنا ٴوز وزگەرىسىن الا كەلەتىن بولدى.

قر ٴبىلىم جانە عىلىم ٴمينيسترى ەرلان ساعاديەۆ ٴبىلىم بەرۋدە ٴۇشتىلدى جۇيەگە كوشۋدى تەزدەتۋگە بارىن سالۋدا. بيىل "الىپپەدەن" جەرىپ، ونىڭ ورنىنا "ساۋات اشۋدى" ەنگىزەدى. الىپپەنى قولىنا ۇستاعان كەز-كەلگەن بالا ونداعى ٴماتىندى وقىپ، تاقپاعىن جاتتاۋعا ەش قينالمايتىن.

سەبەبى، "الىپپەدە" بارلىق ٴسوز، سويلەم بۋىن-بۋىنعا ٴبولىنىپ، سۋرەتپەن بەرىلەدى. "الىپپە" وقۋلىقتاعى ٴتۇرلى- ٴتۇستى سۋرەتتەرىمەن دە، وقىتۋ ٴتاسىلىنىڭ ەرەكشەلىگىمەن دە، اتاۋىمەن دە بارلىق ٴبۇلدىرشىننىڭ جۇرەگىنە جاقىن وقۋلىق ەدى. نەمەرەسىنىڭ ساباعىن ٴوزى مۇقيات قاداعالايتىن ورىنتاي اپا "زامان تالابىنا ساي كەز-كەلگەن جاڭالىقتى قولداۋشىلاردىڭ ٴبىرىمىن"،- دەيدى. ٴبىراق ول جاڭا جۇيە ەنگىزىلمەي تۇرىپ، جان-جاقتى جەتىلدىرىلۋى قاجەت ەكەنىن ايتادى. ەڭ اياعى، جاڭا جۇيە 1- سىنىپقا بارعان بالانىڭ مەكتەپكە قانشا كىتاپ اپاراتىندىعىنا دەيىن جان-جاقتى زەرتتەلىپ بارىپ، ەنگىزىلگەندە، جاقسى بولار ەدى دەپ وتىر.

ويتكەنى، ٴبىرىنشى سىنىپتا وتەتىن ون پاننەن قوس-قوستان كىتابى، وعان قوسا ەكىدەن داپتەرلەرى بار بالانىڭ سومكەسى دە تىم اۋىر. ول ازداي، ساباقتارى دا قيىند اپ كەتتى دەيدى. ٴۇشتىلدى ج اڭا جۇيەنىڭ العاشقى وقۋشىلارى تۇگىلى، اتا-انالارى دا تىلدەن شاتاسىپ بىتتىك دەپ قاپالى. - ورىس تىلىنەن - تاقپاق، ساۋات اشۋدان - تاقپاق، اعىلشىننان - تاقپاق. بىردەن ٴۇش تىلدەن تاقپاق جاتتاۋ بالاعا اۋىر. "الىپپەسىنەن" ايىرىلىپ قالعاندارى ازداي، ۇيدە بال انى ساباققا ازىرلەۋ ٴۇشىن عالامتور اقتارامىز. ارنايى اۋدارما جاسايمىز. دەگەنمەن، مينيسترلىكتىڭ وقۋلىقتىڭ اتاۋىن بىلايشا وزگەرتكەنى كوڭىل-گە كىربىڭ ۇيالاتادى. ويتكەنى، "الىپپە" قازاقى تۇسىنىكتە قاستەرلى اتاۋعا اينالىپ كەتتى،- دەيدى ول. ٴبىز ۇستازداردىڭ جاڭا جۇيەگە قاتىستى جاع ىمسى ز پىكىر ايتا الماسىن بىلسەك تە، اتا-انانىڭ شاعىمىن ارقاۋ ەتىپ، مەكتەپكە باس سۇقتىق. سەمەيدەگى №4 ورتا مەكتەپتىڭ 1 "ٴا" سىنىبىنىڭ سىنىپ جەتەكشىسى راۋشان سامالىقوۆاعا جولىققانىمدا، بيىلعى وقۋ جىلىندا وقۋ باعدارلاماسىندا جاڭالىق كوپ ەكەندىگىن العا تارتتى: - الىپپەنىڭ ەڭ ٴبىرىنشى بەتىندە ن. نازاربايەۆتىڭ بالالارعا تىلەگى جازىلىپ، ودان كەيىنگى بەتتەردە سۋرەتتەر بەينەلەنىپ، سۋرەتتەرمەن بالالار جۇمىس جاساۋعا ۇيرەنەتىن. سۋرەتتەر بويىنشا سۇراققا جاۋاپ بەرىپ، اڭگىمە ايتۋعا جاتتىعىپ، ٴار ساباق سايىن ٴبىر ارىپپەن تانىسا وتىرىپ، ٴارىپ جانە دىبىس، ولاردىڭ ايىرماشىلىعى جايلى ماعلۇمات الاتىن. ال "ساۋات اشۋ" بويىنشا ٴارىپتى وتپەي جاتىپ، سۋرەتتەرگە قاراي وتىرىپ دىبىستىق تالداۋ جاساپ، سويلەم قۇراستىردىق. "ساۋات اشۋدا" ٴبىر ٴارىپتى ۇيرەنۋگە ٴتورت- بەس ساباق ارنالادى دا، سول ۋاقىتتا بالانى وزدىگىنەن ىزدەنۋگە ۇيرەتەتىن ٴتۇرلى تاپسىرمالار بەرىلەدى. ياعني، بالانى جاتتاندى بىلىمگە باعىتتاۋ ەمەس، ٴبىر دۇنيەنى ۇيرەنۋگە وزىنشە تالپىنۋ، ىزدەنۋ، كەرەكتى ٴبىلىمدى يگەرۋگە ٴوزى كۇش سالىپ بارىپ قابىلداۋعا باۋليدى.

سونداي-اق، بۇل كىتاپتىڭ سوڭىندا ديسكى بار، ديسكىنى تىڭداي وتىرىپ بالالار ساۋاتىن اشادى،- دەيدى. "ساۋات اشۋ" كىتابىن پاراقتاپ وتىرىپ، 26 بەتتەگى مىنا ٴبىر ولەڭ جولىنا كوزىمىز ٴتۇستى. جوق شىعار تەڭدەسى، ٴبىر عاجاپ بالا بار. تۇراتىن بولمەسى قورامەن بارابار. كىتاپتار وبالدى، سيامەن سىلانعان. دەمەيسىڭ ولاردى باسقامەن ٴبىر العان. اينالا جايىپتى ويىنشىق بايلىعىن. كىم بۇعان ايىپتى؟ ۇقساما ٴقايبىرىڭ. (سەيتەن ساۋىتبەكوۆ) العاشقى ەكى جولدى وقىعاندا اۆتور "ۆۋندەركيند" بالا تۋرالى ايتقالى وتىر ەكەن دەپ ويلايتىنىڭىز انىق. كەلەسى ەكى جول مازمۇنى الگى ويىڭىزعا مۇلدەم كەرەعار. اۆتوردىڭ نە ايتقىسى كەلگەنىن تۇسىنبەي، ەكىنشى رەت قايتا وقىپ شىقتىم. "ۇيقاسى جوق ولەڭسىماقتى كىتاپ بەتىنە قالاي باسقان؟" دەگەن وي كەلدى. بالاعا جاتتاتۋ ٴۇشىن ونى ٴوزىڭ تۇسىنە ٴبىلۋىڭ كەرەك ەمەس پە؟ ولەڭنىڭ ورىنە شىققان اقىنداردىڭ ەمەس، تاقپاقتىڭ تورىنە شىققان اقىنداردىڭ شيمايىن بالاعا ەندى ٴتۇسىندىرىپ كورىڭىز. كىتاپتىڭ اتاۋىن وزگەرتپەي-اق، ىشكى مازمۇنىن جاڭارتۋمەن شەكتەلسەك بولماس پا ەدى؟ مينيسترلىكتەگىلەردىڭ "ساۋات اشۋ" ٴپانىنىڭ "الىپپەدەن" ايىرماسى جوق ەكەنىن ايتقانىن ەستىدىك. احمەت بايتۇرسىنوۆتىڭ مۇراسى دەپ باعالاپ كەلگەن ٴقادىرلى كىتاپتىڭ اتاۋىن اۋىستىرعاننان ۇتاتىنىمىز شامالى...

بيىل تۇڭعىش مەكتەپ تابالدىرىعىن اتتاعان وقۋشىلار ٴسال ەسەيگەن سوڭ اقىن امانجول شامكەنوۆتىڭ سوزىنە جازىلعان ٴابىلاحات ەسپايەۆتىڭ "ۇستازىم" ٴانىن تۇلعاڭدى ارمانىما ۇقساتقانمىن، ۇلگىڭدى كوڭىلىمە قىستاتقانمىن. ەسىمدە ساۋات اشۋدى جاتتاتقىزىپ، ەڭ العاش قولعا قالام ۇستاتقانىڭ... دەپ شىرقاپ تۇرسا تاڭعالماڭىز...


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي